26. २६. येशुइ आफ्नो सेवाकाइ सुरु खया।

शैतानक परिक्षाहा बिजयी ओयाङ न्हौ,येशू पबित्र आत्माक शक्तिहा गालिलक प्रान्तहा फर्केया,जहाँ उइ नयुनी ।येशू सिखातल दा-ठन्कहाइत अर्को ठन्कहा स्वाआ।सब्ल्हाउइल उइ क बारेहा मजा थामिनी ।

येशू नाशरतक गामाहा स्वाआ,जहाँ उइ आफ्नो बच्पनौ गाक्याङ (बितायाङ)ह्रेनी।शबाथ काले उइ आराधना खैन्याङ ठन्कहा काआ ।मन्छेराँउइ पढेमकलागै उइक याकुहा यशैया अगमबक्ताक पत्र बैसो।येशूइ पत्र खोलेया अनि हुन्क दा-भाग मन्छेराँउक लागै पढेबया।

येशूइ पढेया ,"परमेश्वरक आत्मा ङा ताकि ह्रेकङ ,आहुखाझै गरिबराँउकना सु-समचार सुनामक लागै उ इ ङाकना अभिषेक खैथाक्सी मन ग्रेयाङराँउकना निको प्रीम ,कैदिराँउकना छुट्कारा बयम,अन्धाराउकना दृष्टि बयम ,थिचोमिचोहा ब्रीयाङराँउकना छुट्कारा बयम ,अनि प्रभुक ग्रहणयोग्य बर्षक प्रचार खयमक लागै उ इ ङाकना लेत्थाक्सी ।

अनि येशू दि नया।सब्ल्हाउक मिकु उइताकी अरेयाङ ह्रेनी ।हुराँउकना थाहा ह्रेनी,कि उइ नोलैल पह्रेयाङ खण्डै मशिहक बारेहा गार्याङ ह्रेनी ।येशूइ गारा ,"पबित्र शास्त्रक इन वचन तान नराँउक क्लाआइहा पूरा ओह्रेका।"सब्ल मन्छेराँउ चकित ह्रेइनी।"आङ इन योसेफक चाउ माहुखै ?"हुराँउइ गार्सो ।

अनि येशुइ गारा,"ङा नराँउकना सत्य गार्कु,गुन्लकनि भबिस्यबक्ताकना आफ्नो देशहा ग्रहणयोग्य ओङ्मा ।"एलियाक समयहा,इस्रायलहा अनेकन बिधवाराँउ ह्रेइनी ।तर जब सारै सुम बर्ष मचै देउ र्वाआमा ,परमेश्वरै एलियाकना इस्रायलहा ओयाङ बिधवाकना साहायता खयम लेतामा, तर बरु अर्कोल रास्ट्रक बिधवानिङ्हा लेता।

येशु क्ल्याइकाताआ,"एलिसा अगमबक्ताक बेलाहा,छालाक रोग ओयाङ चोल मन्छेराँउ इस्रायलहा ह्रेइनी ।तर एलिसाइ हुराँउ गुन्कनाल् सन्चो खयामा ।हुनि केबल इस्रायलक नामानक छालाक रोग निको प्रीया।" येशूकना क्लाँछायाङ मन्छेराँउ येहुदी हुइनि।हुन्लमारै जब हुराँउइ उइकना इसा गार्छायाङ क्लाँसो,हुराँउ उइताकी रिसौइ चुर ओसि ।

नाशरतक मन्छेराँउइ येशूकना आरधनाक ठन्कहाइतना घीस्रातना भाइरौ तोन्तना अनि डाँडौक ढीक्कौहा कात्तना उइकना होइतना ख्रोतना सातम भ्र्यासी ।तर येशू भिडक बिचहाइतना वोत तोङा अनि नाशरत लेता।

हुन न्हौ येशु गालिलक प्रान्तहाइ स्वाआ , अनि बरे भिड उइकहा ओङ्सी ।हुराँउइ चो मन्छेकना पित्सो हुराँउ कस्ट्या अनि खोरन्डो ह्रेइनी ,जाङ्हा हुराँउकनी क्वाङियाङ ह्रेइनी जाङ मुम, स्वाम,दै थामम ह्रोएमानी,अनि येशूइ हुराँउकना सन्चो प्रीसी(खया)।

चो भुत-आत्मा ग्लायाङ मन्छेराँउकना येशुनिङ्हा पित्सो ।येशूक आज्ञाहा ,हुन भुत आत्माराँउ मन्छेराँउहाइतना तोङ्तना ओङ्सी,अनि हुराँउ चो भागै इसा क्लाइतना क्रीकिनी,"नाङ त परमेश्वरक चाउ हु

हुन न्हौ येशूइ बाह्र जना मन्छेराँउकना छानेया जाङ्कना उइक चेलाराँउ गार्सो।हुन चेलाराँउ येशूदैनाल स्वाइनी अनि उइहाइत सिखाइ-इनी।