27. २७. असल सामरिक कथा

दाक्काले, येहुदी ब्यबस्थाक दा-जना गुरु येशुनिङ्हा उइक परीक्षा खयम इसा क्ल्याइत ओङा,"गुरुज्यु,अनन्त जिबनक हकदार ओम ङा आङ खयु?"येशूइ जवाफ बया परमेश्वरक ब्यबस्थाहा आङ लेखेयाङ ह्रेङ?"

हुन ब्यबस्थाक निपुण मन्छेइ परमेश्वरक ब्यबस्थाइ इसा क्लाइकङ गार्त जवाफ बया,नाङी परमप्रभु आफ्नो परमेश्करकना,आफ्नो सब्ल हृदयै,आफ्नो सब्ल प्राणै अनि आफ्नो दासम मचै प्रेम खै।"अनि आफ्नो छिमेकिकना आफुकना साङ्ल प्रेम खै ।"येशुइ जवाफ बया,नाङी ठिकल क्ल्याइका

तर हुन ब्यबस्थाक निपुण मन्छेइ आफुकनाल धर्मी ठहर्याम भ्र्याआ,हुन्लमारै हुनि सुधेया ,"ङाक छिमेकी गुन हु?"

येशूइ हुन मन्छेकना दाठौ कथा गार्तना जवाफ बया,"दा-जना येहुदी मन्छे येरुशेलमक यम वोतना यरिहोहाइ स्वाछानी ।"

यात्रा खैतल खैत्याउ, हुन मन्छेकना खुन्याङराँउक दाठौ समुहै लुटेसो ।हुराउइ हुनदैना ओयाङ सब्ल थोकराँउ कात्सो अनि हुन्काना अधमरो(सिन्याङघारी )मक्सो ।हुन न्हौ हुराँइ हुन मन्छेकना लेत्तना होइतना स्वस्वासी ।

हुन्क आइची बेला न्हौ,दा-जना यहुदी पुजारी सयोगै हुन्ल यम ओतना स्वाछानी।जब इन धार्मिक अगुवाइ हुन लुटेइयाङ दै घाइत्या प्रीइयाङ मन्छेकना मुआ,हुन यमक हाइपट्टिउ स्वाआ अनि हुन मन्छेहाइत तर्केया,अनि आफ्नो यमहाइ ग्लाआ।

हुसा ओयाङ चो बेला माओत्याउल ,दा-जना लेवि कनि हुन यम ओतना झरेया।(लेबिराउ यहुदीराँउक दाठौ कुल हुइनी जाङी ,मम्दिरहा पुजारीराँउकना सहायता खयनी )।हुन लेवि कनि यम क हाइपट्टिउहाइतना स्वाआ अनि हुन लुटेयियाङ दैना घाइत्या प्रीइयाङ मन्छेकना वास्ता खैसोमा।

हुन यम ओतना स्वान्याङ अर्को मन्छे दा-जना सामरी ह्रेनी ।(सामरीराँउ यहुदीराउक हुन सन्तानराउ हुइनी ,जाङी अरु देश क मन्छेराउकना ब्याहा खैथासोनी ।सामरिराँउ दै यहुदीराँउइ दा-इ अर्कोकना घिन(घृणा)खयनी ।तर जब हुन सामरीँइ हुन यहुदी मनछेकना मुआ,हुन्क मनौ दयाभाबै भरेया।हुन्लमारै हुनि हुन यहुदी ताकी साहानुभुती सारा अनि हुन्क घाउराँउहा पट्टि स्लाबैया।"

”अनि"हुन सामरिइ हुन यहुदीकना आफ्नो गधाताकी थोता अनि हुन्कना यमताकिक दाठौ पौवाहा कात्तना हुन सामरिइ हुन्क स्याहार खया।

अर्को काले ,हुन सामरिइ आफ्नो यात्राकना निरन्तरता बयम ब्रीन्याङ ह्रेनी ।हुनि ह्वाक पौवाक मालिककना आइचिदा पैसा बैतना गारा,"हुन्क ख्याल खयम,अनि यदि नाङ्कना इनहाइत चो खर्छ ग्लाआझै,ङा फर्केत ओङ्त्याउ ,हुन खर्छ तिरेबैहौ।"

हुन न्हौ येशूइ ब्यबस्थाक हुन निपुण मन्छेकना सुधेया,नाङकना आङ ग्लाकङ ?हुन मध्य गुसाङ चाहिँ हुन लुटेइयाङ दै घाइत्या ओयाङ मन्छेक छिमेकी हु?"हुनि जवाफ बया,"हुन्ल ,जाङ हुनताकी दयालु ह्रेनी ।"येशूइ हुन्कना गारा ,नाङकनी गात अनि हुसल खै।"