28. २८. धनी जवान शासक

दाक्काले ,दाजना धनी तन्धेरी शासक येशूनिङ्हा ओङ्तना सुधेया,"असल गुरु, अनन्त जीवन दारमकना ङाइ आङ खयम ब्रीकङ?"येशूइ हुन्कना गारा,आहु,नाङी ङाकना "असल" गार्की ?दाजना च्याल असल ह्रेकङ जाङ ह्रेकङ,अनि उइ चाहिँ परमेश्वर हु।तर यदि नाङी अनन्त जीवन चाहेकु खाझै ,परमेश्वरक आज्ञाराँउ पालन खै।"

हुन मध्य गुसाङ चाहिँ ङाइ पालन खयम ब्रीङ ?हुनि सुधेया ।येशूइ गारा ,"हत्या माखयम ।ब्यभिचार ताखयम ।ताखुम।झुठो माथामम।आफ्नो जेयु-बयुक आदर खयम,अनि आफ्नो छिमेकिकना नाङी आफुकना साङ्ल माया खयम।"

तर हुन तन्धेरी मन्छेइ आफुकना ठिक प्रमाणित खयमकना खयमकलागै क्लाइया ,"ङाइ इन सब्ल आज्ञाराउ ङा आइछु केटा ओयाङ हाइतनाल खैतल ओङ्ह्रेका ।ङाइ अझल आङखयमा ब्रीकङ ताकी ङा सदाकलागै बचेम ह्रोउ ?"येशूइ हुन मन्छेकना मुआ खै ब्रेन मानेया ।

येशूइ जवाफ बया ,"यदि नाङ सिद्ध ओम भ्र्याकु खाझै ,गात अनि नाङ दै ओयाङ सब्ल थोक क्लात् अनि हुनहाइत ओङ्याङ कचङ गरिबराँउकना बै,अनि स्वर्गहा नाङी धन दार्हौ ।हुन न्हौ ओङ अनि ङाक न्हि ग्ला ।"

जब हुन जवान मन्छेइ येशूइ गार्याङ कुरा क्लाँआ,हुन चो दुखी ओआ ,आहुखाझै हुन चो धनी ह्रेनी अनि आफुइ अधिकार जमायाङ सब्ल थोक बयम चाहेतमानी ।हुन होइतना फर्केत स्वाआ।

अनि येशूइ उइक चेलाराँउकना गारा,"धनी मन्छेराँउकना परमेश्वरक राज्यहा बाङम चो धौ ह्रेकङ

जब चेलाराउइ येशूइ गार्याङ कुरा क्लाँसो,हुराउ छक्क ब्रीसी अनि क्ल्याइसी,"हुसा खाझै गुनि चाहिँ मुक्ती दारम ह्रोकु त ?"

येशूइ हुन चेलाराँउहाइ चिना अनि क्ल्या(गारा) ,"मन्छेराँउक लागै इन असम्भब ह्रेङ ,तर परमेश्वरक लागै ,सब्ल कुरा सम्भब ह्रेकी।"

पत्रुसै येशूकना गारा,"ङैइ सब्ल कुराँराउ लेत्तना नाङकना पछ्याथाक्सो ।ङै क लागै इनाम आङ ओन्याह्रेङ?"

येशूइ जवाफ बया,जाङी ङाक ब्रीङु क लागै आफ्नो नाम ,दाजु-गोत्याउ,दिदिउ-बैनिउ ,बयु,जेयु,चाउग्रोमु ,अथवा धन सम्पती लेत्थाक्सो ,हुराँउ सब्ल्हाउइल सय गुणा चो दार्न्या ह्रेकी अनि हुराँउइ अनन्त(मासिन्याङ)जीवन कनि दार्न्याह्रेकी ।तर चो जना जाङ ध्रौ ह्रेकी हुराँउ न्हौ ओन्याह्रेकी अनि न्हौ ओन्याङराँउ चाहिँ ध्रौ ओन्याह्रेकि।"