30. ३०. येशूइ प्ला हजार मन्छेराउकना जेता

मन्छेराँउकना पर्चार खयम दै शिक्षा बयम येशूइ आफ्नो चेलाराँउकना विभिन्न ठन्कराँउहा लेता।जब हुराँउ येशू ओयाङ ठन्कहा फर्केतना ओङ्सी ,हुराँउइ खयाङ कामराउ उइ कना गार्सो।हुन न्हौ येशूइ हुराँउकना आफुदैना समुन्द्रक पारै छेउ ,दाठौ शान्त ठाउहा कातना दाघ्रीदा आराम खयम स्लोकासी ।हुन्लमारै ,हुराँउ दाठौ नावाहा थुतिसी अनि समुन्द्रक पारै छेउहाइ स्वासी ।

तर हुन्हा चो मन्छेराँउ ह्रेइनी ,जाङी येशूदै उइक चेलाराँउकना नावाहा थुतित अन्तल स्वायाङ मुथासोनी ।इन मन्छेराँउकनी उइराँउ हाइत पहिलाल समुन्द्रक पारैपट्टिउ तोङ्कान्याङ दाउइ किनार्ल किनार दौडेसी ।तसर्थ ,जब येशूदै चेलाराँउ हुन ठन्कहा तोङ्कासी,मन्छेराँउक बरे भिड हुन्हा पहिलाल उइराँउकना कुरेतना नैह्रेसिनी ।

हुन भिडहा मच्चा दैना लान्हिङराँउकना मा-गनेतना ,५,००० हाइत चो यराराँउ ह्रेइनी ।येशूइ हुन मन्छेराँउकना दया सारा।येशूक लागै ,हुन मन्छेराँउ गोठाला बिनाक भेडिराँउ साङ ह्रेइनी ।हुन्लमारै उइ हुराँउकना शिक्षा बया अनि कष्ट्ययाङ मन्छेराँउकना सन्चो प्रीया।

दिनक अन्त्यहाइ,चेलाराँउइ येशूकना गार्सो ,"नो त ढिलो ओसोका अनि नजिकल आङ्ल बस्तिकनी हैमा।इन मछेराँउ कना अन्तल लेत्बयुसी ताकी इराँउइ जाम क लागै आङभनी दारम ह्रोएद ।"

तर येशूइ चेलाराउकना गार्सी ,"नराउइल इराउक लागै जाम्क बन्दोबस्त खैबैने

येशूइ भिडहा ओयाङ मन्छेराँउकना पचास-पचास जनाक झुन्डहा नयम स्लाम गार्तना चेलाराँउकना अह्राआ ।

अनि येशूइ हुन प्लाँ रोटा दैना निठौ ङा काता,ताकि स्वर्गहाइ चिना ,अनि जान्याङ कुराक लागै परमेश्वरकना धन्यवाद बया।

हुन न्हौ येशूइ रोटादै ङा कना टुक्रा-टुक्रा प्रीतना क्रेया।उइ हुन तुक्राउराँउ मन्छेराँउकना ब्र्यात् बयमक लागै चेलाराँउकना बया ।चेलाराउइ जान्याङ कुरा ब्र्यात्तलह्रेसी ,अनि हुन तिङ्ल गुनामा

हुन न्हौ,चेलाराँउइ उब्रेयाङ जान्याङ कुरा जम्मा प्रीसो,अनि हुन चाहिँ करिब बाह्र डाली हाइत चो ओम ओकाआ