31. ३१. येशू तिताकी स्वाआ

अनि भिडकना बिदा खैतना चेलाराउकना नावाताकी थुतित समुन्द्रक पारै पट्टिउहाइ गात्नी गारा।भिडकना बिदा खैह्रोयाङ न्हौ उइ प्राथना खयमक लागै डाडौताकी थुतिया।येशू हुन्हा एक्लाल ह्रेनी ,अनि झिरी अबेरमचै प्राथना खैछाआ।

चेलाराउ आफ्नो नावाँ खियाछाइनी,तर झिरी अबेरमचै कनि हुराँउ समुन्द्रक बिच भाग मचै च्याल तोङ्काह्रेसिनी ।चो कठिनाइहा हुराँउ नावा खियाछाइनी आहुखाझै शक्तिसाली आँधी हुराँउक उल्टाइ चलेह्रेयानी ।

येशूइ प्राथना खैत कुन्याङ न्हौ उइ चेलाराँउ निङ्हा काआ।उइ समुन्द्रक तिताकी स्वातल हुराँउ ओयाङ नावाहाइ स्वाआ।

जब चेलाराँउइ येशूकना मुसो,हुराँउ चो भयभित(प्रीसी )ओसि आहुखाझै आफुइ गुसाङ् भुत मुछायाङ हुराउइ ठानेसो।हुराँउ प्रीह्रेक्सी खैतना येशूकना थाहा ह्रेनी ,हुन्लमारै उइ हुराँउकना स्लोकासी अनि गारा,"ताप्रीनि ।ङा हुँ

तब पत्रुसै येशूकना गारा,"गुरुज्यु,यदि नाङ्ल हु खाझै,ङाकना नाङनिङ्हा तिताकी ओतना ओङ्न्याङ आज्ञा खैनिङ।"येशूइ पत्रुसकना गारा,"ओङ

हुन्लमारै ,पत्रुस नावाँहाइत भाइरौ तोङा अनि तिताकि येशू ह्रीपियाङ ठन्कहाइ स्वाम ग्लाआ ।तर दाघ्रीदा स्वायाङ न्हौ ,हुनि अफ्नो मिकुराँउ येशूहाइत अन्तल काता अनि छालराँउहाइ मुम दै आँधिकना महसुस खयम ग्लाआ।

तब पत्रुस प्रीया अनि बुरेम ग्लाआ।हुन इसा क्ल्याइतल क्रीका,"गुरुज्यू,ङाकना बचानिङ

पत्रुस दै येशू नावाँहा थुतिसी ,न्हौ आँधी तुरुन्तल रोकेया अनि ती शान्त ओआ।चेलाराँउ चकित ओसि ।हुराँउइ इसा क्ल्याइतल येशूक आराधना खैसो,"साच्चोल,नाङ परमेश्वरक चाउ हु।"