32. ३२.येशूइ भुतात्मा ग्लायाङ मन्छे दै रोगी मच्चाकना निको प्रीया

दाक्काले ,येशू दै उइक चेलाराँउ नावाहा थुतित समुन्द्रक पारैपट्टिउ गदरिनी मन्छेराँउ ओयाङ ठन्कहाइ स्वासी ।

जब उइराँउ तालौक पारै छेउहा तोङ्कासी ,दा-जना भुतात्मा ग्लायाङ मन्छे येशूनिङ्हा दौरेतल ओङा ।

हुन मन्छे इच्च बल्ल्यो ह्रेनी ,कि गुनिल्कनी हुन्कना सम्हालेम ह्रोएमानी ।मन्छेराँउइ हुन्क याकु दै खुट्टाउराँउ साङ्ली ह्रूप्बैथासोनी ,तर हुनि हुन साङ्लिराँउ चिउन्याङ खयुनी ।

हुन मन्छे हुन इलाकाक चिहानराँउ ओयाङ ठन्कहाइ नैन्याङ खयुनी ।हुन मन्छे हरेक तुनि हरेक झिरी क्रीक्न्याङ खयुनी ।हुनि आङ्ल थ्याङ्ह्री फाङुमानी अनि आफुकना घरी-घरी ढुङ्गै मक्न्याङ खयुनी ।

हुन मन्छे येशूनिङ्हा ओङ्तना,उइक ध्री घोप्त्या ब्रीया।येशूइ हुन भुतात्माकना गारा,"इन मन्छेहाइत भाइरौ ओङ

भुतात्मा ग्लायाङ मन्छे चर्को स्वरहा क्रीका,"नाङि ङाहाइत आङ चाहेकु ,येशू, परमप्रभु परमेश्वरक चाउ?कृपया ङाकना ता-सतानिङ

हुन भुतात्माराँउइ येशूकना बिन्ती खैसो,"कृपया ङैकना इन ठन्कहाइत भाइरौ ता-तोन्निङ

हुन भुतराँउ हुन मन्छेहाइत भाइरौ ओङ्सी अनि पाकराँउक भित्रौ बाङ्सी ।हुन पाकराँउ हुररेतना भिरहाइत समुन्द्रहा खसेतना बुरेसि।हुन बथानहा करिब २,००० पाकराँउ ह्रेइनी ।।

जब हुन पाकराँउकना मुन्याङ मन्छेराँउइ हुन घटना मुसो,हुराँउ बस्तिहाइ ब्रोक्सी अनि सब्ल्हाउकना येशूइ खयाङ काम गार्बैसो।मन्छेराँउ हुन बस्तिहाइतना तोङ्तना ओङ्सी अनि भुतात्माराँउ ओयाङ हुन मन्छेकना मुसो।हुन शान्तओत नैह्रेयानी,थ्याङ्ह्री फाङ्थाआनी ,अनि सधारण मन्छे साङ (जसैतना)व्यवहार खैछानि।

मन्छेराँउ चो प्रीह्रेसिनी हुन्लमारै हुराँउइ येशूकना तोङ्त स्वाम आग्रह खैसो।हुन्लमारै येशू नावाँहा बाङा अनि स्वामक लागै सहतेया।भुतात्मा ग्लायाङ हुन मन्छेइकनी येशूदैनाल स्वाम बिन्ती खया।

तर येशूइ हुन मन्छेकना गारा,"माहु नाङ आफ्नो नाम्हाइ फर्केत स्वगात अनि आफ्नो सङ्घौराँउ दैना जहानकना परमेश्वरै नाङ्कलागै खयाङ सब्ल कामराँउ अनि गोसखैतना उइ नाङताकी दया सारा हुन हुराँउकना गारुसी खैतना ङाइ चाहेथाका।"

हुन्लमारै हुन मन्छे होइतना स्वाआ अनि सब्ल्हाउकना येशूइ हुन्कलागै खयाङ कामक बखान खया।हुन्क कथा क्लाँन्याङ सब जना आश्चार्यचकित ओसि अनि छक्क ब्रीसी ।

येशू समुन्द्रक पारै पट्टिउ फर्केया।उइ हुन ठन्कहा ओङ्याङ न्हौ,दाठौ बरे भिड उइक प्रीतर्फा हाइ जम्मा ओसि अनि उइकना घेरेतना धुलम ग्लासी ।हुन भिडहा दाजना मच्चा ह्रेनी जाङी बाह्र बर्ष मचै सिँ ब्रेउन्याङ(रक्तस्राव)क पीडा भोगेछानी ।हुनि आफ्नो सब्ल कचङ सन्चो ओम क लागै बैध्यराँउकना तिरेह्रोथाआनि तर हुन्क अबस्था झन जटिल ओकातह्रेयानी ।

येशूइ चो रोगि मन्छेराँउकना निको प्रीथाआनी गार्न्याङ कुरा हुनि क्लाँथाआनि ।हुनि सोचेया ,"ङाकना निश्चय ह्रेङ,कि यदि ङाइ येशूक थ्याङ्ह्री च्याल दुम ह्रोका खाझै कनि,ङा निको ओन्याह्रेङ

तुरुन्तल,येशूइ आफ्नो शक्ति उइहाइत तोङ्तना स्वायाङ थाहा दारा।हुन्लमारै उइ न्ही फर्केया अनि सुधेया ,"ङाकना गुनि दुक्सी?"चेलाराँउइ जवाफ बैसो ,"नाङ्क वरिपरि मन्छेराँउक भिड ह्रेकङ ,जाङी धुल्छाकी अनि ठेलामठेल खैछायाङ ह्रेकि र कनि ङाकना गुनि दुक्सी खैतना आहु सुधेकी?"

हुन मच्चा येशूक ध्री बिर्तल दैना चो प्रीतना घोप्टो ब्रीया।अनि हुनि आङ खयाङ हुनि हुन उइकना गारबया अनि हुनि उइ(आफू) निको ओयाङ कुरा गारा। येशूइ हुन्कना गारा,"नाङ्क बिश्वासै नाङ्कना निको प्रीथाका।शान्तवत गात ।"