33. ३३. किसानक कथा

दाक्काले, येशू समुन्द्र किनारक छेउहा बरे भिडहा मन्छेराँउकना शिक्षा बैछानी ।उइ क कुरा क्लाँम इच्च चो मन्छेराँउ ओङ्सी कि थाममक लागै दुम्न्याङ् ठन्क ओद गार्तना येशू समुन्द्रक छेउहा ओयाङ नावाँताकी थुतिया।उइ नावाँहा नया अनि मन्छेराँउकना सिखाम ग्लाआ ।

येशूइ इन कथा गारा,"दा-जना किसान ब्याङ फोम क लागै भाइरौ तोङा ।जसाल हुन ब्याङ फोछानी ,आइचिदा ब्याङ यमहाल् झरेसी,अनि ब्वाराँउ ओङ्तना हुन सब्ल ब्याङराँउ जाबैसो।"

"आइचिदा अरु ब्याङराउ ढुङ्गेनी जमिन(दिशा)हा ब्रीसी ,जहाँ मच्या चो कम ह्रेनी ।हुन ढुङ्गेनी जमिनहा ब्रीयाङ ब्याङराँउ चाढोल इङ्सी तर हुन्क जह्र्याउराँउ मच्या भित्रौ स्वाम ह्रोन्याङ हैमानी ।जब छा ग्लाआ गर्मी ओम ग्लाआ,हुन बिरुवाराँउ ओइलेतना सिसि ।"

"आइचिदा अरु ब्याङराँउ कन्टा ओयाङ झ्याङहाइ ब्रीया ।हुन ब्याङराँउ बओम त बौसी ,तर कन्टाराँउइ हुन ब्याङराँउ कना निसासे बया(बओम बैसोमा) ।हुन्लमारै कन्टाराँउ ओयाङ जमिन(दिशा)हा इङ्याङ बिरुवाराँउइ आङ्ल सयु फलासोमा।"

"अरु ब्याङराँउ ह्रुङ मच्या ओयाङ ठन्कहा बृसी ।इन ब्याङराँउ इङ्सी खै हुराँउइ ३०,६०वा अझ १०० गुणा चो सयु बैसो ।जाङक ग्लाँउ ह्रेङ,हुनि क्लाँउद

इन कथाइ चेलाराँउकना अलमलहा प्रीया।हुन्लमारै येशूइ बुझाआ,"ब्याङ चाँइ परमेश्वर क वचन हुँ ।मच्या चाँइ हुन मन्छे हुँ जाङी परमेश्वरक वचन त क्लाँकु,तर हुन्कना बुझेकुमा,अनि दुष्टै हुनहाइत हुन वचन खोसेत कात्बैकु।"

"ढुङ्गेनी जमिन(दिशा)चाँइ हुन मन्छे हुँ जाङी परमेश्वरक वचन क्लाँतना इनकना खुशीवत ग्रहण खैकु ।तर जब हुनि कठिन परिस्थिती अथवा खेदोक सामना खैकु हुन हुनहाइतना न्हौ हटेकङ।"

"कन्टाउओयाङ जमिन(दिशा)चाइ हुन मन्छे हुँ जाङी परमेश्वरक वचन क्लाँकु,तर जसाल समय बितेकातङ , जिबनक फिक्री,धन सम्पती,अनि आनन्दै परमेश्वरताकिक हुनक प्रेमकना निस्सासेबैकु ।फलस्वरुप ,हुनि क्लाँयाङ शिक्षाइ आङ्ल सयु(सैकङमा)फलाकुमा।"

"तर ह्रुङ मच्या चाँइ हुन मन्छे हुँ,जाङी परमेश्वरक वचन क्लाँकु ,हुन्काना बिश्वास खैकु ,अनि सयु सैकङ(फलाकु)।"