34. ३४. येशूइ अरु कथाराउ सिखासी

परमेश्वरक राज्यक विषयहा येशूइ अरु चोल कथाराउ गार्सी ।उदाहरणक लागै ,उइ गारा,"परमेश्वरक राज्य दाठौ रायोक ब्याङसाङ हु,जाङ गुनिल आफ्नो खेतहा स्लाआ।नराँउकना थाहाल ह्रेकङ,कि रायो क ब्याङ ब्याङराँउहा सबहाइत आइचु ओङ।"

तर जब रायोक ब्याङ इङ्कङ,तब हुन बगैचाक बिरुवाराँउहाइत सबहाइत बरे ओकङ,इच्च बरे ओङ कि ब्वाराँउ कनि ओङतना हुन्क हागाउराँउहा न्हातिकी ।

येशूइ अर्को कथा गारा,"परमेश्वरक राज्य खमिरसाङ हु जाङ दाठौ मच्चाइ रोटा बनान्याङ पिठोक डल्हाउदैना क्वाङा,अनि हुन खमिरै पिठोक सब्ल डल्हाउकना खमिरी बनाबया।"

परमेश्वरक राज्य दाठौ किम्याङ ध-न साङ कनि हुँ,जाङ गुन्भनी मन्छेइ दिशा दि स्लुप्तना थायाङ ह्रेनी ।गुन अर्को दाठौ मन्छेइ हुन किम्याङ ध-न दाल्लआ अनि फेरि हुन्कना किमा ।अनि हुन खुसिइ इच्च प्रफुल्लित ओआ,कि हुनि कातना आफुदै ओयाङ सब्ल थोक क्लाता अनि हुनहाइत ओङ्याङ कचङै हुन खेत लौवा।

परमेश्वरक राज्य शुद्ध मुल्यबान मोति साङ कनि हुँ।जब गुसाङल दाठौ मोति व्यापारी हुन्कना दाल्लआ ,हुनि आफुदै ओयाङ सब्ल थोक क्लाता अनि हुनहाइत ओङ्याङ कचङ हुन मोति लवमहा खर्छ खया ।

अनि येशूइ आइचीदा मन्छेराँउकना दाठौ कथा गारा,जाङी आफ्नो मजा कामराँउहा भरोसा खयनी अनि अरु मन्छेराँउकना घि-न खयनी ।उइ गारा ,"नि जना मन्छेराँउ मन्दिरहा प्राथना खयम स्वासी ।हुन मध्य दाठौ कर सौन्याङ मन्छे ह्रेनी ,अनि अर्को चाँइ दा जना धार्मिक अगुवा ह्रेनी ।"

हुन धार्मिक अगुवाइ इसा गार्तल प्राथना खया,धन्यबाद,परमेश्वर,ङा अरु मन्छेराँउसाङ पापी हैमा(जसाल =:लुटेन्याङराँउ,अन्यायी मन्छेराँउ ,ब्यभिचारिराँउ,अथवा अरु हुन कर सौन्याङ मन्छेराँउसाङ।"

ङा हरेक हप्ता दा चोटा उपबास नैकङ अनि ङाइ दार्याङ सब्ल कचङ दै सब्ल थोकक दशौ भा-ग नाङकना बैकु।

तर हुन कर सौन्याङ मन्छेइचाँइ धार्मिक अगुवाहाइत टाढोल नया ,अनि स्वर्गहाइ आफ्नो मिकु कनि सवामा ।बरु, हुनि मुड्किइ आफ्नो छातिउ मका अनि प्राथना खया,परमेश्वर,कृपया ङा ताकी दया सार्निङ आहुखाझै ङा दाठौ पापी हुँ।"

हुन न्हौ येशूइ गारा,"ङा नराँउकना साच्चोल गार्कुसी ,परमेश्वरै हुन कर सौन्याङ मन्छेक प्राथना क्लाआ अनि हुन्कना धर्मी ठहर्याआ।तर उइकना हुन धार्मिक अगुवाक प्राथना मन ब्रीयामा ।हरेक जाङी आफुकना उच्च ठानेकु ,परमेश्वरै हुन्कना होच्यान्याङ ह्रेङ ,तर जाङी आफुकना होच्याकु हुन्कना उच्च प्रीन्याह्रेङ।"