35. ३५. दयालु बयुक कथा

दाक्काले,येशुइ थुप्रोल कर सौन्याङराँउ अनि अरु पापी मन्छेराउकना शिक्षा बैछानि हुराँउ उइक कुरा क्लाँम जम्मा ओह्रेसिनी ।

हुन्हा उपस्थित धार्मिक अगुवाराँउइ येशूइ पापिराँउकना कनि सङ्घौक साङल व्यवहार खैछायाङ मुसो ,अनि हुराँउइ दा इ अर्कोदैना उइक आलोचना खयम ग्लासी ।हुन्लमारै येशूइ हुराँउकना इन कथा गार्सी ।

दा जना मन्छे ह्रेनी ,जाङ्क निठौ चाउराँउ ह्रेइनी ।न्हुमा चाउइ आफ्नो बयुकना गारा,बै ,ङा कना नोलैल बै क सम्पतीक भाग चाहेका ।

चाढो-ल न्हुमा चाउइ आफुदैना ओयाङ सब्ल थोक जम्मा प्रीया अनि होइतना टाढो स्वाआ अनि आफ्नो सब्ल तृयाङ-कचङ जिबनक मोजमस्तिहा खेर तमा।

आइची बेला(समय) न्हौ,न्हुमा चाउ ओयाङ हुन देशहा अनिकाल ब्रीया,अनि जान्याङ चिज लओमक लागै हुन दैना कचङ हैमानी ।हुन्लमारै हुनि आफुइ खयम ह्रोन्याङ दाठौ च्याल काम खयम ग्लाआ,पाककना चारा जेत्न्याङ ।हुन्क अबस्था इसा ब्रेनमा ब्रेन दैना र्याङु ह्रेनि की हुनि पाक क जान्याङ चिजराँउ जाउसिनी ।

अन्त्यहा,हुन न्हुमा चाउइ आफुकनाल् गारा,ङा इन आङ खैछाङ ?ङाक बयुक सब्ल नोकरराउदै जाम्क लागै दुम्न्याङ ह्रेकङ ,तर ङा इन्हा र्याङी सिम्ल ग्लाह्रेका ।ङा ङाक बैहा फर्केत काकङ अनि उइ क दाठौ नोकर बनेम दारु गार्त अनुरोध खैहौ।"

तसर्थ,हुन न्हुमा चाउ आफ्नो बयुक नाम्हाइ स्वाम ग्लाआ।जसल हुन न्हुमा चाउ आफ्नो बयुक नामहाइ ओङ्छानी ,हुन्क बयुइ हुन्कना टाढो हाइतल मुआ अनि हुन्क लागै दया सारा।हुन आफ्नो चाइ ओयाङहाइ डौडेतना काआ अनि हुन्कना गाँआँ म्वाइ खया (जाआ)।

हुन चाउइ गारा,बै,ङाइ परमेश्वर दैना नाङ्क बिरुद्धहा पाप खैथाका।ङा नाङ्क चाउ ओम योग्यक हैमा।"

तर हुन्क बयुइ आफ्नो नोकरराँउ मध्यक दाठौकना गारा,झट्टल गाटखै सबहाइत ह्रुङ थ्याङ्ह्री पित्तना ओङ अनि ङाक चाउकना फाङ्बै (पहिर्याबै)।

हुन्लमारै मन्छेराँउइ खुसियाली मनाम शुरु खैसो ।आइची न्हौ,ध्रीमा चाउ खेतहा काम खैतना नाम्हा फर्केया।हुनि स्यान्याङ-लिक्न्याङ ओछायाङ क्लाआ अनि आङओछायाङह्रेकङ खैतना अचम्म मानेया।

जब हुन ध्रीमा चाउइ हुन्क गोट्याउ फर्केत ओङ्याङ गार्याङ थाहा दारा,हुन खुब रिसेया अनि नाम भित्रौ काम चाहेयामा।हुन्क बयु भाइरौ ओङा अनि हुन्कना भित्रौ ओङ्तना सब्ल्हाउदैना खुसी मनाम्क लागै आग्रह खया,तर हुनि हुन खयम इन्कार खया।

ध्रीमा चाउइ आफ्नो बयुकना गारा,सब्ल बर्षराउ ङाइ बिश्वासयोग्य ओतना नाङ्क लागै काम खैथाका

बयुइ जवाफ बया,ङाक चाउ ,नाङ त सदाल भरेत ङादैना ह्रेकङ ,अनि ङादैना ओयाङ सब्ल थोक नाङ्कल हु ।तर ङै कना खुशी मनाम ठिक ह्रेङ ,आहुखाझै नाङ्क गोट्याउ सिह्रेयानी ,तर नो जिउदो ओह्रेका ।हुन पताइह्रेयानी ,तर नो दारिह्रेका