36. ३६. येशूक रुप परिबर्तन

दाक्काले,येशूइ उइक सुमजना चेलाउराउ पत्रुस,याकुब अनि यहुन्नाकना आफुदैना काता।(इन यहुन्ना येशूकना बप्तिस्मा बैन्याङ यहुन्ना माहु।)हुराउ दाठौ अग्लो डाँडौताकी प्राथना खयम कासी ।

जब येशू प्राथना खैछानी ,उइक अनुहारौ दि-न साङ चम्किलो ओआ अनि उइक थ्याङ्ह्रीउ ज्योतिसाङ प्लाङ ओआ।

हुन न्हौ हुन्हा मोसादै एलिया अगमबक्ता छिङ्सी ।इन मन्छेराँउ हुन घटना ओम हाइत सयौ बर्ष ध्री बचेयाङ ह्रेइनी ।हुराँउइ येशूदैना उइक सिन्याङक बारेहा कुरा खैसो ,जाङ चाढोल येरुशलेमहा ओन्याङ ह्रेनी ।

जब मोशादै एलिया येशूदैना कुराकानी खैछाइनी ,पत्रुसै येशूकना गारा,"ङैकना ह्याल ह्रेम ह्रुङ ह्रेकङ।ङैइ सुम ओटा नैन्याङ ठन्क बनाएँ,दाठौ नाङ्कलागै,दाठौ मोशाक लागै,अनि दाठौ एलियाक लागै ।"हुन बेला आफू आङ क्ल्याइछाङ पत्रुसकना थाहा हैमानी ।

जब पत्रुस थाम्छानी ,दाठौ ट्वाङ बाल्ह दि ओङ्तना हुराँउकना घेरेया अनि बाल्हहाइत परमेश्वरक स्वरै इसा क्लाइया ,"इन ङाक चाउ हु जाङ्कना ङाइ माया खैकु।ङा हुनदैना खुशी ह्रेकङ।उइक कुरा क्लाँम।"हुन सुम चेलाराँउ प्रीसी अनि दिसाहा दिर्सी ।

अनि येशूइ हुराउकना दुतना गारा,"ताप्रीनी ,सैनी ।"जब हुराँउइ वरिपरि मुसो ,हुन्हा येशू च्याल ह्रेनी ।

येशूदै हुन सुम चेलाराँउ फेरि डाडौ हाइत दि ग्रोसी ।अनि येशूइ हुराँउकना गारा,"इन्हा ओयाङ घटनाक बारेहा नोलै गुन्कनाल आङ्ल मागारम।ङा छिटोल सिन्याह्रेङ अनि हुन न्हौ फेरि बचेँहै(जिउदो ओहैँ) हुन न्हौ ,नराँउइ मन्छेराँउकना गारम ह्रोहे।"