37. ३७. येशूइ लाजरसकना सियाङहाइत सौआ

दाक्काले, येशूइ लाजरस चोल कस्टया ओयाङ खबर दारा लाजरसदै हुन्क निठौ दिदिउराँउ ,मरियमदै मार्था येशूक नजिकक सङ्घौ हुइनी ।जब येशूइ इन समचार क्लाँआ ,उइ क्लाइया,इन बिरामै सितना कनि गुन्नेहैमा,तर इन त परमेश्वरक महिमाक लागै हु।"येशूइ उइक सङ्घौराँउकना माया खयुनी ,तर अझ निक्कानमचै हुन ठन्कहा ह्रेया ,जहाँ उइ नैछायाङ ह्रेनी ।

निक्कान न्हौ,येशूइ आफ्नो चेलाराँउकना गारा,"ओङ्नी,नो ङै यहुदिया फर्केइ।"चेलाराँउइ जवाफ बैसो,"तर गुरु ,"आइची बेला ध्री च्याल हुन्हाक मन्छेराँउइ नाङ्कना सातम भ्र्याह्रेसिनी

येशूक चेलाराँउइ जवाफ बैसो ,"प्रभु,यदि लाजरस निङ्ह्रेका खाझै,हुन सैन्याह्रेङ।"अनि येशूइ हुराँउकना सजिलो ढङ्गहाइतना गार्बया,"लाजरस सिह्रेका ।ङा हुन्हा माओयाङहा खुशी ह्रेङ,आहुखाझै नराँउइ नो आँइचिदा अद्भुत कुरा मुहे जाङ्कमारै नराँउइ ङाताकी बिश्वास खयम ह्रोहे ।"

जब येशू लाजरसक नाम्हा तोङ्काआ ,लाजरस प्रीक्कान ध्रील सिसोह्रेयानी ।येशूकना भेटेमक लागै मार्था भाइरौ ओङा अनि गारा,"प्रभू,यदि नाङ ह्या च्याल ओयाङ ओआझै ङाक गोट्याउ सिनेमानी ।तर ङा बिश्वास खैकुकी नाङी परमेश्वरदैना जाङ कुरा ह्रीताझैकनी उइ नाङ्कना बैन्याह्रेङ।"

येशूइ जवाफ बया,"पुनरुत्थानदै जीवन ङाल हुँ।जाङजाङी ङा ताकी बिश्वास खैके ,हुराँउ तिङ्ल सिइमा।आङ नराँउइ इन बिश्वास खैके?"मार्थाइ जवाफ बया,"हुँ,प्रभु

अनि मरियम तोम्पिया ।हुन येशूक पाउ ब्रीया ,"यदि नाङ ह्या ओयाङ ओआझै कनि ,ङाक गोट्याउ सिनेमानी ।"येशूइ हुराँउकना सुधेया,"नराँउइ लाजरसकना घ्वा थाथाक्सो ?"हुराँउइ उइकना गार्सो ,चिहानहा।ओङ्तना मुने।"अनि येशू कारा।

हुन चिहान दाठौ गुफा हुनि ,जाङ्क गाउहा ढुङ्गैइ खोम्थासोनी ।जब येशू चिहानहा तोम्पिया,उइ हुराँउकना गारा,"हुन ढुङ्गकना होइतना हटाबैने।"तर मार्थाइ गारा,"हुन सियाङ प्रीक्कान ओसोका ।ह्वैतना दुर्गन्ध ओङ्न्याह्रेङ।"

येशूइ गारा,"आङ ङाइ नराँउकना गार्याङमाहुनी ,नराँउइ ङाताकी बिश्वास खैकासो खाझै परमेश्वरक महिमा मुन्याह्रेकी ?"हुन्लमारै हुराँउइ ढुङ्ग हटाबैसो।

अनि येशूइ ताकी स्वर्गहाइ मुआ अनि गारा,"बै नाङी ङाक कुरा क्लाँयाङ्क लागै धन्यबाद।ङा दास्कुकी नाङी सदाल ङाक कुरा क्लाँकु ,तर इन कुरा इन्हा ह्रीपिह्रेयाङ सब्ल मन्छेराँउक लागै गार्छाकङ ,ताकी हुराँउइ बिश्वास खये कि नाङिल ङाकना लेत्याङ हुँ।हुन न्हौ येशूइ कृकत्तना गारा,"लाजरस ,भाइरौ ओङ

अनि लाजरस भाइरौ ओङा

तर यहुदीक धार्मिक अगुवाराँउ डाही ओसि ,हुन्लमारै हुराँउइ गोस्खैत येशुदै लाजरसकना सात्न्याङ गार्त योजना बनाम दा-वत भेला ओसि