38. ३८. येशूकना धोखा

बर्सल पच्छे,यहुदिराँउइ निस्तार चाड मनान्याङ खयनी ।इन दाठौ पर्व हुनि जाङ चो शताब्दी ध्री गोस्खैतना परमेश्वरै हुराँउक पुर्खाराँउकना मिश्रदेश क कमराहाइतना बचायाङ हुनि गार्न्याङ सम्झनाहा मनान्याङ खयनी ।येशूइ पहिला चोटा खुलावतना प्रचारदै शिक्षा बयम ग्लायाङ लगभग सुम बर्ष न्हौ,उइ आफ्नो चेलाराँउकना हुराउदै येरुशेलमहा निस्तार चाड मनाम चाहेयाङ कुरा गारा,अनि इन कनि गारा कि उइ हुन्हा सिन्याह्रेङ ।

येशूक चेलाराँउ मध्य यहुदा ब्रीङु खयाङ दा-जना मन्छे हेनि ।येहुदा चेलाराँउक कचङ क जिम्मावाला ह्रेनी ।,तर हुनि पैसाकना चो माया खयुनी ,चोभागै थैलिहाइत कचङ खुन्याङ खयुनी ।येशूदै चेलाराँउ येरुशलेमहा तोम्पियाङ न्हौ,यहुदा यहुदी अगुवाराँउ निङ्हा काआ अनि पैसा कात्तना येशूकना धोखा बैन्याङ कुरा थाआ ।येहुदी अगुवाराँउइ येशू मशिह हु गार्तना स्विकार खयमानी अनि उइकना सात्न्याङ सडयन्त्र रचेछाइनी गार्न्याङ कुरा हुन्कना थाहा ह्रेनी ।

मुख्य पुजारीक अगुवाइहा ,यहुदी अगुवाराँउइ येशूकना बिश्वासघात खयमक लागै यहुदाकना तीस वटा चाँदिक तृयाङराँउ बैसो ।अगमबक्ताराँउइ भबिस्यबाणी खयाङ्साङ्ल खैतना इन कुरा ओम ओङा ।यहुदाइ इन कुराकना ओकङ गारा,तृयाङ कात्तना ह्वौतना स्वाआ अनि येशूकना चुमम सहायता खयमक लागै मौकाराँउ भ्र्याम ग्लाआ।

येरुशलेमहा,येशूइ आफ्नो चेलाराँउदै निस्तारचाड मनाआ ।निस्तार चाड क भोज क बेलाहा,येशूइ आइचिदा रोटाराँउ कात्तना हुन्कना क्रेया ।उइ गारा,"इन कात्तना कैने ।इन ङाक जिउनाउ हु ,जाङ नराँउक लागै बैइयाङ हु ।इन ङाक सम्झनाहा खैन्याङ खयम ।"इसैतना ,येशूइ गारा ,कि उइक जिउनाउ हुराँउक लागै बलिदान ओन्याह्रेङ ।

अनि येशूइ बटुको कात्तना क्लाया,"इन तुङ्ने।इन नवैँ करारक ङाक सिँ हुँ,जाङ पाप क्षमाक लागै ब्रेउयाङ ह्रेङ ।नराँउइ जाङ्बेलाकनि इन तुङ्त्याउ ङाक यादहा खैन्याङ खैने ।"

हुन न्हौ येशूइ चेलाराँउकना गारा,"नराँउमध्य दा-जनाइ ङाकना धोका बैन्याह्रेङ ।"चेलाराँउ छक्क ब्रीसी ,अनि गुनि हुसाखालक काम खैकु गार्त सुधेसो ।येशूइ गारा ,","जाङ्कना ङा रोटाक इन टुक्राउ बैकु ,हुन्ल बिश्वासघाती हु।"अनि येशूइ हुन रोटा क टुक्राउ यहुदाकना बया।

यहुदाइ रोटा लौयाङ न्हौ ,सैतान हुन भित्रौ बाङा।यहुदा होइतना तोङ्तना यशूकना चुमम् स्लाम सहायता खयमक लागै यहुदी अगुवाराँउहा काआ।हुन झिरि क बेला ह्रेनी ।

जाम न्हौ,येशूदै उइक चेलाराँउ स्वातल जैतुन डाँडौहा कासी ।येशूइ गारा,"नराँउइ तानझिरी ङाकना लेत्थही ।जसा लेखिइयाङ ह्रेङ ,"ङा होठाला कना मख्हौ अनि सब्ल भेडिराँउ हाइहेइ (तितर बितर)ओहि ।"

पत्रुसै जवाफ बया,"अरु सब्ल्हाउइल नाङ्कना(त्यागेयाझै) लेताझै कनी ,ङा(त्यागेनेमा) लेत्नेमा

अनि पत्रुसै येशूकना गारा,"ङा सिमब्रीयाझैकनी ,ङा तिङ्ल नाङ्कना इन्कार खैनेमा

अनि येशू उइक चेलाराँउदै गेतसमनी गारिन्याङ ठन्कहा स्वाआ।येशूइ उइक चेलाराँउकना परिक्षाहा ताब्रीइ गार्त प्राथना खयम गारा।अनि येशू आफुल कन प्राथना खयम काआ।।

येशूइ सुमचोटा प्राथना खया,"हे बै, ओम ह्रोकु खाझै,कृपया ङाकना इन बटुकोक कष्ट तुङम ताबृद।तर मन्छेराँउक पाप क्षमाक् लागै हुन्हा अरु आङ्ल यम हैमा खाझै,नाङ्क इच्छा पूरा ओयाङ ओद।"येशू न्होदल बिचलित ओह्रेयानी अनि उइक पसिनाउ सिक थोप्लाउ साङ ह्रेनि ।परमेश्वरै स्वर्गदुतकना उइनिङ्हा शक्ति बयमक लागौ लेतानी ।

प्राथनाक बेला न्हौ,येशू उइक चेलाउराउनिङ्हा फर्केतना ओङा,तर हुराँउ निदाइह्रेसिनी ।जब उइ सुम फेराहा फर्केया ,येशूइ गारा "सैनी

यहुदी अगुवाराउ,ब्यारिकराँउ अनि तरवार दै लठ्ठी कुर्छायाङ बरेल हुलदैना यहुदा ओङा।हुन येशूनिङ्हा ओङ्तना क्लाया,"ढोगेका, गुरुज्यु,"अनि उइकना म्वाँइ खया।इन यहुदी अगुवाराँउकना हुराँउइ गुन्कना चुमम ब्रीन्याङ हुँ गार्त थाहा दारमक लागै इसारा हुनि ।अनि येशूइ गारा,"येहुदा,आङ म्वाइहाइत ङाकना धोका बैकि?"

जब ब्यारिकै येशूकना चुम्सो,पत्रुसै तरवार तोना अनि प्रधान पुजारिक दा-जना नोकरक ग्लाउ गाक्बया ।येशूइ गारा,"तरबार टाढोल था