39. ३९. महाशभाक ध्री येशू

मध्यझिरिक बेला ह्रेनी ।ब्यारिकराँउइ सोधपुछक लागै येशूकना मुख्य पुजारिक नाम्हा कात्सो ।पत्रुसै टाढोहाइतल हुराँउकना पछ्याथाआनी ।जब येशूकना नाम भित्रौ कातिया ,पत्रुसचाँइ भाइरौल नया अनि मुइ खोपितना आफुकनाल तातो खया ।

येशूकना नामभित्रौ ,येहुदी अगुवाराँउइ महाशभाक ध्री थासो ।हुराँउइ चोल झुट्टा साचिराँउ पित्सो ,जाङी उइक बारेहा झुठ्ठा थाम्सी ।ताकनी ,हुराँउक बयान दाठौक-अर्कोदैना मिलेतमानी तसर्थ यहुदी अगुवाराँउइ उइकना आङ्ल कुराहा दोषी प्रमाणित खयम ह्रोसोमा।येशूइ आङ्ल थामामा ।

अन्त्यहा,मुख्यपुजारीऐ सोझोल् येशूहाइ चिन्तना क्लाया,"ङैकना गार,आङ नाङ मशिह हुँ,जिँउदो परमेश्वरक चाउ?"

येशूइ गारा,"ङा हुँ,नाङी ङाकना परमेश्वरदैना नैह्रेयाङ अनि स्वर्गहाइत ओङ्तयाल खयाङ मुन्याह्रेङ।"मुख्यपुजारीऐ रिसौहा आफ्नो थ्याङ्ह्री चोता अनि अरु धार्मिक अगुवाराँउकना इसा गार्तना क्रीका,"ङैकना अरु आङ्ल गवाही चाहेङमा

सब्ल यहुदी अगुवाराँउइ जवाफ बैसो,"इन सिम योग्यक ह्रेकङ

जब पत्रुस नाम भाइरौ कुरेतना नैह्रेयानी ,दा-जना नोकर्निइ हुन्कना मुआ अनि गारा,"नाङकनी येशूदैनाल ह्रेङ्नी

अनि पत्रुसै इसा गार्त बाचा खया,"यदि ङाइ इन मन्छेकना स्रेयाङ ह्रेङ खाझै परमेश्वरै ङाकना श्राप बइद

पत्रुस होइतना अन्तल कातना कारा।इन्ल बिचहा हुन बिश्वासघाती यहुदाइ यहुदी अगुवाराँउइ येशूकना सातमक लागै दोषेछायाङ मुआ ।यहुदा सोकै भरेया अनि होइतना अन्तल कातना आत्महत्या खया ।

अर्को छकाल सबेर्ल ,यहुदी अगुवाराँउइ येशूकना रोमि राज्यपाल,पिलातसक ध्री पित्सो ।हुराँउइ इन आशा खैथासोनी कि पिलातसै येशूकना दोसि ठहर्यान्याङ ह्रेङ अनि उइकना मृत्यु डण्डक सजाय बैन्याह्रेङ।पिलातसै येशूकना सुधेया ,"आङ नाङ यहुदिराँउक राजा हुँ?"

येशूइ जबाफ बया,"नाङ्ल हुसा क्ल्याइकङ,तर ङाक राज्यचाही संसारक राज्यमाहुँ ।यदि हुसा ओहैनि त ,ङाक सेवकराँउइ ङाक लागै लडाइ खैहेनी ।ङा संसारहा परमेश्वरक सत्यता गारम ओङ्याङ हुँ।सब्ल जना जाङी सत्यताकना माया खैके, हुराँउइ ङाक कुरा क्लाँके।"पिलातसै गारा,"सत्य आङ हुँ ?"

येशूदैना कुरा खैह्रोयाङ न्हौ,पिलातस भाइरौ भिडनिङ्हा कातना गारा,"ङा इन नागरिकहा आङ्ल दोष दार्कुमा।"तर यहुदी अगुवाराँउदै भिडइ इसा क्ल्याइतल कृक्सी ,"हुन्कना क्रुसहा थोत्ने

भिडै नो दङ्गा मच्चाम ग्लान्याङ ओका गार्त थाहा दार्तना पिलातस प्रीया ।हुन्लमारै हुनि आफ्नो सिपाहिराँउकना येशूकना क्रुसहा थोत्न्याङ आदेश बया ।रोमि सिपाहीराँउइ येशूकना कोर्रा स्लासो अनि राजकिय पोशाकदै कन्टाराँउइ बनायाङ मुकुट उइकना फाङ्बैसो ।हुन न्हौ हुराँउइ उइकना इसा गार्तना गिजेसो,"मुने यहुदिराँउक राजा