40. ४०. येशू क्रुसहा टागेइया

येशूक गिल्ला खयाङ न्हौ,सिपाहिराँउइ उइकना क्रुसहा थोतमक लागै होइतना अन्तल कात्सो ।हुराँउइ उइकना क्रुस कुरम स्लासो जाङताकी उइकना टागेइन्याङ हुनि ।

हुन सिपाहिराँउइ येशूकना"खप्पर्या"गार्न्याङ ठन्कहा पित्तना उइक याकुदै खुट्टाउकना क्रुसहा थात हुनताकी किला ठोके बैसो।तर येशूइ गारा,"बै ,इराँउकना क्षमा खैबै ,आहुखाझै इराँउइ आङ खैछाकी,हुन दास्केमा ।"पिलातै हुन सिपाहिराँउकना दाठौ पाटीहा "यहुदिराँउक राजा "लेखेतना हुन्कना क्रुसहा येशूक शिरु ताकी थान्याङ हुकुम बया ।

सिपाहिराँउइ येशूक थ्याङ्ह्रीक लागै चिठ्ठा जाक्सो ।हुराँउइ इसा खैत्याउ हुन अगमबाणी पूरा ओआ ,जाङी गार्थाआनी ,"हुराँउइ ङाक थ्याङ्ह्री आफुहा ब्र्यात्सो ,अनि ङाक थ्याङ्ह्रीक लागै चिठ्ठा जाक्सो ।"

येशूकना निम्घी लुटेन्याङराँउक बिचहा क्रुसहा थोतियाङ ह्रेनी ।हुन मध्य दा-जनाइ येशूकना गिल्ला खया ,तर अर्कोइ गारा ,"आङ नाङ्कना परमेश्वरक आङ्ल डर हैमा ?ङै दोषी ह्रेकी ,तर इन मन्छे त निर्दोष ह्रेकङ ।" अनि हुनि येशूकना गारा ,"कृपया ङाकना नाङ्क राज्यहा सम्झेनिङ्कै ।"येशूइ जवाफ बया,"तान्ल,"नाङ ङादैना स्वर्गहा ओन्याह्रेङ ।"

यहुदी अगुवादै भिडहा ओयाङ अरु मन्छेराँउइ येशूकना गिल्ला खैसो ।हुराँउइ उइकना गार्सो,"यदि नाङ परमेश्वरक चाउ हुँ खाझै,क्रुसहाइत दि ग्रोत ओङ अनि आफुकनाल बचा

अनि सब्ल ठन्क भरेत खुस ओआ ,तर हुन मध्य तुनिक बेला ह्रेनी ।हुन खुस मध्य तुनिक सुम बजे मचै ह्रेह्रेया ।

हुन न्हौ येशू चर्को स्वरै क्रीका ,"नो गुन्का

उइक मृत्यु(सिआइ)हाइतना ,येशूइ मन्छेराँउक लागै परमेश्वरनिङ्हा ओङ्न्याङ यम खोलेबया ।जब येशूकना पहरा बैछायाङ हुन सिपाहिइ इन सब्ल कुराराँउ ओयाङ मुआ ,हुनि गारा,"निश्चयल,इन मन्छे निर्दोष ह्रेनी ।उइ परमेश्वरक चाउ हुनि ।"

अनि यिसेफदै निकोदेमस,यशूकना मशिह गार्तना बिश्वास खयाङ नि जना यहुदी अगुवाराउइ पिलातसदैना येशूक जिउनाउ हृत्सी ।हुराउइ उइक जिउनाउकना थ्याङ्ह्रीहा बेह्रेसो अनि हुन्कना चट्टानहा खोपेतना बनायाङ च्याहान भित्रौ थासो ।हुन न्हौ हुराउइ च्याहानक गाउँ थुनेमकना हुन्क ध्री दाठौ बरे ढुङ्ग गुरातना थाबैसो ।