41. ४१. परमेश्वरै येशूकना सियाङहाइत बौह्रात सौवा

अगुवाराँउइ पिलातसकना गार्सो,"हुन झुठ्ठा येशू क्ल्याइह्रेयानी कि हुन सुम कान न्हौ सियाङहाइत सैन्याह्रेङ ।हुन्क चेलाराँउइ हुन्क लास खुतना कातहे ,अनि हुन सियाङहाइत सैका ताक्ल्याइद गार्न्याङ कुराक पक्का खयम गुन्भनी हुन चिहानक पहरा खयम्लब्रीकङ ।"

पिलातसै गारा,"आइचिदा सिपाहिराँउ कात्ने अनि हुन च्याहानकना नाराँउइ ह्रोम मचै सुरुक्षित थाने।"हुन्लमारै हुराँउइ च्याहानक गाउहा ओयाङ ढुङ्गहा दाठौ मोहोर स्लासो अनि गुनिल जिउनाउ ताखुएद गार्त पक्का खयम सिपाहिराँउकना ह्वा थासो ।

येशूकना किम्याङ त्रुक्काले शबाथक कान ह्रेनी ,अनि यहुदिराँउकना हुनकाले च्याहानहा काम मनाही ह्रेनी ।हुन्लमारै शबाथक कालेक त्रुककाले छकाल्या सबेर्ल ,कोँइ मच्चाराँउ येशूक चिहानहा उइक जिउनाउहा अत्तरराँउ स्लाम स्वाम तयार ओसि ।

अचान ,दाठौ बरे भुइचाल स्वाआ ।चिर्कोसाङ चम्केछायाङ स्वर्गदुत स्वर्गहाइत देखाब्रीसी (छिङ्सी )।हुनि च्याहानक गाउँ थुनेथायाङ ढुङ्गकना ह्वैतना हटाबया अनि हुनताकी नया।चिहानक पहरा खैछायाङ सिपाहिराँउ प्रीसी अनि सियाङ मन्छेसाङ दिसाहा दिर्सी ।

जब हुन मच्चाराँउ च्याहानहा तोम्पिसी ,हुन स्वर्गदुतै हुराँउकना गारा,"ताप्रीनी ।येशू ह्या हैमा ।उइ गार्याङसाङ्ल ,उइ सियाङ हाइत बौह्रेत सैह्रेका

अनि स्वर्गदुतै हुन मच्चाराँउकना गार्सी,"गात्नी अनि चेलाराँउकना गार्बैने,"येशू सियाङहाइतना बौह्रेत सैह्रेका अनि उइ नराँउहाइत ध्री गालिलहा कान्याह्रेङ।

हुन मच्चाराँउ प्रीमदैना खुशिइ कनि भरेह्रेसिनी ।हुराँउ चेलाराँउकना इन खुशिक समचार सुनाम दौडेतना कासी ।

जब हुन मच्चाराँउ चेलाराँउकना इन खुशिक समचार सुना स्वाछाइनी ,येशू हुराँउ निङ्हा देखाब्रीया ,अनि हुराँउइ उइक आराधना खैसो।येशूइ गारा,"ताप्रीनी ।गात्नी खै ङाक चेलाराँउकना गालिलहा काम गार्ने ।हुराँउइ ङाकना ह्वाल मुहि ।"