42. ४२. येशू स्वर्ग फर्केया

येशू सियाङहाइत बौह्रेत सौइयाङ काले ,उइक निम्ही चेलाराँउ नजिककल गामाहाइ स्वाछाइनी ।हुराँउ स्वातल खैत्याउ ,हुराँउइ येशूकना आङ ओयाङ हुनि गार्न्याङ विषयहा कुरा खैसो ।हुराँउइ आशा खैथासोनिकी उइ मशिह ह्रेनी ,तर उइल साताइदारा ।नो मच्चाराँउ क्ल्याइसी कि उइ फेरि जिउधो ओन्याह्रेङ ।हुराँउइ आङताकी बिश्वास खैन्याङ हु थाहा हैमानी ।

येशू हुराँउनिङ्हा तोङ्काआ अनि हुराँउदैनाल स्वाम ग्लाआ,तर हुराँउइ उइकना स्रेसोमा ।उइ इ हुराँउकना आङ्क बारेहा कुरा खैछायाङ हु गार्त सुधेया ,अनि हुराँउइ उइकना स्वायाङ दिनराँउहा येशूक बारेहा ओयाङ सब्ल उल्लखेनिय कुराराँउ गार्सो ।हुराँउइ सोचेथासोनिकी हुराँउ दाठौ परदेशीदैना कुरा खैछाकी ,जाङ्कना येरुशलेमहा आङ ओह्रेयानी हुन थाहा हैमानी ।

हुन न्हौ येशूइ हुराँउकना परमेश्वरक बचनै मशिहक बारेहा आङ गार्थाका गार्त व्याख्या खैबया ।उइ इ हुराँउकना याद खैबयाकि अगमबक्ताराँउइ गार्थासोनी :मशिहै कष्ट भोगेन्याह्रेङ अनि सिन्याह्रेङ तर सुमकानहा फेरि बौह्रेत सैन्याह्रेङ ।जब हुराँउ हुन गामाहा तोम्पिसी जहाँ हुन निम्घी नैन्याङ योजना बनाथासोनी ,हुनबेला लगभग सङ्हाइ ओसोह्रेयानी ।

हुन निम्घी येशूकना हुराँउदैनाल नैन्याङ निम्तो बैसो,हुन्लमारै उइ हुराँउदैना नया ।जब हुराँउ सङ्हाइक जाम जाम तयार ओसि ,येशूइ रोटाक दा टुक्राउ कात्तना परमेश्वरकना हुन्कलागै धन्यबाद बया,अनि हुन क्रेया ।अचानक हुराँउइ उइ येशू हु गार्तना स्रेसो ।तर हुन्लबेला ,उइ हुराँउक नजरहाइत बिल्हाया ।

हुन निम्घी दा-इ अर्कोकना गारा,"उइ त येशू हुनि

जब चेलाराँउ कुरा खैछाइनी ,अचानक येशू हुन कोठाउहा हुराँउनिन्हा छिङा अनि गारा "नराँउकना शान्ति

येशूइ गारा ,"ङाइ नराँउकना गार्थासिनी कि ङाक बारेहा परमेश्वरक बचनहा लेखिएयाङ सब्ल कुरा पूरा ओमल ब्रीनी ।"अनि उइ इ हुराँउक याद खोलेबया ताकी हुराँउइ परमेश्वरक वचन बुझेम ह्रोएद ।उइ गारा ,"इन त चोल ध्री लेखिएयाङ ह्रेनी कि मशिहै कष्ट भोगेन्याह्रेङ ,सिन्याह्रेङ अनि सुमकानहा सियाङहाइत बौह्रेत सैन्याह्रेङ ।"

"धर्मशास्त्रहा इसाकनी लेखिएयाङ ह्रेनी कि ङाक चेलाराँउइ घोषणा खैन्याह्रेकी कि सब्ल्हाउइल पाप क्षमा दारमक लागै पश्चाताप खयम ब्रीकङ ।हुराँउइ इन कुरा येरुशलेमहाइत शुरु खैन्याह्रेकी अनि हुन न्हौ सब्ल मन्छेक जातहा स्वान्याह्रेकी ।नराँउ इन कुराक साक्षी ओहि ।

अनि चालिसकान मचै ,येशू उइक चेलाराँउनिङ्हा चो पल्ट छिङा (देखाब्रीया)।दा चोटा ,उइ ५०० जनाहाइत चो मन्छेराँउनिङ्हा समेत दाल्गैल छिङा ।उइ आफ्नो चेलाराँउकना चो किसिमै आफू जिउधोल ह्रेङ गार्न्याङ पर्मानित खया ,अनि उइ हुराँउकना परमेश्वरक राज्यक बारेहा सिखाआ ।

येशूइ उइक चेलाराँउकना गार्सी ,"स्वर्गदैना पृथ्बीक सब्ल अधिकार ङाकना बैइयाङ ह्रेकङ ।हुन्लमारै गात्नी ,सब्ल जात क मन्छेराँउकना(पिता,पुत्र र पबित्र आत्मा) बै,चाउ दैना पबित्र आत्माक ब्रीङुहा बप्तिस्मा बैतना चेला बनाने अनि अनि हुराँउकना ङाइ नराँउकना आज्ञा खयाङ सब्ल कुरा पालना खयम सिखाने ।याद थाने ,ङा सदाल नराँउदैल ओन्याह्रेङ ।"

येशू सियाङ हाइत बौह्रेत सयाङ चालिसकान न्हौ,उइ आफ्नो चेलाराँउकना गारा ,"ङाक बै इ नराँउकना शक्ति बयाङ न्हौ जब पबित्र आत्मा नराँउहा ओङ्न्याह्रेकङ ,हुन बेलामचै नराँउ येरुशलेमहाल नैनी ।"अनि येशू ताकी स्वर्गहा स्वाआ,अनि बाल्है उइकना हुराँउक नजरहाइत खोमा ।येशू सब्ल कुराराँउ ताकी राज्य खयम परमेश्वरक दाहिना याकुपट्टिउ नैह्रेका ।