43. ४३. मन्डलिक शुरुवात

येशू स्वर्गहा फर्केत स्वायाङ न्हौ,चेलाराँउइ येशूइ आज्ञा खयाङ बमोजिम यरुशलेमहाल नैसी ।हुन्हा ओयाङ बिश्वासीराँउ प्राथना खयम निरन्तर रुपहा जम्मा ओसि ।

बर्सल पच्छे ,निस्तार चाड क ५०कान न्हौ,यहुदिराँउइ महत्वपुर्ण काले ,पेस्तिकोष क कान मनान्याङ खयनी ।पेन्तिकोष हुन समय हुनि ,जब यहुदिराँउइ कटनी (बाली गाक्न्याङ चाड)क चाड मनान्याङ खयनी ।यहुदिराँउ संसार भरेतहाइत येरुशलेमहा दाल्गैल पेन्तिकोषक काले मनान्याङ खयनी ।यहुदिराँउ सब्ल सं सारहाइत येरुशलेमहा दाल्गैल पेन्टिकोषक कान मनाम ओङिनी ।हुन बर्ष ,पेन्तिकोष क काले येशूक स्वर्गारोहण ओयाङ दश कान न्हौ ओङा ।

जब बिश्वासीराँउ सङ्घैल ह्रेइनी ,अचानक हुराँउ नैछायाङ नाम दाठौ शक्तिशाली पा क झोक्काउ साङ्ल आवाजै भरेया ।हुन न्हौ मुइक ट्वाङसाङ्ल (ज्वाला साङ्ल) छिङ्न्याङ चिज साङ्ल सब्ल बिस्वासीराँउ क काप्लौसि हा छिङ्सि ।हुराँउ सब्ल्हाउल पबित्र आत्माइ भरेह्रेसिनी अनि हुराँउ अन्य भाषाहा थामम ग्लासी ।

जब येरुशलेमहा ओयाङ मन्छेराँउइ हुन हल्ला क्लाँसो ,भिड आङ ओछाङ खैतना मुम ओङ्सी ।जब बिस्वासीराँउइ परमेश्वरक अचम्मक कामराँउक प्रचार खैछयाङ क्लाँसो ,हुराँउ अचम्म छक्क बृसी कि हुराँउइ इन कुराराँउ हुराँउक आफ्नोल मातृभाषाराँउहा क्लाँछाइनी ।

कोइ मन्छेराँउइ चेलाराँउकना मेन्याङै(रक्सी) दुक्याङ आरोप स्लासो ।तर पत्रुस सया अनि हुराँउकना गारा,"ङाक कुरा क्लाँने

"इस्रायलक मन्छेराँउ ,येशू दाठौ मन्छे हुनि जाङी परमेश्वरक शक्तिहाइत चोल महान चिन्ह अनि अचममककामराँउ खैथाआनी ,जाङ नराँउइ मुथाक्सो अनि थाहा दार्थाक्सो ।तर नराँउइ उइकना क्रुसहा टाँगेसो

"येशू सियाङ ओआझै कनि ,परमेश्वरै उइकना सियाङहाइतना सौआ ।इनि हुन भबिष्यबाणी पुराखया,जाङी गार्थाआनी ,"नाङी आफ्नो पबित्र जनकना च्याहानहा सुम बन्याहैमा ।"ङै हुन्ल कुराक साँची हुँइ ,कि परमेश्वरै येशू कना फेरि जिउधो खया ।

"येशू नोलै परमेश्वर पिता क दाहिना याकुपट्टिउ महिमित ह्रेकङ।अनि येशूइ प्रतिज्ञा खयाङ्साङ्ल पबित्रआत्मा लेत्थाका ।नराँउइ नोलै मुछायाङ अनि क्लाँछायाङ कुराराँउ पबित्रआत्माइल खैयाङ हु ।"

"नराउइ येशूकना क्रुसहा टाँगेसो ।तर इन कुरा पक्का खैतना दास्ने कि परमेश्वरै येशूकना प्रभु दै मशिह निल्ठौ बनाआ ।

पत्रुक कुरा क्लाँछायङ मन्छेराँउकना उइ गार्याङ कुराराँउइ गैरो प्रभाब प्रीया ।हुन्लमारै हुराँउइ पत्रुसदैना चेलाराँउकना सुधेसो ,"भाइराँउ ,ङैइ आङ खयम ब्रीङ ?"

पत्रुसै हुराँउकना जवाफ बया,"नराँउ सब्ल्हाउइल पश्चाताप खयमब्रीङ अनि येशू ख्रीष्टक ब्रीङुहा बप्तिस्मा लवम ब्रीकङ,जाङ हाइत नराँउक पाप क्षमा खैबैन्याह्रेकङ ।"

करिब ३,०००मन्छेराँउइ पत्रुसै गार्याङ कुराहा बिश्वास खैसो अनि येशूक चेला ओसि ।हुराँउक बप्तिस्मा ओआ अनि हुराँउ येरुशलेमक मन्डलिक हिस्सा ओसि ।

हुन चेलाराँउइ लगातार रुपहा प्रेरितराँउक शिक्षा क्लाँएनि ,दाल्गैल समय (बेला)गाकेनि ,दाल्गैल जाएनी ,अनि दाठौइ अर्कोदै प्राथना खएनी ।हुराँउ दाल्गैल परमेश्वरक प्रशंसा खयम पोरिइनी अनि हुराँउइ आफुदैना ओयाङ सब्ल थोक दाठौइ अर्कोदैना ब्र्यात्न्याङ खयनी ।सब्ल्हाउइल हुराँउक बारेहा मजा सोचेएनि ।दिन्कल ,अझ चोल मन्छेराँउ बिश्वासी ओसि ।