44. ४४. पत्रुसदै यहुन्नाइ भिखारी कना सन्चो खैसो

दाक्काले,पत्रुस दै यहुन्ना मन्दिर स्वाछाइनी ।जसाल हुराँउ मन्दिरक ढेलाहा तोम्पिसी ,हुराँउइ दा-जना खोरन्डा(लङ्गडा) मन्छेकना मुसो जाङ कचङ लागै भिक ह्रीत्छानी ।

पत्रुसै हुन खोरन्डा मन्छेहाइ चिन्तना गारा,"नाङ्कना बैन्याङ ङादैना कचङ ता हैमा ।तर ङा दैना जाङ ह्रेकङ ,ङा नाङ्कना बैहेना ।येशूक ब्रीङुहा ,सैतना स्वा

तुरुन्तल ,परमेश्वरै हुन खोरन्डा मन्छेकना सन्चो खया,अनि हुन स्वातल दै ल्हात्तल परमेश्वरक प्रशंसा खयम ग्लाआ ।मन्दिरक चोकहा ओयाङ मन्छेराँउइ इन मुतना अचम्मल ओसि ।

दाघ्रीदाहाल मन्छेराँउक भिड हुन सन्चो ओयाङ मन्छेकना मुम ओङ्सी ।पत्रुसै हुराँउकना गारा,"इन मन्छे सन्चो ओका खैतना नराँउइ आहु अचम्म मानेथाक्सो ?ङैइ हुन्कना ङैकल आफ्नो शक्तिइ वा भलाइहाइतना सन्चो खयाङ माहु बरु, इन त येशूक शक्तीइ उइ बैन्याङ बिश्वासै हु ,जाङी इन मन्छेकना सन्चो खया ।"

"नराँउल हुइनी जाङी रोमि राज्यपालकना येशूकना सातम गार्सो ।जिबनक रचनाकारकना नराँउइ सात्सो तर परमेश्वरै उइकना सियाङहाइत सौआ।नराँउकना आफू आङ खैछाङ खैतना थाहा माओआझै कनि ,परमेश्वरै अगमबाणी पूरा खयम नराँउक कामराँउकना चलाआ ,कि मशिहै कष्ट भोगेन्याङ ह्रेङ अनि सिन्याह्रेङ ।हुन्लमारै नो, पश्चाताप खैने अनि परमेश्वरहाइ फर्केनी ताकी नराँउक पापराँउ छ्यालिइद ।"

पत्रुसदै यहुन्नाइ गार्याङ कुराराँउइ खैत्याउ मन्दिरक अगुवाराँउ चो रिसेह्रेसिनी ।हुन्लमारै हुराँउइ आराँउकना चुम्सो अनि झ्यालखानाहा जाक्बैसो ।तर चो मन्छेराँउइ पत्रुसक सन्देशकना बिश्वास खैसो ,अनि येशूहा बिश्वास खैन्याङ मन्छेराँउक सख्या करिब ५,००० ओआ ।

अर्को काले,यहुदी अगुवाराँउइ पत्रुसदै यहुन्नाकना प्रधान पुजारी दै धर्मक अगुवाराँउक ध्री पित्सो ।हुराँउइ पत्रुसदै यहुन्नाकना सुधेसो ,"गुसाङ शक्तिहाइत नराँउइ इन खोरन्डा मन्छेकना सन्चो खैसो ?"

पत्रुसै जबफ बया,"नराँउक ध्री ह्रीपिछायाङ इन मन्छे येशूमशिहक शक्तिहाइत सन्चो ओआ ।नराँउइ येशूकना क्रुसहा टागेसो ,तर परमेश्वरै उइकना फेरि जिउधो खया ।

पत्रुसदै यहुन्नाइ हुसैतना हिक्मत खैत थाम्याङ मुतना हुन अगुवाराँउ छक्क ब्रीसी आहुखाझै हुराउइ मुम ह्रोएनी कि हुराँउ साधारण दै अशिक्षित मन्छेराँउ हुइनी ।तर न्हौ इन मन्छेराँउ येशूदैल नैइनी गार्न्याङ हुराँउकना याद ओआ ।पत्रुसदै यहुन्नाकना चेतावनी बयाङ न्हौ हुराँउइ आराँउकना लेत्बैसो ।