45. ४५. फिलिपदै इथियोपिका उच्छ पदाधिकारी

शुरुक मन्डलिक अगुवाराँउ मध्ये स्तिफनस ब्रीङु खयाङ दा जना मन्छे ह्रेनी ।हुन असल प्रतिस्था दै पबित्र आत्मा अनि बुद्धिउइ भरपुर ओयाङ मन्छे ह्रेनी स्तिफन्सै चोल अचम्मक कामराँउ खया अनि मन्छेराँउइ येशूहा बिश्वास खयम ब्रीकङ गार्तना सशक्त ढङ्गै तर्क खयुनी ।

दाक्काले,जब स्तिफनसै येशूक विषयहा शिक्षा बैछानी ,येशूहा बिश्वास माखैन्याङ येहुदीराँउ स्तिफनसदैना झग्रेम ग्लासी ।हुराँउ चो रिसेसी अनि स्तिफनसक सम्बन्धहा धर्मक अगुवाराँउकना झुठ्ठा गवाही बैसो ।हुराउइ गार्सो ,"हुनि मिसादै परमेश्वरक बारेहा मामजा कुरा गार्याङ ङैइ क्लाँक्सो

प्रधान पुजारीराँउइ स्तिफनसकना सुधेसो,"आङ इन कुराराँउ सत्य हु?"स्तिफनसै हुराँउकना परमेश्वरै अब्राहम हाइतना कात्तना येशूक बेला मचै खयाङ कैयो महान कामराँउ ,अनि गुसैतना परमेश्वरक मन्छेराँउइ लगतार वतना उइ क आज्ञा पालन माखयाङ गार्त याद बैतना जवाफ बया ।अनि हुनि गारा ,"नराँउ हठी दैना बिद्रोही मन्छेराँउइ सदाल पबित्र आत्माकना इन्कार खैके ,जसल नराँउक पुर्खाराँउइ सदाल पर्मेश्वरकना इन्कार खैसो अनि उइक अगम बक्ताराँउकना सात्सो तर नराँउइ त अझ चो कुरा खैसो ,जाङ हुराँउइ खयाङ हाइत खराब ह्रेनी ।

जब हुन धार्मिक अगुवाराँउइ इन कुरा क्लाँसो ,हुराँउ इच्च चो रिसेसी कि हुराँउइ आफ्नो ग्लाँउ थुनेतना चर्को स्वरहा क्रीक्सी ।हुराँउइ स्तिफनसकना बजारहाइतना भाइरउ घिस्रातना कात्सो अनि हुन्कना सातम ढुङ्गै मक्सो ।

जब स्तिफनस सिम्ल ग्लाह्रेयानी ,हुनि क्रीक्तना क्लाया,"येशू ,ङा क आत्माकना ग्रहण खै ।"अनि हुनि आफ्नो पुसु टेकेया अनि फेरि चर्को स्वरै इसा गार्त क्रीका ,"प्रभु,इन पापक दोस इराँउताकी ताग्लाद ।"हुन न्हौ हुन सिया ।।

शाउल ब्रीङु खयाङ दा जना तन्धेरी मन्छे स्तिफनसकना सात्न्याङ मन्छेराँउदै ग्वाँङ्त हुराँउइ ढुङ्ग मक्त्याल खैत्याउ हुराँउक थ्याङ्ह्री मुबैथाआनी ।हुनकाले हाइत ,येरुशलेमहा चोल मन्छेराँउइ येशुक चेलाराँउकना सताम ग्लासी ,हुन्लमारै बिश्वासीराँउ अरु ठन्कहाइ ब्रोक्तना स्वासी ।तर हुच्च ओआझै कनि हुराँउइ आफू स्वायाङ सब्ल ठन्कहा येशूक प्रचार खैसो ।

फिलिप ब्रीङु खयाङ दा जना येशूक चेला ह्रेनी जाङ सतावटक बेलाहा येरूशलेमहाइत ब्रोक्तना स्वान्याङ बिश्वासीराँउ मध्यक दाठौ हुनि ।हुन सामरियाहा काआ जहाँ हुनि येशूक बारेहा प्रचार खया, अनि ह्वाक चो मन्छेराँउ बचाइयाङ ह्रेइनी ।अनि दाक्काले ,परमेश्वरक दाठौ दुतै फिलिपकना मरुभुमिक सडकहा स्वाम गारा ।जसाल हुन बिच यमहा स्वाछानी ,फिलिपै इथोपियाक दा जना महत्वपुर्ण सरकारी कर्मचारीकना आफ्नो रथहा थुतितना स्वातल खयाङ मुआ ।अनि पबित्र आत्माइ फिलिपकना कातना हुन मन्छेदैना कुरा खयम गारा ।

जब फिलिप हुन रथ क नजिक तोम्पिया ,हुनि आन इथोपियालि मन्छेइ यसैया अगमबक्ताइ लेखेयायाङ पत्रहाइतना पढेछायाङ क्लाँआ ।हुन मन्छेइ पढेया ,"जसैतना भेडी गाकम क लागै कातिकङ ,हुसैतना ल हुनि आफ्नो गाउ खोलेयामा ।हुन क अपमानित अबस्थाहा कनि हुन्कना न्याय मिलेयामा ।आहुँखाझै उइक जीवन पृथ्बिहाइतना हरण ओआ ।"

फिलिपै हुन इथोपियालिकना सुधेया,"नाङी पढेछायाङ कुरा आङ नाङी बुझेथाका ?"हुन इथोपियाली जबाफ बया,"अहँ । गुनिल मागार्त ङा गोसैतना बुझेम ह्रोकु खै ?कृपया ओङ्तना ङाक छेउहा नै ।आङ यसैयाइ आफ्नोल बारेहा लेखेथाआनी या अरु गुन्कल बारेहा ?"

फिलिपै हुन इथोपियाली मन्छेकना यसैयाइ येशूक बारेहा लेखेथाआनी गार्त व्याख्या खैबया ।फिलिपै हुन्कना येशूक बारेहा सु समचार सुनाम अरु पत्रराँउक कनि प्रयोग खया ।

जब फिलिपदै हुन इथोपियाली यात्रा खैछाइनी ,हुराँउ आइचिदा ती ओयाङ ठन्कहा तोम्पिसी ।हुन इथोपियाली क्लाया,"मुनि

हुन्लमारै हुराँउ दि ती ओयाङ ठन्कहा स्वासी ,अनि फिलिपै हुन इथोपियालिकना बप्तिस्मा बया ।हुराँउ ती हाइतना भाइरौ ओङ्याङ न्हौ ,अचानक पबित्र आत्माइ फिलिपकना अन्तल काता जहाँ उइ मन्छेराँउकना येशूक बारेहा गार्तलछाआ ।

हुन इथोपियालि मन्छे आफ्नो नाम्हाइ काम आफ्नो यात्राहा स्वाकाताआ ,हुनि येशूकना स्रेम दार्तना हुन नोक्माल खुशी ह्रेनी ।