46. ४६. पावल बिश्वासी ओआ

शाउल हुन तन्धेरी मन्छे हुनि जाङी स्तिफनसकाना सात्न्याङ राँउक थ्याङ्ह्रीराँउ कुरेथाआनी ।हुनि येशूहा बिश्वास खैतमानी ,हुन्लमारै हुनि बिश्वासिराँउकना सतान्याङ खयुनी ।हुन येरुशलेमक नाम नामहा कातना यरा दै मच्चाराँउकना चुम्तना झ्यालखानाहा जाकुसिनी ।प्रधान पुजारिराँउइ शाउलकना दमस्कसक बजारहा कातना ख्रीस्टियानराँउकना चुम्तना हुराँउकना येरुशलेमहा फर्कातना पित्न्याङ स्वीकृति बैथासोनी ।

जब शाउल दमस्कसहाइ स्वाछानी ,स्वर्गहाइत दाठौ ट्वाङ ज्योती हुन्क प्री पट्टिउ चम्केया ,अनि हुन दिसाहा दिरा ।शाउलै गुन्भनी इसा गार्याङ क्लाँआ ,"शाउल

जब शाउल सया ,हुनि आङ्ल मुम ह्रोआमा ।हुन्क सङ्घौराँउइ हुन्कना दमस्कस मचै डोरेतना कातमब्रीया।शाउलै सुम कान मचै न आङ्ल जाआ न त तुङाल् ।

दम्स्कसहा हननिया ब्रीङु ओयाङ दा जना चेला ह्रेनी ।परमेश्वरै हुन्कना गारा,"हुन नामहा गात जहाँ शाउल नैह्रेका ।नाङ्क याकु हुनताकी था ता कि हुनि फेरि मुम ह्रोउ ।"तर हननियाइ गारा ,"प्रभु,इन मन्छेइ बिश्वासीराउकना गुसैतना सताथाका गार्तना ङाइ क्लाँथाका ।"परमेश्वरै हुन्कना जवफ बया ,"गात

हुन्लमारै हननिया शाउल निङ्हा काआ ,हुन्क याकुराँउ आनताकी थाआ,अनि गारा,"येशू,जाङ नाङ ओङ्छायाङ यमहा छिङा,उइ ङा कना नाङहा लेत्थाक्सी ताकी नाङी फेरि मुम ह्रोउ ,अनि पबित्र आत्माइ भरिपुर्ण ओ ।"शाउल तुरुन्तल फेरि मुम ह्रोन्याङ ओआ ,अनि हननियाइ हुन्कना बप्तिस्मा बया।अनि शाउलै आङ्भनी जान्याङ कुरा जाआ अनि हुन्क तागत फर्केतना ओङा ।

हुन्क लगत्तल,शाउलै दमस्कसहा ओयाङ येहुदीराँउकना इसा गार्तल प्रचार खयम ग्लाआ,"येशूल परमेश्वरक चाउ हुँ

चो कान न्हौ,यहुदिराँउइ शाउलकना सात्न्याङ योजना बनासो।हुन्कना सातमक लागै हुराँउइ बजार क ढेलाराँउहा ढुकेत नयम मन्छेराँउ लेत्सो ।तर शाउलै हुन योजनाक बारेहा क्लाआ ,अनि हुन्क सङ्घौराँउइ हुन्कना ब्रोकम सहायता खैसो ।दा झिरी हुराँउइ आन्कना डालिहा जाक्तना बजारक बान्नोहाइतना दि ख्रोबैसो । शाउल दमस्कसहाइत ब्रोक्याङ न्हौ,हुनि येशूक बारेहा प्रचार खैन्याङ काम निरन्तर खैतल छाआ।

शाउल चेलाराँउकना भेटेम येरुशलेम काआ,तर आराँउ हुन्दैना प्रीह्रेसिनी ।अनि बार्नानास बृङु खयाङ दा -जना बिश्वासी शाउलकना प्रेरितराँउनिङ्हा काता अनि हुराँउकना गोस्खैतना शाउलै साहस खैत दमस्कसहा प्रचार खैथाआनी खैत गार्बैसी ।हुन न्हौ ,चेलाराँउइ शाउलकना स्विकार खैसो।

येरुशलेमहा ओयाङ सतावटहाइत ब्रोक्याङ आइचिदा बिश्वासीराँउ टाढो एन्टिओखिया क बजारहा कासी अनि येशू क बारेहा प्रचार खैसो ।एन्टिओखियाक चो भागै मन्छेराँउ यहुदी माहुइनी तर पहिलाल चोटा हुराँउकनी चो जना बिश्वासीराँउ ओसि ।बार्नाबास दै शाउल हुन्हा इन नवै बिश्वासीराँउकाना येशूक बारेहा अझ चो शिक्षा बयम दै मन्डली काना बल्ल्यो बनाम कासी ।येशूहा बिश्वास खैन्याङराँउकना पहिला चोटा "खृष्टियानराँउ"गारियाङ ठन्क एन्टिओखिया हुनि ।

दाक्काले,,जब एन्टिओखियाहा ओयाङ खृष्टियानराउ उपबास दैना प्राथना खैछाइनी ,तब पबित्र आत्माइ हुराउकना गारासी "ङाक लागै बार्नाबास दैना शाउलकना हुन काम क लागै अलग खैने ,जाङ काम क लागै ङाइ हुराउकना स्लोक्थाक्सी ।"हुन्लमारै एन्टिओखियाक मन्डलिऐ बर्नाबास दैना शाउल क लागै प्राथना खैसो ,अनि आराउ क याकु हुराउ ताकी थासो ।अनि आराउइ हुराउ(निम्घी)कना येशूक बारेहा अरु चोल ठन्कहा सु-समचार प्रचार खयम लेत्सो ।बारनाबास दै शाउलै विभिन्न जात क मन्छेराउकना शिक्षा बैसो ,अनि चो मन्छेराउइ येशूहा बिश्वास खैसो ।