47. ४७. पावल दै सिलास फिलिप्पिहा

जब शाउलै रोमि साम्राज्य भरेत यात्रा खया ,हुनि आफ्नो रोमि ब्रीङु "पावल "क प्रयोग खयम ग्लाआ।दाक्काले पावल दै हुन्क सङ्घौ सिलास फिलिप्पी क बजारहा येशूक बारेहा सु-समचार सुनाम कासी ।हुराउ नदिहाइत वतना बजार क भाइरौ दाठौ ठन्कहा कासी जहाँ मन्छेराउ प्राथना खयम थुपृइनी ।हुन्हा हुराउइ लिडिया ब्रीङु खयाङ दा-जना मच्चा कना दाल्लसो जाङ दाठौ व्यापारी हुनि ।हुनि परमेश्वरकना माया दैना आराधना खयुनी ।

येशूक बारेहा सन्देश बिश्वास खयम परमेश्वरै लिडिया क मनौ खोलेबया ,अनि हुन दैना हुन्क जहानौ क बप्तिस्मा ओआ,हुनि पावल दैना सिलासकना आफ्नो नामहा नैन्याङ निम्तो बया,हुन्लमारै हुराँउ हुन्दैना अनि हुन्क जहान दै सङ्घैल नैसी ।

पावल दै सिलास हुन प्राथना खैन्याङ ठन्कहा मन्छेराँउदै चो भागै भेटेन्याङ खएनी ।दिन्कल जसाल हुराँउ हुन्हा स्वानइनि ,भुतात्मा ग्लायाङ दाठौ कमारी च्रोन्टी हुराँउकना पछ्यान्याङ खयुसिनी ।हुन भुताआत्मा हाइतना हुनि मन्छेराँउक जोखाना मुउसिनी ,इसाखैतना जोखाना मुत हुनि आफ्नो मालिक क लागै चोल कमाइ खैबयुनी ।

हुन कमारी च्रोन्टी इसा क्ल्याइत कृकम ग्लाआ ,"इन मन्छेराँउ सर्बोच्छ परमेश्वर क सेवकराँउ हुइ ।इराँउइ नराँउकना मुक्तिक यम क घोषणा खैछाकी

अन्तहा जब हुन कमारी च्रोन्टी कृकम ग्लाआ पावल हुन्हाइ फर्केया अनि हुन भित्रौ ओयाङ दुष्टआत्मा काना गारा,"येशूक ब्रीङुहा हुन्हाइत भाइरउ तोङ।"अनि हुन दुष्टआत्माइ हुन्ल बेला हुन्काना लेत्तना स्वाआ ।

हुन कमारी च्रोन्टि क मालिकराँउ चो रिसेसी

हुन्लमारै हुन कमारी मच्चा क मालिकै पावल दैना सिलासकना रोमि अधिकारीराँउ निङ्हा कात्तना स्वाआ,जाङी हुराँउकना मक्सो अनि झ्यालखाना भित्रौ जाक्बैसो ।

हुराँउइ पावल दै सिलासकना झ्यालखाना क सबहाइतना सुरक्षित ठन्कहा थासो अनि हुराँउक खुट्टाउहा कोर्का(ठिँगुरो)मचै ठोकेबैसो।ताकनी मध्य झिरी क बेला ,हुराउइ परमेश्वर क प्रशसा क गितराँउ लिक्छाइनी ।

एक्कासी ,हुन्हा दाठौ बरे भुइचाल स्वाआ

झ्यालखाना क हाकिम निदाउहाइत सया,अनि जब हुनि झ्यालखाना क ढेलाराँउ खुलेयाङ मुआ ,हुन प्रीया

हुन डरौइ बिर्तल पावल दै सिलास क ध्री ओङ्तना सुधेया ,"उद्धार दारम क लागै ङाइ आङ खयम ब्रीकङ?"पावलै जवाफ बया ,"येशू प्रभूहा बिश्वास खै अनि नाङ दै नाङ्क जाहानै उद्धार दार्हे ।"अनि हुन हाकिमै पावल दै सिलासकना आफ्नो नाम भित्रौ काता अनि हुराँउ क घाउराँउ छ्याल बया ।पावलै हुन्क नाम भित्रौ ओयाङ सब्ल्हाउकना येशू क बारेहा सु-समचार सुनाआ ।

हुन हाकिम दै हुन्क सब्ल जाहानी येशूहा बिश्वास खैसो अनि बप्तिस्मा लौसो ।अनि हुन हाकिमै पावल दैना सिलास कना जाम बया अनि हुराँउ सब्ल्हाउइल दाल्गै ल आनन्द मनासो ।

हुन्क त्रुककाले बजार क हाकिम राँउइ पावल दै सिलासकना झ्यालखाना हाइत लेत्बैसो अनि हुराँउकना फिलिप्पी हाइतना तोङ्नी गार्सो ।पावल दै सिलासै लिडिया दै अरु आइचिदा सङ्घौ राँउकना भेटेसो अनि हुन न्हौ बजार लेत्तना स्वासी ।येशूक बारेहा सु-समचार फैलेकातआ ,अनि मन्डली बढेकातआ ।

पावल दै अरु ख्रीष्टियान अगुवाराँउ चोल बजारराँउहा येशू क बारेहासु-समचार प्रचार खैतल अनि शिक्षा बैतल यात्रा खैसो ।हुराँउइ मन्डलिहा ओयाङ बिश्वासीराँउकना उत्साह बयम दैना सिखाम चो चिठ्ठी कनि लेखेसो इन मध्यक चिठ्ठिराँउ तान बाइबल क किताबराँउ ओह्रेक्सी ।