4. ४. अब्राहमदैना परमेस्वर क करार

जल प्रलय क चो बर्ष न्हौ सन्सारहा मन्छेराउ क संख्या फेरि बढेकाताआ अनि हुराँउ सब्ल्हाउ ल दाल्ठौ भासा थाम्न्यायङ खयनी।तर परमेस्वर इ आज्ञा खयाङ अनुसार पृथ्वी हा भरेम क सट्टा हुनराँउ दाल ठन्क भेला ओतना दाल्ठौ शहर बनामबाङ्सी।

हुराउ चो घमन्डी ह्रेइनी ,अनि परमेस्वर इ गार्याङ कुराकाना हुराँउइ वास्ता खैसोमा। हुराउइ स्वर्ग मचै तोङ्काम क लागै अग्लो धरहरा बनाम ग्लासी ।यदि हुराँउ दाल ओतना दुष्ट कामराँउ खैतल स्वाआझै हुराउ अझल बढि अधर्मि ओम ह्रोन्याङ परमेस्वर इ मुआ।

हुन्लमारै परमेस्वर इ हुराँउ क भासाकाना अरु थुप्रोल भासाहा बदलेबया अनि मन्छेराँउकाना सारा सन्सार भरेत हाइ-हेइ खैबया।हुराउ इ बनाम शुरु खयाङ शहर क ब्रीङु "बाबेल"हुनि,जाङ क अर्थ अलमलहा(हाइ क न हेइ क) ब्रीम" हुनि ।

सयौ बर्ष न्हौ परमेस्वर अब्राहम बृङु खयाङ दा जना मन्छेदैना थामा।परमेस्वर इ हुन्काना गारा,"नाङ्क देश दैना नाम्क काना लेत" ङाइ नाङकाना सारम बाङ्याङ ठन्कहा गात ।ङा नाङ्कना आशिष बैहेना, अनि नाङ्काना बयाङ ठन्क काना दा ठौ महान रास्ट्र बनाबैहौ ।ङा नाङ्क ब्रीङु महान तुल्याहौ।ङा नाङ्क ब्रीङु काना बरे बनाहौ।नाङकाना आशिष बैन्याङ काना ङा आशिष बैहौ,नाङकाना श्राप बैन्याङ्काना श्राप बैहौ ।पृथ्वी हा ओयाङ सब्ल घारानाराउ(नाम्क काना) नाङ्क कारण आशिशित ओनेह्रेकि ।

अनि अब्राहम इ परमेस्वर क आज्ञा मानेया।हुनि आफ्नो मत्काउ साराइ आफ्नो सब्ल नोकर राँउ अनि आफ्नो सब्ल थोक कात्तना परमेस्वर इ सार्याङ देश कनान हाइ ग्लाआ।

जब अब्राहम कनानहा तोम्पिया ,परमेस्वर इ गारा ,"आफ्नो प्रीतर्फ मु ।नाङदै नाङ्क सन्तानकाना नाङी मुम ह्रोयाङ मचै सब्ल देश पैतृक(बयु क )सम्पती क रुपहा नाङकाना बैहेना।"अनि अब्राहाम हुन देशहा नयम बाङा।

दाक्काले ,अब्राहम इ सर्बोच्च परमेस्वर क पुजारी मल्किसेदक काना दाल्लाआ। मल्किसेदक इ अब्रहमकाना आशिष बैतना गारा"आकाश दै पृथ्वी क मालिक सर्बोच्च क पर्मेस्वर इ नाङ काना आशिस बयु द"अनि अब्राहम इ मल्किसेदक काना आफ्नो सब्ल समपती क दस भाग बया।

चो बर्ष बितेस्वाआ तर अब्राहम दै साराइ क आङ्ल कन सन्तान ओतमानी ।पर्मेस्वर अब्राहम दै थामा अनि फेरि प्रतिज्ञा खया कि हुन्क दाठौ चाउ ओन्याह्रेङ अनि हुन्क सन्तानराँउ आकाश क तारा साङ ओन्याह्रेकी ।अब्राहम इ परमेस्वर क प्रतिज्ञा हा बिस्वास खया ।परमेस्वर इ अब्राहमकाना धर्मी ठहर्याआ, आहु खा झै आब्राहम इ परमेस्वर क प्रतिज्ञा हा बिश्वास खया।

अनि परमेस्वर इ अब्राहम दै दा ठौ करार ह्रुपा।करार चाहिँ नि पक्ष बिच क सम्झौता हु।परमेस्वर इ गारा,"नाङ्क आफ्नोल शरीर हाइत ङा नाङ्कना दाठौ चाउ बैहेना।कनान देश ङा नाङ्क सन्तानराँउकाना बैहौसी ।"तर अब्राहमदै अझल दाठौ कनि चाउ हैमानी।