49. ४९. परमेश्वर क नवैँ करार

दाठौ स्वर्गदुतै मरियम ब्रीङु खयाङ दाठौ कन्याकना गारा,कि हुनि परमेश्वर क चाउकना जन्म बैन्याह्रेङ ।हुन्लमारै जब उइ आफुल दाठौ कन्या ह्रेनी ,हुनि दाठौ चाउ जन्माआ अनि हुन्क ब्रीङु येशू थाआ ।तसर्थ,येशू परमेश्वर दैना मन्छे निल्ठौ हु ।

येशूइ चोल अचम्मक कामराँउ खया ,जाङी प्रमाणित खैकु कि उइ पर्मेश्वर हुनि ।उइ ती ताकी स्वाआ ,आधीकना शान्त खया,चोल रोगी मन्छेराँउकना निको खया,दुष्ट आत्माराँउ तोनासि,सियाङ मन्छेकना जिउधो खया अनि प्लाँ रोटा क टुक्राउ दै निठौ ङा हाइत ५,०००हाइत चो मन्छेराँउकना दुम्न्याङ खैत जाम जेत्तना आफुकना प्रमाणित खैत सारा

येशू महान शिक्षक कनि ह्रेनी ,अनि उइ अधिकार खैतना थाम्नी आहुखाझै उइ परमेश्वर क चाउ हुनि ।उइ सिखाआ कि नाङी अरु मन्छेराँउकना हुसाल खैतना माया खयम ब्रीङ जसा खैत आफुकना माया खैकु ।

उइ इन कनि सिखाआ कि नाङी परमेश्वरकना अरु सब्ल कुराराँउकना हाइत चो माया खयम ब्रीङ,नाङ्क धन सम्पतिराँउकना हाइत कनि चो ।

येशूइ गारा कि परमेश्वर क राज्य ससारहा ओयाङ गुसाङ्ल कनि कुरा हाइत चो मुल्यबान ह्रेङ ।गुन्भनी क लागै सबहाइत महत्वपुर्ण कुरा गार्याङ ल परमेश्वर क राज्य क हकदार ओम हु ।परमेश्वर क राज्यहा बाङम ,नाङि आफ्नो पापहाइत उद्धार दारम ब्रीकङ ।

येशूइ सिखाआ कि कोँइ मन्छेराँउइ उइकना दार्हे अनि बचाइन्याङ ह्रेकी,तर अरुइ दारेमा,।उइ गारा कि कोँइ मन्छेराँउ ह्रुङ मच्यासाङ हुइ ।हुराँउइ येशू क सु-समचार दार्के अनि बचाइएकी ।अरु मन्छेराँउ चाइ यम क क्षे मच्यासाङ हुइ ,जहाँ परमेश्वर क वचन क ब्याङ बाङङमा अनि आङ्ल अन्न सयङमा ।हुन मन्छेराँउइ येशू क बारेहा सन्देश कना मानेकेमा अनि उइ क राज्यभित्रौ बाङम दार्नेहैमा ।

येशूइ सिखाआ कि परमेश्वरै पापीराँउकना चो माया खैकु ।उइ हुराँउ सब्ल्हाउकना क्षमा बयम चाहेकू अनि हुराँउकना आफ्नो सन्तान बनाम चाहेकु ।

येशूइ इन कनि गारा कि परमेश्वरै पापकना घ्रीणा खैकु।जब आदम दै हब्बाइ पाप खयासो,इनि हुराँउ क सबल सन्तानराँउकना असर पृया ।फलस्वरुप,संसारहा सब्ल मन्छेराँउइ पाप खैके अनि परमेश्वरहाइत अलग खैइयाङह्रेकी ।तसर्थ(हुन्लमारै)सब्ल्हाउल परमेश्वरहाइत टाढो ओह्रेक्सी ।

तर परमेश्वरै संसारहा ओयाङ सब्ल्हाउकना इच्च चो माया खया कि उइ आफ्नो दाठौ च्याल चाउ बया ,ताकी येशूताकी बिश्वास खैन्याङ गुनिल कनि हुराँउ क पाप क सजाय भोगेम ता-ब्रीद,तर परमेश्वरदैना सदा-सर्बदा बचेह्रेइद ।

नाङराँउ क पापै खैत्याउ,नाङ दोसि दैना सातिम योग्य क ह्रेकङ ।परमेश्वर नाङदैना रिसेम ब्रीन्याङ हुँ ,तर उइ आफ्नो रिसौ नाङ्क सट्टाहा येशूताकी खन्याआ ।जब येशू क्रुसहा सिया ,उइ नाङ्क सजाय भोगेया ।

येशूइ तिङ्ल पाप खयामा,तर सजाय भोगेम अनि नाङदै संसार क हरेक मन्छेराँउ क पाप सौत कातम सिद्ध बलि क रुपहा सिम चाहेया ।येशूइ आफुकनाल समर्पण(बयाङ क) खयाङ क मारै खैत्याउ,परमेश्वरै जसाङ कनि पापकना क्षमा खयम ह्रोकू ।

मजा कामै नाङ्कना बचाम ह्रोकुमा ।परमेश्वर दैना सम्बन्ध थाम नाङी खयम ह्रोन्याङ आङ्ल काम हैमा ।येशूइ च्याल नाङ्क पाप छ्यालम ह्रोकु।नाङी इन बिश्वास खयम ल ब्रीङ कि येशू ल परमेश्वर क चाउ हुँ ,कि नाङ्क सट्टा उइ क्रुसहा सिया,अनि परमेश्वरै फेरि उइकना जिउधो खैतना सौवा ।

येशूहा बिश्वास खैन्याङ दै उइ कना आफ्नो मुक्तिदाता गार्तना ग्रहण खैन्याङ सब्ल्हाउकना परमेश्वरै बचान्याह्रेङ ।तर उइ ताकी बिश्वास माखैन्याङ गुन्कनाल कनि बचानेहैमा ।नाङ धनी ओ या गरिब यरा या मच्चा ,बड्डो या तन्धेरी अथवा नाङ घ्वा नैकङ आङ्ल फरक ब्रीन्याहैमा ।परमेश्वरै नाङ्कना माया खैकु अनि नाङी येशूहा बिश्वास खयाङ ओद गार्त चाहेकू ,ताकी नाङ्दैना उइ क घनिष्ठ(मा-ग्लोइन्याङ) सम्बन्ध ओद ।

येशूइ नाङ्कना उइहा बिश्वास खयम अनि बप्तिस्मा लवम निम्तो बैकू ।आङ नाङ येशू ल मशिह ,परमेश्वर क दाठौ च्याल चाँउ हु गार्त बिश्वास खैकु ?आङ नाङ आफुकना पापी दै परमेश्वर क दण्ड क भागिदार ह्रेङ गारतना बिश्वास खैकु ?नाङ्क पापराँउ सौतना कातम येशू क्रुसहा सिया गार्तना आङ नाङी बिश्वास खैकु ?

यदि नाङी येशूहा अनि उइ नाङ्कलागै आङ खया गार्तना बिश्वास खैकु खाझै ,नाङ दाठौ ख्रीष्टियान हुँ ।

यदि नाङ दाठौ ख्रीष्टियान हु खाझै,येशूइ खयाङ कामै खैत्याउ परमेश्वरै नाङ्क पापराउ क्षमा खैबैथाका ।परमेश्वरै नो नाङ्कना दाठौ शत्रु माहु ,बरु दाठौ घनिष्ठ मित्र ठानेकु ।

यदि नाङ परमेश्वर क मित्र हु अनि येशू प्रभु क दास हु खाझै,नाङि नो येशूइ सिखायाङ कुराराउ क आज्ञा पालन खयम चाहेहौ ।नाङ दाठौ ख्रीस्टियान ओआझै कनि ,अझल नाङ पाप खयम परीक्षाहा ब्रीहै ।तर परमेश्वर बिश्वास योग्य ह्रेकङ अनि गार्की कि यदि नाङी आफ्नो पापराँउ क प्रायश्चित(क्षमा)खैकु खाझै उइ नाङ्कना क्षमा खैन्याह्रेङ ।पाप क बिरुद्धहा सामना खयम उइ नाङ्कना शक्ति बैन्याह्रेङ ।

परमेश्वरै नाङ्कना प्राथना खयम ,उइ क वचन पढेम,अरु ख्रीष्टियानराँउ दै आराधना खयम ,अनि उइ नाङ्क लागै आङ खया गार्तना अरुकना गारम गार्कु ।इन सब्ल कुराइ नाङ्कना उइदैना अझ घनिष्ठ सम्बन्ध थाम मद्द्त खैकु ।