6. ६.परमेस्वर इ इसहाक काना बया

अब्राहम वृद्ध ओत्याउ, हुन्क चाउ,इसहाक,दाठौ परिपक्व मन्छे ओसोह्रेयानी ।हुन्लमारै अब्राहाम इ आफ्नो दाठौ नोकरकाना आफ्नो आफन्तराउ ओयाङ देशहा इसहाक क लागै दाठौ मत्काउ भ्र्यातना लाम लेता।

अब्राहम क आफन्तराउ नैन्याङ देशहाइ क लामो यात्रा न्हौ ,परमेस्वर इ हुन नोकरकाना रिबेका बृङु ओयाङ दा जना मच्चा निङ्हा पिता।हुन आब्राहम क गोट्याउ क नातिन्यु हुनि ।

रिबेका आफ्नो परिवारकाना लेत्तना हुन नोकर दै इसहाक क नाम्हा स्वाम राजी ओआ।हुन तोङ्काहा सर्सिउ ल इसहाक इ हुनदैना ब्याहा खया।

चो समय न्हौ,अब्रहाम क मृत्यु ओआ अनि परमेस्वर इ हुन्दैना ह्रुप्याङ सब्ल करार नो इसहाक हा सरेया।परमेस्वर इ अब्राहामकाना असख्य सन्तान (गनेम माह्रोन्याङ)ओन्याह्रेङ गार्त प्रतिज्ञा खैथाआनी,तर इसहाक क मत्काउ रिबेका क गुन्ल सन्तान ओमह्रोतमानी ।

इसहाक इ रिबेका क लागै प्राथना खया ,अनि परमेस्वर इ हुन्क कोख हा जुम्ल्याहा छोराउ राउ बया।हुन निठौ ल्हानिङ राउ रिबेका क गर्भ भित्रौ ओत्याउ ल दाठौ-अर्को दैना लरेम ग्लासी,हुन्लमारै रिबेका इ परमेस्वर दैना इन आङ ओछायाङ हु गार्तना सुधेया।

परमेस्वर इ रिबेकाकाना गारा "नाङभित्रौ ओयाङ इन निठौ चाउराउ हाइत निठौ रास्ट्रराउ ओङन्याह्रेकी ।हुराउ एक-आपस(दा-आफु)हा लडेन्याङ हेकी अनि धृमा चाउ इ कान्छा चाउ क सेवा खैन्याह्रेङ ।"

जब रिबेका क चाउराउ जन्मेसी ,धृमा चाउ छुइ अनि भुत्लाउ ऐ भुत्लाउ ओयाङ ह्रेनी अनि हुराउइ हुन्क ब्रीङु एसाब थासो।तर आइचुङ चाहिँ आफ्नो याकुइ ध्रीमा क कुर्कुच्चा चुम्त्याल तोङा अनि हुराउइ हुन्क ब्रीङु याकुब थासो।