13. इस्राएल रे साथे परमेश्वर री वाचा

इस्राएलियों को लाल समदर सू पार लेअणे जाणे रे पचे, परमेश्वर उणको जंगल सू होअणे सीनै केलावणे वाले पर्वत री धकिने लेणे हालियो। ओ वोइज पर्वत थो जटे मूसा ने जलतोड़ी झाड़ी को देखियो। उण लोगों ने उण पर्वत रे नीचे खुदरे तम्बुओं को स्थापित कियो।

परमेश्वर ने मूसा सू अर इस्राएल रे सगला लोगों सू कियो, "थे रोजीणा मारी बातों को माणोला अर जको वाचा म्हू थाणे साथे बाँधू हूँ उणे बणायो राखणो। यदि थे ऐणा करोला, तो थे मारा पुरस्कार बहुमूल्य धन, याजकों रा राज्य, अर एक पवित्र जाति ठेहरोला।"

परमेश्वर द्वारा उणरे कणे आणे रे वास्ते लोगों ने तीन दिण ताई खुद को तैयार कियो। तबे परमेश्वर सीनै पर्वत री चोटी माथे नीचे उतरिया। जद वो आयो तो भूकम्प रियो, बिजलियाँ चमकी, धूँओ उठियो, अर तुरहियों रा जोरदार शब्द व्हिया। तबे मूसा खुद ऊपर पर्वत माथे चढ़गियो।

तबे परमेश्वर ने लोगों रे साथे एक वाचा बाँधी। वो कियो, "म्हू थारो परमेश्वर, यहोवा हूँ। मईज़ हूँ जको थाणे मिस्र री दासत्व सू छुड़ायो। किणी दूजा देवता री उपासना मती करजो।"

मूर्तियाँ नी बणावणी अर उणरी उपासना नी करणी, क्यूके म्हे, यहोवा, थारो एकलो परमेश्वर हूँ। अनुचित रीति सू मारे नाम रो उपयोग मती करजो। सब्त रे दिण को पवित्र मानणे रे वास्ते ओलू राखजो। दूजे शब्दों माहि, छः दिणों माहि खुदरे सगला कोम करणों, सातवाँ दिण थारे वास्ते विश्राम करणे अर मने ओलू करणे रो दिण व्हे।

खुदरे मा अर बाप रो माण करणो। हत्या नी करणी। व्यभिचार नी करणो। चोरी नी करणो। खुदरे पड़ोसी री लुगाई, उणरे घर, या उणरे किणी भी सामान को ले लेणे री इच्छा नी करणी।

तबे परमेश्वर ने इण दस आज्ञाओं को भाटा री दो पटियाओं माथे लिख कर मूसा को दे दियो। परमेश्वर ने पालण करणे रे वास्ते लोगों को दुजी घणी व्यवस्थाएँ दीं। जदि वे इण व्यवस्थाओं रा पालण किदो, तो परमेश्वर उण लोगों को आशीष देणे अर उणरी सुरक्षा करणे री परतिज्ञा किदी। पण वो कियो कि जदि वे इणरो पालण नी किदो, तो वो वाणे दंडित करेला।

परमेश्वर ने इस्राएलियों सू एक बड़ा तंबू बणाणे रे वास्ते भी कियो – मिलाप वालो तंबू। वो उणको ठीक ठीक बतायो, कि इण तंबू को किकर बणाणो व्हे, अर उणरे मायने किण चीजों को राखणो व्हे। वो उणको उण तंबू को दो कमरों माहि विभाजित करणे रे वास्ते एक बड़ा परदो बणाणे रे वास्ते भी कियो। परमेश्वर उण परदे रे लारे वाले कमरे माही आवेला अर वटे रेवेला। जटे परमेश्वर थो उण कमरे जाने री अनुमति खाली महायाजक कोरेला।

उण लोगों को उण मिलाप वाले तंबू रे सामी एक वेदी को बणाणौ व्हेला। कुणी भी जको परमेश्वर री व्यवस्था री अवज्ञा करेला वो उण वेदी माथे एक जीनावर को लेणे आई। तबे याजक उणे बलि करेला अर वेदी माथे परमेश्वर रे वास्ते बलि रे रूप माही जलावेला। परमेश्वर कियो के उण जीनावर रो लोही उण मीनक रे पापों को ढाँप लेला। इण रीत सू, अबे परमेश्वर उण पाप को नी देखेला। वो मीनक परमेश्वर री दृष्टि माही "शुद्ध" ठेहरेला। परमेश्वर मूसा रे भई हारून को अर हारून रे वंशजों को खुदरे याजक होणे रे वास्ते चुणियो।

परमेश्वर उण लोगों को, जो नियम दिये वे उणरा पालन करणे रे वास्ते सहमत रियो। वे खाली परमेश्वर रे लोग होणे को अर खाली उणरी आराधना करणे रे वास्ते सहमत रिया।

केई दिणो ताई, मूसा सीनै पर्वत री चोटी माथे ही रियो। वो परमेश्वर सू बात करियो। पण लोग उणरे कने पाचे लौटणे री परतीक्षा करता-करता थाकगा। इण वास्ते वे हारून रे कने सोना लेणे आया अर उणसू एक मूर्ति बणाणे रे वास्ते कियो, ताकि वे परमेश्वर रे बजाए उणरी उपासना कर सकें। इण रीत सू, वे भयंकर रूप सू परमेश्वर रे विरुद्ध पाप किदो।

हारून ने बछड़े रे आकार माही सोने री एक मूर्ति बणाई। उण लोगों ने उण मूर्ति री उपासना शुरू कर दि अर उणे बलि चढ़ाई! उणरे पाप री वजह सू परमेश्वर उणसू घणो क्रोधित रियो। वो उणको नष्ट करणो चावतो। पण मूसा ने उणको नी मारणे का परमेश्वर सू अनुरोध किदी। परमेश्वर ने उणरे अनुरोध सुणीयो अर उणको नष्ट नी किदो।

आखिरकार मूसा सीनै पर्वत सू नीचे उतरियो। वो उण दो भाटो री पटियाओं को लियोडो थो जिण माथे परमेश्वर ने दस आज्ञाओं को लिखियो। पाचे वो उण मूर्ति को देखियो। वो इतरो क्रोधित वियो, कि वो उण पटियाओं को चकणाचूर कर दियो।

पाचे मूसा उण मूर्ति को पीस कर उणरो बुरादो बणायो, अर उण बुरादे को पाणी माही मिलाणे उण लोगों को वो पाणी पिलायो। परमेश्वर उण लोगों माथे एक विपत्ति भेजी अर उणमें सू घणी लोग मरगिया।

जिण पटियाओं को मूसा तोडियो उणरी जागा लेणे रे वास्ते मूसा उण दस आज्ञाओं री भाटा री नवी पटियाओं को बणाई। तबे वो पाचो पर्वत माथे चढ़ गियो, अर पराथना की कि परमेश्वर उण लोगों को क्षमा करे। परमेश्वर ने मूसा री सुणी अर उणको क्षमा करियो। नवी पटियाओं माथे दस आज्ञाओं को लेणे मूसा पर्वत सू नीचे उतरियो। तबे परमेश्वर ने सीनै पर्वत सू लेणे परतिज्ञा रे देश ताई इस्राएलियों री अगुवाई किदी।