12. निर्गमन

इस्राएली लोग मिस्र सू निकल अणे घणा राजी व्हिया। वे अबे दास नी व्हिया, अर वे परतिज्ञा रे देश को जा वेला! जकोई भी इस्राएलियों ने माँगियो, मिस्रियों ने वाणे वा सेंग दियो, अटे ताई कि सोना अर चाँदी अर भेर मूल्यवान वस्तुएँ। दूजे देशों रे थोड़ाक लोगों ने परमेश्वर माथे विश्वास किदो अर जदे इस्राएली लोग मिस्र सू निकले तो वे भी उणरे साथे व्हेगा।

दिण रे दौरान बादल रो एक घणो ही बड़ा खम्भो वाणे थके-थके हालियो। अर रात री वेला ओ आग रो खम्भो बणगियो। परमेश्वर जो कि उण बादल रे खम्भे माहि अर आग रे खम्भे माहि हेतो, रोजीणा वाणे साथे थो अर वो यात्रा करते वेला उणरी अगुवाई किदी। वाणे खाली इतोई करणो थो कि उणरे लारे चालें।

थोड़ीक वेला रे पचे, फिरौन अर उणरे लोगों ने खुदरे मन को बदलियो। वे इस्राएलियों को पाचे सू खुदरो दास बणावणी चावता। इण वास्ते वे इस्राएलियों रो लारो किदो। ओ परमेश्वर ही थो जिणने उणरे मनों को बदल दियो। वो ऐड़ो इणवास्ते किदो क्यूके वो चावतो कि हरेक ईआ जाण ले कि फिरौन सू अर मिस्रियों रे सगला देवताओं सू वो, यहोवा, हलो शक्तिशाली व्हे।

जद इस्राएलियों ने मिस्र री सेणा को आवतो देखियो, तो उणको मालूम व्हियो कि वे फिरौन री सेणा अर लाल समदर रे मायने फँसगिया। वे घणा डरिया अर रोवणे लागा, "आपा मिस्र को क्यू छोडियो? आपा मरणे वाला हा!"

मूसा इस्राएलियों सू कियो, "डरणो बंद करो! परमेश्वर आज थाणे वास्ते लड़ेला अर थाणे मिस्रियां रे हाथ हूं बचावेला।" तबे परमेश्वर मूसा सू कियो, "इण लोगों सू लाल समदर री ओर धके बढ़णे रे वास्ते कियो।"

तबे परमेश्वर उण बादल रे खम्भे को लेणे इस्राएलियों अर मिस्रियों रे मायने रख दियो, ताकि मिस्री लोग इस्राएलियों के पास नी पावे।

परमेश्वर मूसा सू समदर माथे खुदरो हाथ बढ़ाणे रे वास्ते कियो। पाचे परमेश्वर ने हवा सू समदर रे पाणी को बाईं अर दाईं ओर करवा दियो, जिणसू कि समदर सू वेणे एक रास्तो बणगियो।

इस्राएली लोग खुदरे दोई पाड़े पाणी री दीवारों रे साथे, हूखी जमी माथे समदर सू होणे बढ़ चलिया।

तबे परमेश्वर उण रास्ते सू बादल को उठा लियो ताकि मिस्री लोग इस्राएलियों को बचण जावतोड़ा देखें। मिस्रियों ने वाणे पकड़ने रे वास्ते वाणों लारो करणे रो फैसलो लियो।

अतःवे समदर रे माध्यम सू उण रास्ते माथे इस्राएलियों रो लारो किदो, पण परमेश्वर ने मिस्रियों को डरा दियो अर उणरे रथों को अटकाई दियो। वे चिल्लावणे लागा, "भागो! इस्राएलियों री ओर सू परमेश्वर लड़ रियो व्हे!"

सगला इस्राएली समदर री दूजी पाड़े पोचगिया। तबे परमेश्वर मूसा सू कियो कि वो पाचो सू पाणी माथे हाथ बढ़ाए। जद मूसा ऐडो कियो, तोई पाणी मिस्री सेना माथे आ पडियो अर खुदरी सामान्य स्थिति में व्हेगियो। सगली मिस्री सेणा डूबगी।

जद इस्राएलियों ने देखियो कि मिस्री मर गिया, तो वे परमेश्वर माथे विश्वास किदो। वे विश्वास किदो कि मूसा परमेश्वर री ओर सू भविष्यद्वक्ता थो।

इस्राएली लोग इण वास्ते भी घणा आणन्दित हेता, क्यूके परमेश्वर ने उणको मरणे सू अर दास होणे सू बचा लियो। अबे वे परमेश्वर री आराधना करणे, अर उणरी आज्ञा रो पालण करणे रे वास्ते आज़ाद हा। इस्राएलियों ने खुदरी आज़ादी रो उत्सव मणाणे रे वास्ते अर परमेश्वर री परशंसा करणे रे वास्ते केई गीतों को गायो, क्यूके उणने उणको मिस्रियों री सेणा सू बचायो।

परमेश्वर ने इस्राएलियों को हरेक बरस एक पर्व मणाने रो हुकम दियो, ओ ओलू करणे रे वास्ते कि किकर परमेश्वर ने मिस्रियों को हरायो, अर उणको दास होणे सू आज़ाद कियो। ओ फसह रो पर्व कहलायो। इणमें उणको इणका उत्सव मनाणे रे वास्ते एक स्वस्थ मेमने री बलि करणी, उणे भूणणो, अर उणे बिना खमीर वाली रोटी रे साथे खाणो।