11. दसवी परेसानी और फसह का त्यहार

परमेश्वर ने मूसा अर हारून को फिरौन रे कने ओ केवणे रे वास्ते भेजियो कि इस्राएलियों को जाणे दे। वे उणे चेतावणी दी कि यदि वो उणको नी जाणे देला, तो परमेश्वर मिस्र रे लोगों रे अर जीनावरों रे सगला पेहलौठों को मार डालेला। फिरौन ओ सुणने भी परमेश्वर माथे विश्वास करणे सू अर उणरी बात मानणे सू इंकार करियो।

परमेश्वर उण माथे विश्वास करणे वाले किणी रे भी पेहलौठे छोरे को बचाणे रे वास्ते एक उपाय रो परबंध किदो। हरेक परिवार को एक निष्कलंक मेमने को लेणे उणरो वध करणो।

परमेश्वर इस्राएलियों सू उण मेमने रे लोही को लेणे खुदरे घरों रे आड़ा माथे लगाणे रे वास्ते कियो। वाणे उणरे माँस को भूनणो अर पचे उणको अखमीरी रोटी रे साथे उणे फुर्ती सू खाणो। वो उण भोजण को खाणे रे पचे वोने तत्काल मिस्र को छोड़णे को भी तैयार रेवणे रे वास्ते कियो।

जैड़ा करणे रे वास्ते परमेश्वर इस्राएलियों को आदेश दियो वे उणरे जिह्यू सगलों किदो। आधीरात म्हे, परमेश्वर हरेक पेहलौठे छोरे को घात करते हुए मिस्र रे भिचोभिच सू गुजरियो।

इस्राएलियों रे हरेक घर रे आड़ा माथे लोही लागोड़ो हो, इण वास्ते परमेश्वर उण घरों को छोडियो। उणरे मायने रे सगला लोग हावल हेता। वे मेमने रे लोही रे कारण बचगिया।

पण मिस्रियों ने परमेश्वर माथे विश्वास नी किदो अर उणरे आदेशों को नी मानियो। इण वास्ते परमेश्वर उणरे घरों को नी छोडियो। परमेश्वर ने मिस्रियों रे हरेक पेहलौठे छोरो को मारियो।

जेलखाने रे कैदियों रे पेहलौठों सू लेणे, फिरौन रे पेहलौठे ताई, हरेक पेहलौठा छोरा मरगिया। खुदरी गेरी वेदना रे कारण मिस्र रे घणीहारा लोग रोया अर विलाप करियो।

उणी रात, फिरौन ने मूसा अर हारून के बुलाया अर कियो, "इस्राएलियों को लेणे हातोहाथ ही मिस्र सू निकल जाओ!" मिस्र रे लोगों ने भी इस्राएलियों सू हातोहाथ निकल जाणे रो आग्रह कियो।