10. दस परेसानियाँ
परमेश्वर मूसा अर हारून को चेतावणी दी कि फिरौन हठीला व्हे जावेला। जद वे फिरौन रे कने गिया तो वे कियो, "इस्राएल रा परमेश्वर यों केवे, 'मेरे लोगों को जाणे दे!'" पण फिरौन उनरी नी सुणी अर इस्राएलियों को जाणे रे वास्ते आजाद करणे रे बजाए वो उणको भेर कठिन मेनत करणे रे वास्ते मजबूर कियो।
फिरौन उण लोगों को जाणे देणे सु ज्यू-ज्यू इंकार करतो रियो, इण वास्ते परमेश्वर मिस्र माथे दस भयंकर परेसानियाँ बेली। इण परेसानियो सु, परमेश्वर ने फिरौन को दिखायो कि वह फिरौन अर मिस्र रे देवताओं सु हेलो शक्तिशाली व्हे।
परमेश्वर नील नदी का पानी ने लोही महि बदल दियो, पण फिरौन अमे भी इस्राएलियों को जाणे नी दियो।
परमेश्वर पूरे मिस्र माहि डेडका भेजिया। फिरौन डेडको को आगो करणा रे वास्ते मूसा सु विनती किदी। पण सगला डेडकों रे मर जाणे रे पचे, फिरौन खुदरे मन को कठोर कर लियो अर इस्राएलियों को मिस्र सू निकल नी जाणे दियो।
इण वास्ते परमेश्वर कुटकियों री परेसानी बेली। उणरे पाचे वो डाँसों री परेसानी बेली। फिरौन मूसा अर हारून को बुलायो अर उणसू कियो कि यदि वे उण परेसानी को रोक देंवे तो इस्राएली मिस्र छोड़कर जा सके। जद मूसा पराथना कीदी तो परमेश्वर मिस्र माथे सू डाँसों को हटा दियो। पण फिरौन खुदरे मन को कठोर कर लियो अर उण लोगों को आज़ाद होकर जाणे नी दियो।
इण रे धके, परमेश्वर मिस्रियों रे सगला पालतू जीनावरों को बीमार होकर मर जाणे दियो। पण फिरौन रो मन कठोर व्हे गियो अर वो इस्राएलियों को जाणे नी दियो।
तबे परमेश्वर मूसा सू फिरौन रे हामी हवा माहि राख फेंकणे रे वास्ते कियो। जद वो ऐडो कियो तो मिस्र रे लोगों री चामड़ी माथे पीड़ादायक फोड़े निकलिया, पण इस्राएलियों रे की नी रियो। परमेश्वर फिरौन रे मन को कठोर कर दियो, अर फिरौन इस्राएलियों को आज़ाद होकर जाणे नी दियो।
इण पचे, परमेश्वर ओला गिराया अर मिस्र री केई फसलों रो नाश कर दियो अर जो कुणी भी बारे निकलिया उणे मार डालियो। फिरौन मूसा अर हारून को बुलायो अर उणसू कियो, "म्हेणे पाप किदो। थे लोग जा सको।" अतः मूसा ने पराथना कीदी, अर आकाश सू ओला गिरना बंद व्हेगिया।
पण फिरौन पाचो पाप कीदो अर खुदरे मन को कठोर करियो। वो इस्राएलियों को आज़ाद होकर जाणे नी दियो।
अतः परमेश्वर ने मिस्र माथे टिड्डियों रे दलों को आणे दियो। इण टिड्डियों ने उण सगली फसलों को खा लियो जिनको ओलों ने नाश नी कीदो।
पाचे परमेश्वर अंधेरों कर दियो जको तीन दिणो ताई भनियो रियो। ओ इतरो घोर थो, कि मिस्री लोग खुदरे घरों सू नी निकल पाया। पण जटे इस्राएली लोग रेवता वटे उजालो थो।
इण नौ परेसानियों रे पाचे भी, फिरौन इस्राएलियों को आज़ाद होकर जाणे देणे सू इंकार कर दियो। चूँकि फिरौन नी सुणियो इण वास्ते परमेश्वर एक छेली परेसानी को भेजणे री योजणा बणायी। आ फिरौन रे मन को बदल देली।
निर्गमन अध्याय 5-10 सू एक बाइबल री बात
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।