9. परमेश्वर मूसा को बुलावे

यूसुफ रे मरणे रे पाचे उणरे सगला रिश्तेदार मिस्र माहि बसगा। वे अर उणरे वंशज केई बरसो ताई मिस्र माहि रिया अर उणोंने घणी औलादो पैदा करी। वे इस्राएली कहलाया।

केई बरसो रे पाचे, इस्राएलियों री संख्या घणी बढ़गी। अर मिस्री लोग अबे इण बात रे वास्ते आभारी नी विहिया कि उणरी सहायता करणे रे वास्ते यूसुफ घणोई करियो। वे इस्राएलियों सू डर गिया क्यूके वे संख्या माहि उणसू घणा हला हेता। इण वास्ते उण वेला मिस्र माथे शासन करणे वाले फिरौन ने इस्राएलियों को मिस्रियों रो दास बणायो।

मिस्रियों इस्राएलियों को घणी हारी इमारतें अर अटे ताई कि केई नगरों को बणाणे रे वास्ते मजबूर कियो। उण कठिन परिश्रम ने उणरे जीवणौ को घणौ दुःखदायी बणा दियो, पण परमेश्वर ने उणको आशीष दी अर उणरे भैर हली संतानें पैदा वी।

फिरौन देख्यो कि इस्राएलियों रे घणी संतानें पैदा वे री थीं, इण वास्ते उणने खुदरे लोगों को इस्राएलियों रे सेंग छोरो को नील नदी रे मायने फेंक कर मार डालणे रो हुकम दियो।

एक विशेष इस्राएली नारी एक बालक जिणीयो। वा अर उणों धणी जितरो उणसू वियो उण टाबर को छिपायणे राखियो।

जद उण बालक रे माँ-बाप उणे अर घणा नी लुका सकिया, तो वे उणे मारे जाणे सू बचाणे रे वास्ते एक तैरणे वाली टोकरी माहि नील नदी रे किनारे माथे सरकंडों रे भीचे रखदियो। उणरी बड़ी बेन ने ओ देखणे रे वास्ते उणरी निंगेदास्ती की कि उणरे साथे कई वेला।

फिरौन री छोरी उण टोकरी को देखकर उणरे मायने झाँकियो। जद उणने एक बालक को देख्यो तो वा उणे खुदरे बालक रे रूप माहि ले लियो। वा एक इस्राएली नारी को उणे दूध पिलाणे रे वास्ते काम माथे राखियो, बिना आ जाणे कि वा उण बालक री सगी माँ हेती। जद वो बालक इतरो बडो व्हे गियो कि अबे उणे खुदरी माँ रे दूध री जरूरत नी री, तो वा फिरौन री छोरी रे कने उणे पाचो दियो, उणरो नाम मूसा थो।

एक दिण, जद मूसा बडो व्हे गियो, तो वो देख्यो कि एक मिस्री एक इस्राएली को कूट रियो। मूसा खुदरे साथी इस्राएली को बचाणे री कोशिश करी।

जद मूसा सोचियो कि उणे कोई नी देखेला तो वो उण मिस्री को मार दियो अर उणरे शव को दफन करदियो। पण मूसा जो किदो उणे कुणी देख लियो।

फिरौन को मालूम व्हे गियो कि मूसा कई करियो। वो उणे मार डालणा री कोशिश किदी, पण मूसा मिस्र सू जंगल मायने नाईगो। फिरौन रा सैनिक उणे वटे होद नी सकिया।

मिस्र सू आगो जंगल माहि मूसा एक चरवाहा बणगो। वो वटे एक नारी सू भीहाव कर लियो अर दो बेटे पैदा किदा।

मूसा खुदरे होरा री लड़ियो रे एवड़ री देखभाल करतो। एक दिन, वो एक जलतोड़ी झाड़ी देखी जको भस्म रिया बिना ही जल री थी। उणे देखणे रे वास्ते वो उण झाड़ी रे कने गियो। जद वो उणरे घणो कने थो, तो परमेश्वर उणसू बात कीदी। वो कियो, "हे मूसा, खुदरे जूतों को उतार दे। थू एक पवित्र जागा माथे ऊबो है।"

परमेश्वर कियो, "म्हू मारे लोगों रे दुःखों ने देख्यो। मैं थने फिरौन रे कने भेजूँला, ताकि थू इस्राएलियों को मिस्र री दासपणा सू निकाल लावे। म्हू उणको कनान देश दूँला, वो देश जिणरो मैंने अब्राहम, इसहाक अर याकूब सू परतिज्ञा करी।"

मूसा पूछियो, "अगर लोगों ने जाणना चाहो कि मणे कुण भेजियो है तो म्हे कई केहूँ?" परमेश्वर कियो, "जो म्हे हूँ सो म्हे हूँ। उणसू केजों, 'म्हे हूँ ने मने थारे कने भेजियो।' उणसू ओ भी कियो, 'म्हे थारे भडेरा अब्राहम, इसहाक अर याकूब रो परमेश्वर यहोवा हूँ।' मारो ओ नाम सदा रो है।"

मूसा डरतो अर फिरौन रे कने जाअणो नी चावतो क्यूके वो सोचियो कि वो अच्छे नी बोल पावेला, इण वास्ते परमेश्वर मूसा रे भई, हारून, को उणरी सहायता करणे रे वास्ते भेजियो।