8. परमेश्वर यूसुफ अर उणरे परिवार को बचारियो है

केई बरसो रे पाचे, जद याकूब बूढ़ो व्हे गियो, तो उणने खुदरे लाड़लो छोरो यूसुफ को उणरे भाइयों री जाँच करणे रे खातिर भेजियो जको जीनावरों रे एवड़ री देखभाल कर रियो थो।

यूसुफ रे भाइयों ने उणहू छीजता क्यूके उणरा बाप उणसू घणों लाड़ करतो अर इणवास्ते भी कि यूसुफ सुपनो देख्यो कि वो उणरो शासक व्हे जावेला। जद यूसुफ खुदरे भाइयों रे कने आयो तो वे उणे बंधक बणा लियो अर उणे दासों रा वैपार करणे वालों को बेचदियो।

घर पाचो लौटणे सू पेला यूसुफ रे भाइयों ने यूसुफ रे गाबा को फाड़ कर बकरी रे लोई में भिगोदियो। पाचे वे वो गाबो खुदरे बाप को दिखायो ताकि वो आ सोचेला कि कुणी जंगली जीनावर यूसुफ को मार दियो। याकूब घणों उदास थो।

दासों रा वैपार करणे वाले वे लोग यूसुफ को मिस्र लेगिया। नील नदी रे किनारे माथे बसियोडो मिस्र एक विशाल अर शक्तिशाली देश थो। उण दासों रा वैपार करणे वालों ने यूसुफ को एक धनी सरकारी अफसर को दास रे रूप माए बेचदियो। यूसुफ खुदरे मालिक री अच्छी तरेऊ सू सेवा किदी, अर परमेश्वर यूसुफ को आशीष दी।

उणरे मालिक री लुगाई यूसुफ रे साथे सोणे री कोशिश किदी, पण यूसुफ इण रीति सू परमेश्वर रे खिलाफ पाप करणे सू इंकार करदियो। वा क्रोधित व्हेगी अर यूसुफ माथे झूठो आरोप लगादियो, इण वास्ते उणे गिरफ्तार करके जेलखाने भेजदियो। अटे ताई कि जेलखाने रे मायने भी, यूसुफ परमेश्वर रे परति साचो रियो, अर परमेश्वर उणे आशीष दी।

दो बरसो रे पाचे, यूसुफ अभार भी जेलखाने रे मायने थो, भले ही वो निर्दोष थो। एक रात, फिरौन, जैड़ा कि मिस्री लोग खुदरे राजाओं को पुकारते, ने दो सुपना देख्या जिणोंने उणे घणों विचलित करियो। उणरा कोई भी सलाहकार उणे उण सुपनो रा मतलब नी बता पायो।

परमेश्वर यूसुफ को सपनो रा मतलब बताणे री बरदान प्रदान करी, इणवास्ते फिरौन यूसुफ को जेलखाने सू खुदरे कने बुलायो। यूसुफ उणे उण सपनो रा मतलब बतायो अर कियो, "परमेश्वर भरपूरी री फसलों वाले सात बरसो रे पाचे अकाल रे सात बरस भेजणे वालो व्हे।"

फिरौन यूसुफ सू इतरो परभावित रियो कि उणने उणे मिस्र रो दूजो सबसू शक्तिशाली मिनक नियुक्त करियो।

यूसुफ ने लोगों सू चोखी फसलों वाले सात बरसो रे दौरान घणी मातरा में भोजण जमा करणे रे वास्ते कियो। जद सात बरसो रा अकाल आयो तबे यूसुफ लोगों को वो भोजण बेचियो ताकि उणरे कने खाणे रे वास्ते बराबर हो।

वो अकाल खाली मिस्र में ही नी, पण कनान में भी भयंकर थो जटे याकूब अर उणरा परिवार रेवता।

इणवास्ते याकूब खुदरे सबसू बड़े छोरे को भोजण खरीदणे रे वास्ते मिस्र भेजियो। जद वे भोजण खरीदणे रे वास्ते यूसुफ रे सामी ऊबा रिया तो उण भाइयों ने यूसुफ को नी पेचाणा। पण यूसुफ उणको पेचाण लियो।

ओ मालम करणे रे वास्ते कि किया वे बदलगा उणरी जाँच करणे रे पाचे, यूसुफ उणसू कियो, "म्हू थारा भाई यूसुफ हूँ! डरो मती। जद थे मने दास रे रूप में बेचियो तो थे खोटा करणे री ठानी, पण परमेश्वर उण बुराई को भलाई रे वास्ते उपयोग किदो! आओ अर मिस्र में रेवो ताकि म्हे थारे अर थारे परिवारों रे वास्ते भोजण रा प्रबंध कर सकुला।"

जद यूसुफ रे भाई घरे पाछा लौटिया अर खुदरे बाप याकूब को बतायो कि यूसुफ अबे भी जीवितो है, तो वो घणों खुश व्हियो।

हाला कि याकूब एक बूढ़ो मिनक थो तौभी वो खुदरे पूरे परिवार रे साथे मिस्र गियो, अर वे वटे बसगा। याकूब रे मरणे सू पेला, उणने खुदरे हरेक छोरे को आशीषित कियो।

वाचा री वा परतिज्ञाएँ जको परमेश्वर अब्राहम सू की वे इसहाक माथे अर उणरे पाचे याकूब, अर उणरे पाचे उणरे बारा छोरो अर उणरे परिवारों माथे आयगी। उण बारा छोरो रे वंशज इस्राएल रे बारा गोत्र बणगी।