16. छुड़ाणे वालो

यहोशू रे मरणे रे पचे इस्राएलियों ने परमेश्वर री अवज्ञा किदी। वे परमेश्वर रे नियमों रो पालण नी किदो, अर वे उण वाचा रे देश सू बचियोड़ा कनानियों को बाहरे नी निकालिया। इस्राएलियों ने खुदरे साचे परमेश्वर, यहोवा को छोड़ कनानियों रे देवताओं री उपासना करणी शुरू करदी। इस्राएलियों रे कने कुणी राजा नी हेतो, इणवास्ते जिणे जको सही लागतो वो वोहिज करतो।

परमेश्वर रो हुकम नी माणने रे द्वारा इस्राएलियों ने एक पद्धति को शुरू करदियो जिणे केई भला दोहरायो गियो। आ पद्धति इण परकार सू चली: थोड़ाक बरसो ताई इस्राएली परमेश्वर री आज्ञा नी माणेला, तबे वो उणको उणके शत्रुओं सू हरावणे करावणे रे द्वारा दंडित करेला। ये शत्रु इस्राएलियों सू उणकी चीजों को लूट लेई, उणकी सम्पत्ति रो नाश कर देंई, अर उणमें सू घणौ नेई मार डाली। पचे जद इस्राएलियों रे शत्रु उण माथे केई बरसो ताई अत्याचार करेंला, उणरे पचे इस्राएली खुदरे पापों रा पश्चाताप करेला अर परमेश्वर सू उणको बचाणे रे वास्ते पराथना करेला।

हरेक भला जद इस्राएली पश्चाताप करेंला तो परमेश्वर उणको बचावेला। वो एक छुड़ाणे वाले रे द्वारा ऐणों करेला – एक ऐअणो जअणो जको उनके शत्रुओं रे खिलाफ लड़ेला अर उणको हराई देला। तबे देश मायने शान्ति व्हेला अर वो छुड़ाणे वालो उण माथे अच्छे सू शासण करेला। परमेश्वर ने उण लोगों को बचाणे रे वास्ते घणा ही छुड़ावणे वालों को भेजिया। परमेश्वर ने कने ही की एक शत्रु जाति, मिद्यानियों रे द्वारा इस्राएलियों को हरावने करवाणे रे द्वारा पाचे ऐणो किदो।

मिद्यानियों ने सात बरसो ताई इस्राएलियों री फसलों को लूटियो। इस्राएली लोग घणा डरगिया, अर वे गुफाओं मायने छिपगिया ताकि मिद्यानी लोग उणको खोज नी पावे। आखिरकार, उणको बचाणे रे वास्ते वे परमेश्वर को पुकारियो।

गिदोन नाम रो एक इस्राएली मिनक थो। एक दिण, वो एक गुप्त जागा मायने गेहूँ झाड़ रियोथो, ताकि मिद्यानी लोग उणे चुरा नी पावे। यहोवा रे स्वर्गदूत ने गिदोन रे कने आयणे उणसे कियो, "हे शूरवीर सूरमा, परमेश्वर थारे साथे है। जा अर इस्राएलियों को मिद्यानियों सू बचायले।"

गिदोन रे बाप रे काने मूर्ति रो समर्पित एक वेदी हेती। सबसू पेहली बात जको परमेश्वर ने गिदोन को करणे रे वास्ते किदी वा उण वेदी को तोड़नी हेती। पण गिदोन लोगों सू डरतो, इण वास्ते उसणे रात होणे री भाड़ जोई। तबे उसणे उण वेदी को तोड़ने टुकड़ा-टुकड़ा करियो। उसणे परमेश्वर रे वास्ते एक नवी वेदी बणाई अर उण माथे परमेश्वर रे वास्ते बलि चढ़ाई।

धकली सुबेह लोगों ने देखियो कि कुणी वेदी को तोड़णे टुकड़ा-टुकड़ा करिया, इण वास्ते वे घणा क्रोधित व्हिया। वे गिदोन को मार डालणे रे वास्ते उणरे घरे गिया, पण गिदोन रे बाप कियो, "थे क्यू अपणे देवता री सहायता करणे रो प्रयास कर रियाहो? जदि वो देवता व्हेई, तो उणे खुदरी सुरक्षा खुद करणे दो!" क्यूके वो ऐणो कियो इण वास्ते लोगों ने गिदोन को नी मारियो।

तबे इस्राएलियों को लूटणे रे वास्ते मिद्यानी लोग पाचा आया। वे इता सारा हेता कि उणरी गिनती भी नी की जा सकी। गिदोन ने उणरे खिलाफ लड़ने रे वास्ते इस्राएलियों को एक साथे बुलायो। गिदोन ने परमेश्वर सू दो निशाणी री माँग किदी, ताकि उणे विश्वास व्हे जावे कि परमेश्वर साची माय उणे इस्राएल को बचाणे रे वास्ते केह रियो है।

पेहली निशाणी रे वास्ते, गिदोन ने भेड़ री ऊन को जमी माथे रखण परमेश्वर सू कियो कि सुबेह री ओस खाली भेड़ रे उण ऊन माथे पड़ेला अर जमी माथे नी पड़ेला। परमेश्वर ने ऐणो ही किदो। धकली रात, वो परमेश्वर सू कियो कि जमी आली व्हो जावे पण भेड़ री ऊन सूखोड़ी रेव्हे। परमेश्वर ने ऐणो भी किदो। इण दो निशाणी रे वास्ते, गिदोन ने विश्वास किदो, कि परमेश्वर साची माय चावे कि वो इस्राएलियों को मिद्यानियों सू बचावे।

तबे गिदोन ने सैनिकों को अपणे काने बुलायो अर 32,000 मिनक आया। पण परमेश्वर ने उणसू कियो, कि ये घणा हला है। अतः गिदोन ने उण सगला 22,000 को घरे पाचो भेजियो जको लड़णे सू डरता। परमेश्वर ने गिदोन सू कियो कि ए मिनक अबे भी घणा हे। इण वास्ते गिदोन ने 300 सैनिकों को छोड़ उण सगला को घरे भेजियो।

उण रात परमेश्वर ने गिदोन सू कियो, "मिद्यानियों री छावनी माये जा अर उणको बातें करतोड़ो सुण। जद थू सुणे कि वे कई बातें करे हैं, तो थू उण माथे हमलो करणे सू नी डरेला।" इण वास्ते उण रात, गिदोन नीचे उणरी छावनी माय गियो अर वो एक मिद्यानी सैनिक को खुदरे साथी को वा बात बतावतोड़ो सुणियो जको वो सुपनो माय देखी। उण मिनक रे साथी ने कियो, "इण सुपना रो मतलब है, कि गिदोन री सेणा आपा मिद्यानी सेना को हराई देला!" जद गिदोन ने ओ सुणियो तो वो परमेश्वर री स्तुति किदी।

तबे गिदोन खुदरे सैनिकों रे कणे लोटियो अर उणमें सू हरेक को एक-एक नरसिंगा, एक मिट्टी रो पातर, अर एक मशाल दी। वे उण छावनी को घेर लियो जटे मिद्यानी सैनिक सोवता। गिदोन रे 300 सैनिकों ने अपणी मशालों को पातरो से ढकियो इण वास्ते मिद्यानी लोग उण मशालों रे प्रकाश को नी देख पाया।

तबे गिदोन रे सगला सैनिकों ने अपणे पातरो को एक ही वेला माथे तोड़ कर एकाएक सू मशालों रे आग को प्रकट करियो। वे अपणे नरसिंगे फूँके अर चिल्लाया, "यहोवा री अर गिदोन री तलवार!"

परमेश्वर ने मिद्यानियों को घबरायो, इण वास्ते वे एक दूजे को मारणे-काटणे लागिया। तुरन्त ही, गिदोन वे संदेशवाहकों को घणा सू दूजा इस्राएलियों को मिद्यानियों रो लारो करणे माय उणकी मदद करणे को बुलावणे रे वास्ते भेजियो। वे उणमें सू घणी हारा को मार डालियो अर बाकियों रो लारो करके उणको इस्राएल देश सू बाहरे निकालियो। उण दिण 1,20,000 मिद्यानी मरिया। इण तरेह परमेश्वर ने इस्राएल को बचायो।

वे लोग गिदोन को अपणा राजा बणावणो चावता, पण गिदोन ने उणको ऐणो नी करणे दियो, पण वो उणसू वे सोने रा गेहणा मांगिया जको उणमें सू हरेक ने मिद्यानियों सू लूटिया। उण लोगों ने घणी मातरा माये गिदोन को सोणो दियो।

तबे गिदोन ने उण सोने सू एक अनोखो गाबो बनायो जैणो कि महायाजक फेरतो। पण लोगों ने उणरी उपासना करणी शुरू करदी जैणे कि वो एक मूर्ति हो। तबे परमेश्वर ने पाचो इस्राएल को दंडित किदो, क्यूके वो मूर्ति री उपासना किदी। परमेश्वर ने उणरे शत्रुओं को उन्हें हराणे करणे माय सक्षम किदो। आखिरकार वे पाचा सू परमेश्वर सू मदद करणे रे वास्ते पराथना कीदी, अर परमेश्वर ने उणरे कणे उणको बचाणे रे वास्ते एक दूजो छुड़ाणे वाले को भेजियो।

आई बात केई बार घटित व्ही: इस्राएली लोग पाप करेला, परमेश्वर उणको दंडित करेला, वे पश्चाताप करेला, अर परमेश्वर उणको छुड़ाणे रे वास्ते किणी भेजेला। केई बरसो ताई, परमेश्वर ने घणाही छुड़ाणे वालों को भेजियो जको इस्राएलियों को उणके शत्रुओं को बचायो।

आखिरकार, उण लोगों ने दूजा देशों रे ज्यू परमेश्वर सू खुदरे वास्ते एक राजा की माँग किदी। वे एक ऐणो राजो चावता जको लंबा अर शक्तिशाली व्हे, अर जो युद्ध मायने उणरी अगुवाई करे। परमेश्वर को ओ निवेदन पसंद नी आयो, पण वो उणको वैणो राजो दियो जैणी वे माँग किदी।