25. शैताण यीशु री परख करे

यीशु रो बपतिस्मा होणे रे तुरन्त पचे, पवित्र आत्मा उणे जंगल माय ळ॓गियो। यीशु वटे चालीस दिण अर चालीस रात थो। उण वेळा उणने उपवास किदो, अर शैताण ने यीशु रे कणे आयणे पाप करावणे रे वास्ते उणरी परख किदी।

पेहले शैताण ने यीशु ऊ कियो, "जदि थू परमेश्वर रो बेटो है, तो इण भाटो को रोटी बणा दे ताकि थू खा सके!"

पण यीशु ने शैताण सू कियो, "परमेश्वर रे वचन माये ओ लिखियोड़ो है, 'जीवितो रेवणे रे वास्ते मीनक को खाली रोटी री जरूरत नी है, पण उणको हरेक उण बात री जरूरत व्है, जको परमेश्वर उणसे केवे!'"

तबे शैताण यीशु को मंदिर रे सबाऊ ऊँचे सिरे माथे ले गियो। उणने उणसे कियो, "जदि थू परमेश्वर रो बेटो है तो अटे सू नीचे कूद जा, क्यूके लिखियोड़ो है, 'परमेश्वर थने उठाणे रे वास्ते अपणे सरगदूतों को हुकम देळा, कि थारे पगो माथे भाटाऊ ठेस नी ळागे।'"

पण यीशु ने वो नी किदो जको शैताण ने उणसे करणे रे वास्ते कियो। इणके बजाए, उणने कियो, "परमेश्वर हरेक सू केवे है, 'थू प्रभु अपणे परमेश्वर री परख नी करणी।'"

पचे शैताण ने उणे सणसार रे सगळ॓ राजीय दिखाये। उणने उणे दिखायो कि वे कितरे शक्तिशाली थे, अर वे कितरे सम्पन्न थे। उणने यीशु ऊ कियो, "म्हु थने ओ सगळो दूँळा, यदि थू घुटणे टेकणे मारी उपासना करे।"

यीशु ने जबाब दियो, "हे शैताण, मारे कणे सू चळा जा! परमेश्वर रे वचन माय वो लोगों को हुकम देवे, 'खाली अपणे प्रभु परमेश्वर री आराधणा करो। परमेश्वर रे रूप माय खाली उणी रो आदर करो।'"

यीशु ने शैताण री परख सू हार नी माणी, इण वास्ते शैताण उणके कणेसू चळा गियो। तबे सरगदूत आयणे यीशु री सेवा टहल करणे लगे।