24. यूहन्ना यीशु को बपतिस्मा देवे

एलीशिबा अर जकर्याह रो बेटो यूहन्ना बड़ा वेय एक भविष्यद्वक्ता बण गियो। वो जंगल माय रेवतों, अर जंगली शेहद अर टिड्डियाँ खावतो, अर ऊँट रे रोम सू बणियोड़ा गाबा फेरतो।

घणाही लोग यूहन्ना री बातें सुणणे रे वास्ते जंगल माय निकळ आये। उणने ओ केहणे उणरो प्रचार किदो, "पछतावणो करो, क्यूके सरग रो राजीय कणे है!"

जद लोगों ने यूहन्ना रे सणदेश को सुणियो, तो उणमें ऊ घणाही ने अपणे पापों ऊ पश्चाताप किदो, अर यूहन्ना ने उणको बपतिस्मा दियो। यूहन्ना को देखणे वास्ते घणाही धार्मिक अगुवे भी आया, पण वे अपणे पापों रो पछतावणो या अंगीकार नी किदो।

यूहन्ना ने धारमिक अगुवों सू कियो, "हे जेहरीले साँपों के बच्चो! पछतावणो करो अर अपणे वेवार को बदळो। परमेश्वर हरेक उण रुकड़े को काट डालेळा जको छोखो फळ नी लावे, अर वो उणको आग माय झोंक देळा।" जको भविष्यद्वक्ताओं ने कियो। यूहन्ना ने उणे पूरो किदो, "देख, शीघर ही म्हु थारे धके अपणे सणदेश वाहक को भेजूँळा जको थारे वास्ते मारग को तैयार करेळा।"

थोड़ाक धार्मिक अगुवों ने यूहन्ना सू पूछियो, कि कई वो मसीह है। यूहन्ना ने जबाब दियो, "म्हु मसीह नी हूँ, पण वो मारे लारे आ रियो है। वो इतरो महाण है, कि म्हु उणरे जूतों रे फीते खोलणे रे भी लायक नी हूँ।"

धकले दिण, यीशु बपतिस्मा लेणे रे वास्ते यूहन्ना रे खणे आया। जद यूहन्ना ने उणे देख्यो, तो उणने कियो, "देखो! परमेश्वर रा मेमना जको सणसार रे पापों को उठाई ले जावेळा।"

यूहन्ना ने यीशु ऊ कियो, "म्हु थाणे बपतिस्मा देणे रे लायक नी हूँ। बजाए इणरे जरूरी है, कि थे मणे बपतिस्मा देवो।" पण यीशु ने कियो, "थाने मणे बपतिस्मा देणो चाहिजे, क्यूके करणे रे वास्ते सही काम ओईज है।" अतः यूहन्ना ने उणे बपतिस्मा दियो, जदकि यीशु ने कदी पाप नी किदो।

बपतिस्मा दिए जाणे रे पचे जद यीशु पाणी सू निकळ कर बाहरे आया, तो परमेश्वर रा आत्मा कबूतर रे रूप माय परकट व्हिया अर नीचे आकर उण माथे ठेहर गिया। उणी वेळा, परमेश्वर ने सरग ऊ बात किदी। उणने कियो, "थू मेरो बेटो है, म्हु थारुसू प्रेम करू, अर म्हु थारुसू घणो राजी हूँ।"

परमेश्वर ने यूहन्ना सू कियो, "पवित्र आत्मा नीचे आकर किणी माथे ठेहर जावेळा जिणे थू बपतिस्मा देळा।" वोहीज परमेश्वर रो बेटो है, परमेश्वर एक ही है। पण जद यूहन्ना ने यीशु को बपतिस्मा दियो, तो उणने परमेश्वर पिता को बातें करतोड़ो सुणियो, पुत्र परमेश्वर को देखियो, जको यीशु है, अर उणने पवित्र आत्मा को देखियो।