23. यीशु रो जनम

यूसुफ नाम रे एक धरमी व्यक्ति रे साथे मरियम री सगाई होयुड़ी ही। जद उणने सुणियो कि मरियम जापायती है, तो वो जाणतो थो कि वो उणरो बच्चा नी है। पण वो मरियम को बदणाम नी करणों चावतो, इणवास्ते उणने उण माथे कृपा करणे री अर उणे चुपचाप छोड़ने देणे री सोची। पण इणऊ पेहले कि वो ऐणो करतो, एक सरगदूत ने उणरे सुपणे माय आयणे उणसू बात किदी।

उण सरगदूत ने कियो, "हे यूसुफ, मरियम को अपणी लुगाई रे रूप माय लेकर आणे सू मती डर। उणरे भीतर जको बच्चा है, वो पवित्र आत्मा री ओर सू है। वा एक छोरा णे जनम देळी। उणरो नाम यीशु राखणो (जिणरो मतलब व्हे, 'यहोवा बचावे व्हे'), क्यूके वो लोगों को उणरे पापों ऊ बचावेळा।"

अतः यूसुफ ने मरियम सू ब्याव किदो अर उणे अपणी लुगाई रे रूप माय घरे ले आयो, पण उणरे बच्चा को जनम देणे ताई वो उणरे साथे नी सोयो।

जद मरियम रे जनम देणे री वेळा कणे थी, तो उणने अर यूसुफ ने बैतलहम जाणे री एक लमबी यात्रा किदी। उणको वटे जावणो ही थो, क्यूके रोमी अधिकारी इस्राएल माय रेवणे वाळ॓ सगळा लोगों री गिनती करणा चावता। वे चावता कि सगळा लोग वटे जावे जटे उणरे पूर्वज रेवता। राजा दाऊद रो जनम बैतलहम माय व्हियो, अर वो मरियम अर यूसुफ दोनों रो पूर्वज थो।

मरियम अर यूसुफ बैतलहम गिया, पण वटे जीनावरों को राखणे वाळ॓ जागा रे अलावा उणरे ठेहरणे रे वास्ते कोई जागा नी थी। वाईज जागा थी जटे मरियम ने अपणे बच्चा को जनम दियो। उणने उणे चरनी माय लिटायो, क्यूके वटे उणरे वास्ते कोई बिस्तर नी थो। वे उणरो नाम यीशु राखियो।

उण रात, वटे कणे ही रे खेत माये थोड़ाक चरवाहे अपणे भेड़ों रे झुंड री रुखाळी कर रिया हेता। एकाएक सू, एक चमकदार(add कपड़ा पहने ) सरगदूत उण माथे परकट व्हियो, अर वे डर गिया। उण सरगदूत ने कियो, "मती डरो, क्यूके मारे कणे थाणे वास्ते शुभ सणदेश है। बैतलहम माय मसीह, स्वामी रो जनम व्हियो है!"

जायणे उण बालक री खोज करो, अर थे उणे गाबा माय लिपटियोड़ो अर चरनी माय लेटियोडो पावोळा।" एकाएक सू, आकाश सरगदूत ऊ भर गियो। वे परमेश्वर री स्तुति कर रिया था। वे कियो, "सगळी महिमा सरग माय विराजमाण परमेश्वर को मिले। धरती माथे उण लोगों माय शान्ति व्हो जिणरी वो चिन्ता करे!"

तबे सरगदूत चळा गिया। वे चरवाहे भी अपणी भेड़ों को छोड़ कर बालक को देखणे गिया। शीघर ही वे उण जागा माथे पुगिया जटे बालक यीशु थो अर वे उणे चरनी माय लेटियोडो पायो, जैणो कि उण सरगदूत ने कियो। वे घणाई उत्साहित व्हिया। तबे वे चरवाहे पाचा वटे लौटिया जटे उणरी भेड़ें हेती। वे जकोई भी सुणियो अर देखियो उण सगळा रे वास्ते वे परमेश्वर री स्तुति कर रिया था।

पूरब माय दूर एक देश माय थोड़ाक मीनक व्हेता। वे सितारों रो अध्ययन किदो अर वे घणाही बुद्धिमान हेता। वे एक असामानीय सितारे को आकाश माय देखियो। वे कियो कि इणरो मतलब है, कि यहूदियों रे एक नवे राजा रो जनम व्हियो। इणवास्ते वे उण बालक को देखणे रे वास्ते अपणे देश ऊ यात्रा करणे रो निरणे किदो। एक लमबी यात्रा रे पचे, वे बैतलहम आया अर उण घर को पायो जटे बालक यीशु अर उणरे मा-बाप ठेहरिया।

जद इण मिनको ने बालक यीशु को अपणी माँ रे साथे देखियो, तो वे घुटणे टेकणे उणरी आराधणा किदी। वे यीशु को कीमती उपहार दिदा। पचे वे घरे पाचा लौट गिया।