22. यूहन्ना रो जनम

अतीत माय, परमेश्वर ने अपणे भविष्यद्वक्ताओं सू बात किदी इण वास्ते वे लोगों सू बात कर सके। पण उण वेळा सू लेणे पचे 400 बरसो रे बीतणे ताई उणने उणसे बात नी किदी। तबे परमेश्वर ने जकर्याह नाम रे भविष्यद्वक्ता रे कणे एक स्वर्गदूत को भेजियो। जकर्याह अर उणरी लुगाई एलीशिबा परमेश्वर रो आदर करता। वे घणा बूढ़ा व्हेगिया, अर उणरे कोई सनताण पैदा नी व्ही।

उण स्वर्गदूत ने जकर्याह सू कियो, "थारी लुगाई रे एक बेटो पैदा व्हेळा। थू उणरो नाम यूहन्ना रखेळा। परमेश्वर उणे पवित्र आत्मा सू परिपूर्ण करेळा, अर यूहन्ना लोगों को मसीह को ग्रहण करणे रे वास्ते तैयार करेळा।" जकर्याह ने जबाब दियो, "म्हे अर मारी लुगाई सनताण पैदा करणे रे वास्ते बूढ़े व्हे! म्हे किकर जाणू कि थे मारेसू साच के रिया व्हो?"

उण सरगदूत ने जकर्याह को जबाब दियो, "थारे कणे इण शुभ सणदेश को लाणे रे वास्ते म्हु परमेश्वर रे द्वारा भेजियोड़ो हूँ। क्यूके थू मारे माथे विश्वास नी किदो, इणवास्ते छोरे रे जनमणे ताई थू बोलणे माय सक्षम नी व्हेळा।" तुरन्त ही, जकर्याह बोलणे माय असमर्थ व्हेगियो। तबे वो सरगदूत जकर्याह रे कणे सू चळो गियो। इणरे पचे, जकर्याह घरे पाचो आयो अर उणरी लुगाई जापायती व्ही।

जद एलीशिबा छः मीने री जापायती व्ही, तो वोई सरगदूत अचानक सू एलीशिबा री रिश्तेदार माथे परकट व्हियो, जिणरो नाम मरियम थो। मरियम कुँवारी थी अर ब्याव होणे रे वास्ते यूसुफ नाम रे मीनक रे साथे उणरी सगाई होयुड़ी ही। स्वर्गदूत ने कियो, "थू जापायती व्हेळा अर एक छोरे को जनम देळा। थने उणरो नाम यीशु राखणो है। वो सर्व-शक्तिमान परमेश्वर रो छोरे व्हेळा अर हमेसा रे वास्ते शासण करेळा।"

मरियम ने जबाब दियो, "ओ किकर व्हेई, क्यूके म्हु तो कुँवारी हूँ?" उण सरगदूत ने समझायो, "पवित्र आत्मा थारे माथे आवेळा, अर परमेश्वर री सामर्थ थारे माथे छाया करेळी। इणवास्ते वो छोरे पवित्र व्हेळा, अर वो परमेश्वर रो छोरे व्हेळा।" जको उण सरगदूत ने कियो उण माथे मरियम ने विश्वास किदो।

ओ होणे रे तुरन्त पचे, मरियम ने जायणे एलीशिबा सू भेंट किदी। ज्यूही मरियम ने उणे नमस्कार किदो, एलीशिबा रो छोरे उणरे मायने उछलियो। उणरे वास्ते परमेश्वर ने जको कियो उणरे बारे माय वे नारिया एक साथे आनन्दित व्हिईं। एलीशिबा रे साथे तीण मीने रेहणे रे पचे, मरियम घरे लौटगी।

इणरे पचे, एलीशिबा ने अपणे बालक को जनम दियो। जकर्याह अर एलीशिबा ने उण बालक रो नाम यूहन्ना राखियो, जैणों कि उण सरगदूत ने हुकम दियो। तबे परमेश्वर ने जकर्याह को बोलणे माय सक्षम किदो। जकर्याह ने कियो, "परमेश्वर री स्तुति हो, क्यूके उणने अपणे लोगों री मदद करणे को याद राखियों! हे मारा बेटा, थू सर्व-शक्तिमान परमेश्वर रो भविष्यद्वक्ता व्हेळा। थू लोगों को बतावेळा कि वे किकर अपणे पापों रे वास्ते क्षमा पा सकेळा! "