21. परमेश्वर मसीह री परतिज्ञा करे

जद परमेश्वर ने सणसार री सरसटी किदी, वो जाणतो थो कि उणे पाचे किणी दिण मसीह को भेजणो होला। उणने आदम अर हव्वा ऊ परतिज्ञा किदी कि वो ऐणो करेळा। उणने कयो कि हव्वा सू एक वंशज जनमेळा जको साँप रे माथो कुचळेळा। जिण साँप ने हव्वा को धोखो दियो वो निसनदेह शैताण थो। परमेश्वर रो मतलब थो कि मसीह पूरी तरेह ऊ शैताण को हराई देळा।

परमेश्वर ने अब्राहम सू परतिज्ञा किदी कि उणरे द्वारा सणसार री सगळी जातियाँ आशीष पावेळी। परमेश्वर पाचे किणी वेळा माथे मसीह को भेजणे रे द्वारा इण परतिज्ञा को पूरो करेळा। वो मसीह सणसार रे हरेक जाति मायु लोगों रे उणरे पाप सू छुड़ावेळा।

परमेश्वर ने मूसा सू परतिज्ञा किदी कि भविष्य माय वो मूसा रे समाण एक दुजो भविष्यद्वक्ता को भेजेळा। ओ भविष्यद्वक्ता मसीह व्हेळा। इण रीत सू, परमेश्वर ने पाची परतिज्ञा किदी कि वो मसीह को भेजेळा।

परमेश्वर ने राजा दाऊद सू परतिज्ञा किदी कि उणरा एक वंशज मसीह व्हेळा। वो राजो व्हेळा अर परमेश्वर रे लोगों माथे हमेसा रे वास्ते शासण करेळा।

परमेश्वर ने भविष्यद्वक्ता यिर्मयाह सू बात किदी अर कियो, कि एक दिण वो एक नवी वाचा बाँधेळा। वो नवी वाचा इस्राएल रे साथे सीनै माथे बाँधयोड़ी पुराणी वाचा रे जैणी नी व्हेळा। जद लोगों रे साथे वो अपणी नवी वाचा बाँधेळा, तो वो उण माथे खुदको व्यक्तिगत रूप सू परकट करेळा। हरेक जन उण ऊ प्रीति राखेळा अर उणरी व्यवस्था रो पालण करणे री इच्छा राखेळा। परमेश्वर ने कियो कि आ उणरी व्यवस्था रो उणके हीवडे माथे लिख देणे रे जैणो व्हेळा। वे उणरे लोगों व्हेळा, अर परमेश्वर उणरे पापों को क्षमा करेळा। वो मसीह व्हेळा जको उणके साथे उण नवी वाचा ने बाँधेळा।

परमेश्वर रे भविष्यद्वक्ताओं ने ओ भी कियो कि मसीह एक भविष्यद्वक्ता वेळा। एक भविष्यद्वक्ता वो मिनक है, जको परमेश्वर केरे वचणो को सुणे अर पचे लोगों माथे परमेश्वर रे सणदेशों री घोषणा करे। जिणे भेजणे रो परमेश्वर ने परतिज्ञा किदी, वो मसीह एक सिद्ध भविष्यद्वक्ता व्हेळा। अर्थात् वो मसीह परमेश्वर रे सणदेशों को छोखी तरेह ऊ सुणेळा, अर वो लोगों णे उण सणदेशों को छोखी तरेहु सिखावेळा।

इस्राएली याजकों ने लोगों रे वास्ते परमेश्वर रे धके बलिदाण चढ़ाणो जारी राखियो। ओ बलिदाण लोगों रे पापों रे वास्ते उणको परमेश्वर द्वारा दनडित किये जाणे रे जागा माथे चढ़ायो। याजकों ने लोगों रे वास्ते पराथना भी किदी। पण, वो मसीह सिद्ध महायाजक व्हेळा जको परमेश्वर को देणे रे वास्ते एक सिद्ध बलि रे रूप माय खुदको चढ़ा देळा। अर्थात्, वो कदी पाप नी करेळा, अर जद वो खुद को बळि होणे रे वास्ते देळा, तो सणसार रो कुणी भी दूजी बळि जरूरी नी व्हेळा।

लोगों रे समूहों माथे राजा अर परधान शासण करे, अर कदी-कदी वे गलतियाँ करे। राजा दाऊद ने खाली इस्राएलियों माथे शासण किदो, पण राजा दाऊद रा वंशज मसीह पूरे सणसार माथे शासण करेळा, अर वो हमेसा रे वास्ते शासण करेळा। इणरे अलावा, वो हमेसा नियायपूरण रीत सू शासण करेळा, अर सही निरणयों को लेळा।

परमेश्वर रे भविष्यद्वक्ताओं ने मसीह रे बारे मायने घणी ही बातों को कियो। उदारण रे वास्ते, मलाकी ने कियो कि मसीह रे आणे सू पेहले एक दूजो भविष्यद्वक्ता आवेळा। वो भविष्यद्वक्ता घणी मेहतपूर्ण व्हेळा। इणरे अळावा, भविष्यद्वक्ता यशायाह ने लिखियो, कि मसीह एक कुँवारी सू जनम ळेळा। अर भविष्यद्वक्ता मीका ने कियो कि मसीह बैतलहम नगर मायणे जनम ळेळा।

भविष्यद्वक्ता यशायाह ने कियो, कि मसीह गलील रे छेत्र माये वास करेळा। जको लोग घणा दुःखी व्हे मसीह उणको शान्ति देळा। वो कैदियों को भी आज़ाद करेळा। मसीह बीमारों को अर जको सुण नी सके, देख नी सके, बोल नी सके, या चाल नी सके उणको भी चंगा करेळा।

यशायाह भविष्यद्वक्ता ने ओ भी कियो कि लोग मसीह सू घिणा करेंळा अर उणे सवीकार करणे सू इणकार कर देंळा। दूजे भविष्यद्वक्ताओं ने कियो कि मसीह रो एक साथी उणरे खिलाफ उठेळा। भविष्यद्वक्ता जकर्याह ने कियो कि उणरो ओ साथी ऐणो करणे रे वास्ते दूजे लोगों सू चाँदी रा तीस सिक्के लेळा। इणरे अळावा, थोड़ाक भविष्यद्वक्ताओं ने कियो कि लोग मसीह को मार डाळेळा, अर ओ कि वे उणरे गाबो रे वास्ते जुवो खेळेळा।

भविष्यद्वक्ताओं ने ओ भी बतायो कि मसीह किकर मरेळा। यशायाह ने भविष्यद्वाणी किदी कि लोग मसीह माथे थूकेंळा, उणरो मजाक उड़ावेळा, अर उणे पीटेंळा। वे उणे छेद देंळा अर वो बहुत पीड़ा अर यातना माय मर जावेळा, जबकि उणने थोड़ोक भी गलत नी किदो व्हेळा।

भविष्यद्वक्ताओं ने ओ भी बतायो, कि मसीह पाप नी करेळा। वो सिद्ध व्हेळा। पण वो इण वास्ते मरेळा परमेश्वर उणे दूजा लोगों रे पापों रे कारण दंडित करेळा। उणरे मरणे सू लोग परमेश्वर रे साथे मेल करणे माय सक्षम व्हेळा। इण वास्ते परमेश्वर चावे कि मसीह मरे।

भविष्यद्वक्ताओं ने ओ भी बतायो कि परमेश्वर मसीह को मरियोडा मायू जीवितो करेळा। ओ दरशावे कि आ सगळी नई वाचा को बाँधणे री परमेश्वर री योजना हेती, ताकि वो उण लोगों को बचायले जको उणरे खिलाफ पाप किदो।

परमेश्वर ने भविष्यद्वक्ताओं माथे मसीह रे बारे माय घणी ही बातों को परकट किदो, पण मसीह उण भविष्यद्वक्ताओं माय सू किणी रे भी जीवणकाळ माय नीआयो। इण भविष्यद्वाणियों रे दिए जाणे रे 400 ऊ हला बरसो रे पचे, सही वेळा माथे, परमेश्वर मसीह को इण सणसार माय भेजेळा।