20. बंधुआई अर लौटणा

इस्राएल रे राजीय अर यहूदा रे राजीय दोणो ने परमेश्वर रे खिलाफ पाप किदो। वे उण वाचा को तोड़ दियो, जको परमेश्वर ने उणरे साथे सीनै माथे बाँधी हेती। परमेश्वर ने उणको पश्चाताप करणे अर पाचे सू उणरी आराधणा करणे रे वास्ते चेतावणी देणे को अपणे भविष्यद्वक्ताओं को भेजियो, पण वे उणरी बातों को माणने सू इणकार कर दियो।

अतः परमेश्वर ने उणरे शत्रुओं को वाणे नाश करणे माये सक्षम करणे रे द्वारा दोई राजीयों को दंडित किदो। अश्शूर एक दूजों देश थो जको घणोही शक्तिशाळी व्हेगियो। वे दूजे देशों रे परति घणा निरदयी भी हेता। वे आयणे इस्राएल रे राजीय रो नाश करियो। अश्शूरियों ने आयणे इस्राएल रे राजीय माये केईको मार डालियो, जको चाहियो उणे लूटियो, अर देश रे केई हिस्सों को जळा दियो।

अश्शूरियों ने सगळा अगुवों, धनवाण लोगों, अर ऐणे लोगों को जको कीमती वस्तुएँ बणा सकता एक साथे भेलो किदो, अर वे उणको अश्शूर देश लेगिया। इस्राएल माये खाली थोड़ाक गरीब इस्राएली ही बचिया।

पचे अश्शूरी लोग उण देश माये रेवणे रे वास्ते विदेशियों को लेअणे आया। उण विदेशियों ने उण नगरों को पाचो बअणायो। जको इस्राएली वटे बचिया उणसे वे ब्याव किदो। इण लोगों रे वंशज सामरी केहळाया।

यहूदा रे राजीय रे लोगों ने देखियो, कि किकर परमेश्वर ने उण माथे विश्वास नी करणे अर उणरी बातों को नी माणणे रे वास्ते इस्राएल के राजीयो रे लोगों को दंडित किदो। पण तबे भी वे कनानियों रे देवताओं री मूरतियों री उपासणा किदी। परमेश्वर ने उणको चेतावणी देणे रे वास्ते भविष्यद्वक्ताओं को भेजियो, पण वे सुणणे सू इणकार कर दियो।

लगभग 100 बरसो रे पचे अश्शूरियों ने इस्राएल रे राजीय रो नाश कर दियो। परमेश्वर ने बेबीलोन रे राजा, नबूकदनेस्सर को यहूदा रे राजीय माथे हमळो करणे रे वास्ते भेजियो। बेबीलोन एक शक्तिशाली देश थो। यहूदा रो राजो नबूकदनेस्सर रो दास बणणे अर हरेक बरस उणे घणो सारो धन रो भुगताण करणे रे वास्ते सेहमत व्हेगिया।

पण थोड़ाक बरसो रे पचे, यहूदा रे राजा ने बेबीलोन रे खिलाफ बळवा किदो। अतः बेबीलोनियों ने पचो आयणे यहूदा रे राजीय माथे हमळो कर दियो। वे यरूशलेम नगर माथे कबजो कर लियो, मंदिर रो नाश कर दियो, अर नगर अर मंदिर रे खजाणे को लूटणे लेगा।

बळवा करणे रे वास्ते यहूदा रे राजा को दंडित करणे रे वास्ते, नबूकदनेस्सर रे सैणिकों ने राजा रे बेटे को उणरे सामणे मार डालियो अर पचे उणे आनधो कर दियो। इणरे पचे, वे राजा को लेगिया, ताकि वो बेबीलोन रे जेळखाणे मायने मर जावे।

नबूकदनेस्सर अर उणरी सेणा यहूदा रे राजीय रे ळगभग सगळे ही लोगों को बेबीलोन लेगी, खाली सबाऊ गरीब लोगों णे लारे छोड़ कर, ताकि वे खेतों माये फसल उगावेळा। वेळा रे इण काळ को बंधुआई कियो गयो। जिणमें परमेश्वर रे लोगों को परतिज्ञा रे देश सु निकल जाणे रे वास्ते विवश कियो गियो।

भळे ही परमेश्वर ने अपणे ळोगों को उणरे पाप रे वास्ते बंधुआई माय ळे जाणे रे द्वारा दंडित कियो, तौभी वो उणको या अपणी परतिज्ञाओं को नी भूळियो। परमेश्वर ने अपणे ळोगों री निगरानी करणो जारी राखियो अर अपणे भविष्यद्वक्ताओं रे द्वारा उणसू बातें करतो रियो। वो परतिज्ञा किदी कि सित्तर बरसो रे पचे, वे पाचा परतिज्ञा रे देश माय लौटेंळा।

ळगभग सित्तर बरसो रे पचे, फारस रे राजा कुस्रू ने बेबीलोन को हरायो, इण वास्ते बेबीलोन रे साम्राज्य रे बजाए फारस रे साम्राज्य ने केई देशों माथे शासन किदो। इस्राएली ळोग अबे यहूदी केहलावता। उणमें सू केईयो ने अपणा पूरो जीवण बेबीलोन माय बिता दियो। खाली घणाई थोड़ेक बूढ़े यहूदियों को हीज यहूदा रो देश याद थो।

फारसी ळोग घणा सामर्थी हेता, पण वे खुदरे जीतियोड़ा लोगों माथे दिया किदी। फारसी लोगों रो राजो बणणे रे थोड़िक वेला रे पचे, कुस्रू ने एक हुकम दियो, कि कुणी भी यहूदी जको यहूदा को लौटणो चावे, वो फारस सू निकळ पाचो यहूदा को जा सके। अटे ताई कि उणने उणरे मंदिर को पाचो बणाणे रे वास्ते धन भी दियो। अतः बंधुआई रे सित्तर बरसो रे पचे, यहूदियों रो एक नानोक समूह यहूदा माय यरूशलेम नगर को लौटियो।

जद वे लोग यरूशलेम पुगिया, तो वे मंदिर री अर नगर रे चारों मेर री भीत को पाची बणाई। फारसी लोग अबे भी उण माथे शासण करता, पण एक भला पाची सू वे परतिज्ञा रे देश माये रेवता अर मंदिर माय आराधणा करता।