19. भविष्यद्वक्ता

परमेश्वर रोजीणा इस्राएलियों रे कणे भविष्यद्वक्ताओं को भेजतो रेवतो। भविष्यद्वक्ता परमेश्वर सू संदेशों को सुणता अर पचे उणे लोगों को बतावता।

जद अहाब इस्राएल राजीय माथे राजो हेतो, तो उण वेला एलिय्याह भविष्यद्वक्ता थो। अहाब एक बुरो मीनक हेतो। वो झूठे बाल देवता री उपासणा करावणे रे वास्ते लोगों को विवश करतो। इण वास्ते एलिय्याह ने अहाब सू कियो, कि परमेश्वर उण लोगों को दंडित करेला। वो उणसू कियो, "जद ताई म्हे पाचो मेह होणे रे वास्ते नी केहूँ तबे ताई इस्राएल रे राजीय मायने नी तो मेह व्हेला अर नीही ओस गिरेला।" इण बात ने अहाब को इतरो क्रोधित कर दियो, कि वो एलिय्याह को मार डालणे रो निरणय किदो।

इण वास्ते परमेश्वर ने एलिय्याह सू कियो, कि वो जंगल मायने जाणे अहाब सू लूकजा। एलिय्याह जंगल मायने उण सुतोड़ा रे कणे गियो जटे जाणे रे वास्ते परमेश्वर ने उणे बतायो। हरेक सुबेह अर हरेक शाम, पक्षी एलिय्याह रे वास्ते रोटी अर माँस लेणे आवता। इण सम्पूर्ण वेला, अहाब अर उणरी सेणा एलिय्याह री खोज करी, पण वे उणे खोज नी पाया।

बारिश नी होणे सू थोड़ाक वेला रे पचे वो सोतो सूखगो। इण वास्ते एलिय्याह कणे ही रे एक देश मायने गियो। उण देश मायने एक गरीब विधवा रेवती जिणरे एक बेटो थो। उणरे कणे भोजण लगभग खतम व्हे गियो, क्यूके वटे कोई फसल नी व्ही। पण पचे भी, उण नारी ने एलिय्याह री देखभाल किदी, इण वास्ते परमेश्वर ने उणरी अर उणरे बेटे री जरूरतों को पूरो किदो, इण कारण सू उणरे आटे रो पातर अर उणरे तेल री कुप्पी कदी खाली नी व्ही। उण पूरे अकाल रे दौराण उणरे कणे भोजण हेतो। एलिय्याह थोड़ाक बरसो ताई वटे रियो।

साढ़े तीन बरसो रे पचे, परमेश्वर ने एलिय्याह सू कियो, कि वो पाचो मेह करेला। वो एलिय्याह सू पाचो इस्राएल रे राजीय मायने जाणे अहाब सू बातें करणे रे वास्ते किदो। इण वास्ते एलिय्याह अहाब रे कणे गियो। जद अहाब ने उणे देखियो तो वो कियो, "बढ़िया थू है, मुसीबत पैदा करणे वालो!" एलिय्याह ने जवाब दियो, "मुसीबत पैदा करणे वालो तो थू है! थू यहोवा को त्याग दियो। वो साचो परमेश्वर है, पण थू बाल री उपासणा किदी। अबे थने इस्राएल राजीय रे सगला लोगों को कर्मेल पर्वत माथे लेणे आवणो।"

अतः सगळा ळोग कर्मेल परवत गिया। वे पुरुष भी आए जको केवता, कि वे बाळ रे संदेशों को बोळ॓। वे बाल रे भविष्यद्वक्ता हेता। वे सगळा 450 हेता। एलिय्याह ने लोगों सू कियो, "कद ताई थे अपणे मनों को फिराए राखोला? जदि यहोवा परमेश्वर व्है, तो उणरी आराधणा करो! जदि बाळ परमेश्वर व्है, तो उणरी उपासणा करो!"

तबे एलिय्याह ने बाळ रे भविष्यद्वक्ताओं सू कियो, "एक बैल को बलि करके उणरे माँस को बलिदाण होणे को एक वेदी माथे राखो, पण आग मती लगाइजो। उणरे पचे म्हु भी वैणो ही करूँळा, अर एक नेरी वेदी माथे म्हे उण माँस को राखूँळा। तबे जदि परमेश्वर वेदी माथे आग गिरावे, तो थे जाण लोळा कि वो साचो परमेश्वर है।" तबे बाळ रे भविष्यद्वक्ताओं ने एक बळी को तैयार किदो पण आग नी लगाई।

तबे बाळ रे भविष्यद्वक्ताओं ने बाळ सू पराथना किदी, "हे बाळ, म्हाणी सुण!" पूरे दिण वे पराथना किदी अर चिल्लाया अर अटे ताई, कि खुद को चाकुओं सू काट लियो, पण बाळ ने जबाब नी दियो, अर उणने कोई आग नी गिराई।

बाळ रे भविष्यद्वक्ताओं ने बाळ सू पराथना करणे माय ळगभग पूरो दिण बिता दियो। अंततः वे पराथना करणो बंद कर दियो। तबे एलिय्याह ने दूजे बैल रे माँस को परमेश्वर री वेदी माथे रखियो। उणरे पचे, उणने लोगों सू पाणी रे विशाळ बरतणो को उण बलिदाण माथे तबे ताई उंडेळणे रे वास्ते कियो जद ताई कि माँस, लकड़ियाँ, अर अटे ताई कि वेदी रे कणायली जमी पूरी तरेह सू आली नी व्हेगी।

तबे एलिय्याह ने पराथना किदी, "हे यहोवा, अब्राहम, इसहाक, अर याकूब रे परमेश्वर, माणे दिखाओ कि थे इस्राएल रा परमेश्वर हो अर ओ कि म्हु थाणो दास हूँ। मणे जबाब देवो जिणसू कि ए लोग जाण लेवे, कि थे ही साचा परमेश्वर हो।"

हाथोहाथ ही, आकाश सू आग गिरी अर उणने माँस, लकड़ियाँ, चट्टानें, मिट्टी, अर अटे ताई कि वेदी रे आड़े पाड़े रे पाणी को भी बाल दियो। जद लोगों ने ओ देखियो, वे जमी माथे गिर पड़िया अर बोल्या, "यहोवा ही परमेश्वर है! यहोवा ही परमेश्वर है!"

तबे एलिय्याह ने कियो, "बाळ रो एक भी भविष्यद्वक्ता बच कर नी जाणे पावे!" इण वास्ते लोगों ने बाळ रे भविष्यद्वक्ताओं को पकड़ लियो अर उणको वटे सू आगो ले गियो अर उणको मार डालियो।

तबे एलिय्याह ने अहाब राजा सू कियो, "जल्दी सू अपणे घरे नाईजा, क्यूके मेह रेवेला।" जल्दी ही बादळ घने व्हेगिया, अर जोररो मेह हुरू व्हेगियो। यहोवा उण सूखे को समाप्त करियो। इणसू परकट व्हियो कि यहोवा ही साचो परमेश्वर है।

जद एलिय्याह ने अपणे काम को पूरो कियो, तो परमेश्वर ने एलीशा नाम रे एक मिनक को अपणा भविष्यद्वक्ता होणे रे वास्ते चुणियो। परमेश्वर ने एलीशा रे माध्यम सू घणाही चमत्कार किदा। एक चमत्कार नामान रे साथे व्हियो। वो एक शत्रु री सेणा रो सिरदार थो, पण उणे चामड़ी रो एक बुरो रोग व्हेगियो। नामान ने एलीशा रे बारे मायने सुणियो, इण वास्ते वो एलीशा रे कणे आयो अर उणसे उणे ठीक करणे रे वास्ते अनुरोध किदो। एलीशा ने नामान सू कियो, कि जायणे यरदन नदी रे पाणी माय सात भला डुबकी लगायले।

नामान क्रोधित व्हेगियो। वो ऐड़ौ करणे सू इणकार कर दियो, क्यूके ओ उणे मुरखता रो काम लागतो। पण पाचे वो खुदरों मन बदळियो अर जायणे यरदन नदी रे पाणी मायने सात भला डुबकी लगाई। जद अंतिम भला वो पाणी सू बाहरे निकलियो, तो परमेश्वर ने उणे ठीक कर दियो।

परमेश्वर ने इस्राएल रे लोगों रे कणे दूजा घणा ही भविष्यद्वक्ताओं को भेजियो। उण सागळा ने लोगों सू मूरतियों री उपासणा करणा बंद कर देणे रे वास्ते कियो। इणरे बजाए, उणको एक दूजे रे साथे न्यायपूर्वक व्यवहार करणो चाहिजे अर एक दूजे माथे दया करणी चाहिजे। उण भविष्यद्वक्ताओं ने लोगों को चेतावणी दी कि उणको बुरे कामों को करणो बंद कर देणो है अर इणरे बजाए परमेश्वर री बातों रो पालण करणो। जदि उण लोगों ने ऐणो नी कियो, तो परमेश्वर उणको दोषी माण उणरो नियाव करेळा, अर उणको दंडित करेळा।

अधिकांश वेला, उण लोगों ने परमेश्वर री आज्ञा रो पालण नी किदो। अक्सर वे भविष्यद्वक्ताओं रे साथे भूण्डो व्यवहार किदो अर अटे ताई कि कदी कदी उणको मार डालो। एक बार, वे यिर्मयाह भविष्यद्वक्ता को हूकोड़ी धेड़ मायने डाल दियो अर उणे वटे मरणे रे वास्ते छोड़ दियो। वो धेड़ रे तल मायने कीचड़ मायने धँस गियो। पण तबे राजा को उण माथे दिया आईगी अर उणने अपणे सैणिकों को हुकम दियो कि यिर्मयाह रे मरणे सू पेहले उणे धेड़ सू बाहरे खींच ले।

भविष्यद्वक्ताओं ने परमेश्वर री ओर सू बोलणो जारी राखियो भले ही लोगोंणे उणसे नफरत किदी। वे लोगों को चेतावणी दी कि जदि वे पश्चाताप नी किदो, तो परमेश्वर उणको नाश कर देला। वे लोगों को ओ भी याद करायो कि परमेश्वर ने उणरे कणे मसीह को भेजणे री परतिज्ञा किदी।