18. विभाजित राजीय

दाऊद राजा ने चालीस बरसो ताई शासण किदो। तबे वो मरगो, अर उणरे बेटो सुलैमान ने इस्राएल माथे शासण करअणो हुरू किदो। परमेश्वर ने सुलैमान सु बात किदी अर उणसू पूछियो, कि वो सांगू हलो कई चाहवे कि परमेश्वर उणरे वास्ते करे। सुलैमान ने परमेश्वर सू माँगियो, कि वो उणे हलो बुद्धिमान बणा देवे। इण बात ने परमेश्वर को प्रसन्न कियो, इण वास्ते परमेश्वर ने सुलैमान को संसार रो सबाऊ बुद्धिमान मीनक बणा दियो। सुलैमान ने घणीही बातों को सीखियो अर वो एक बुद्धिमान शासक थो। परमेश्वर ने उणे घणो धनवान भी बणा दियो।

यरूशलेम मायने सुलैमान ने उण मंदिर को बणायो जिणरे वास्ते उणरे बाप ने योजणा बणाई अर सामाण को भेलो कीदो। अबे लोग मिलाप वाले तंबू रे बजाए मंदिर मायने परमेश्वर री आराधणा करता अर उणरे वास्ते बलि चढ़ावता। परमेश्वर आकर मंदिर मायने उपस्थित रेवतो, अर वटे वो खुदरे लोगों रे साथे वास करता।

पण सुलैमान ने दूजे देशों री नारियो सू परेम किदो। वो घणीही, लगभग 1,000 नारियो सू ब्याव करके परमेश्वर री अवज्ञा किदी! इणमें सू केई नारियाँ पराए देशों सू आईं अर अपणे साथे अपणे देवताओं को लाईं अर उणरी उपासणा करणा जारी राखियो। जद सुलैमान बूढ़ो व्हेगियो तो वो भी उणरे देवताओं री उपासणा किदी।

इण वजेह सू परमेश्वर सुलैमान सू क्रोधित थो। वो कियो कि वो इस्राएल देश को दो राजियो मायने विभाजित करणे रे द्वारा उणे दंड देला। वो सुलैमान रे मरणे रे पचे ऐणौ करेला।

सुलैमान रे मरणे रे पचे, रहबाम राजो बणियो। इस्राएल देश रा सगला लोग उणे अपणे राजा रे रूप माये स्वीकार करणे रे वास्ते एक साथे भेला व्हिया। वे रहबाम सू शिकायत किदी, कि सुलैमान ने उणसे घणो दोरो परिश्रम करवायो अर घणो कर वसूलियो। वे रहबाम सू अनुरोध किदो कि उणसे थोड़ो काम करावे।

पण रहबाम ने उणको घणी ही मूरखता सू जबाब दियो, "थे केवो हो कि म्हारा बाउजी सुळेमान ने थारेसू कठिन परिश्रम करवायो। पण म्हे थारेसू उणसे भी घणो कठिन परिश्रम करवाऊँळा, अर म्हे थने उणसे भी हळो पीड़ित करूँळा।"

जब लोगों ने उणे ऐड़ौ केहतो सुणियो, तो उणमें सू केइयों ने उणरे खिलाफ बळवा कियो। दस गोत्रों ने उणे छोड़ दियो, उणरे साथे अबे खाली दो गोत्र ही बची। इण दो गोत्रों ने खुदको यहूदा रो राजीय कियो।

बाकी रे दस गोत्रों ने यारोबाम नाम रे एक मीनक को अपणो राजो बणा लियो। ये गोत्र देश रे उत्तर-पूर्वी भाग माय व्हेता। वे खुद को इस्राएल रो राजीय कियो।

पण यारोबाम ने परमेश्वर रे खिलाफ बळवा कियो अर लोगों सू पाप करवायो। उणने खुदरे लोगों रे द्वारा उपासणा करणे रे वास्ते दो मूरतियों को बणायो। वे अबे यहूदा रे राजीय मायने यरूशलेम माय परमेश्वर रे मनदिर माय उणरी आराधणा करणे रे वास्ते नी गिया।

यहूदा अर इस्राएल रे राजीय शत्रु बणगिया अर अकसर एक दूजे रे खिलाफ ळड़ने ळागा।

इस्राएल रे नवो राजीय माय, सगळे ही राजा दुष्ट व्हेता। इणमें सू केई राजा उणरी जागा माथे राजा बणने री चाव राखणे वाळे दूजा इस्राएलियों रे द्वारा मारा गिया।

इस्राएल राजीय रे सगळे ही राजाओं ने अर केई लोगों ने मूरतियों री उपासणा किदी। जद वे ऐणों किदो, तो वे अकसर वेशियाओं रे साथे हुता अर अटे ताई, कि केई भला मूरतियों रे धके बच्चो री बळि भी किदी।

यहूदा राजीय रे राजा, दाऊद रे वंशज हेता। इण राजाओं माये सू केई भले मीनक हेता जको नियायपूर्वक शासण किदो अर परमेश्वर री आराधणा किदी। पण यहूदा रे केई राजा दुष्ट हेता। वे दुष्टता सू शासण किदो, अर मूरतियों री उपासणा किदी। यअटे ताई कि इणमें सू थोड़ाक राजाओं ने झूठे देवताओं रे धके खुदरे बच्चो री भी बळि कर दियो। यहूदा रे केई लोगों ने भी परमेश्वर रे खिलाफ बळवा किया अर दूजा देवताओं री उपासणा किदी।