32. यीशु दुष्टात्मा सू जकड़ियोडो मीनक को अर एक बीमार नारी को चंगा करे

यीशु अर उणरे चेले अपणी नावड़ी माय उण जागा गियाजटे गिरासेनी लोग रेवता। वे उण जागा माथे पुगणे नावड़ी सू उतरिया।

वटे एक मीनक हेतों जको दुष्टात्मा सू जकड़ियोडो हेतों।

ओ मीनक इतरो बळशाळी थो कि कुणी भी उणको नियंत्रित नी कर सकियो। केई भला लोगों ने उणरे हाथों अर पैरों को जंजीरों ऊ भी बाँधियो, पण वो उणको तोड़ देवतों।

वो मीनक उण जागा माय कब्रों माय रेवतों। ओ मीनक सेंग दिण अर सेंग रात हाका करतो। वो गाबा नी फेरतों अर केईभला खुदने भाटोऊ घायल कर देवतों।

वो मीनक दौडियोडो यीशु रे कणे आयो अर उणरे धके घोडा टेकिया। तबे यीशु ने उण मीनक रे माय ऊ दुष्टात्मा सू बात किदी अर कियो, "इण मीनक मायऊ बाहरे निकळ आव!"

वा दुष्टात्मा ऊँची आवाज माय हाको करियों, "हे यीशु, परम परधान परमेश्वर रे बेटा, थारो मारू कई काम? किरपा करणे मणे मती सता!" तबे यीशु ने उण दुष्टात्मा सू पूछियो, "थारो नाम कई है?" उणने जबाब दियो, "मेरो नाम सेणा व्हे, क्यूके म्हो घणा व्हो।" (रोमी सेणा माय केई हजार सैनिकों रो एक समूह एक "सेणा" व्हेती।)

उण दुष्टात्माओं ने यीशु ऊ विणती किदी, "किरपा करणे म्हाणे इण जागाऊ बाहरे मती भेजो!" वटीज कणे रे पहाड़ माथे सूअरों रो एक झुंड चरतो हो। इणवास्ते उण दुष्टात्माओं ने यीशु ऊ विणती किदी, "किरपा करणे म्हाणे उण सूअरों माय भेज दो!" यीशु ने कियो, "ठीक है, उणमें जावोरा!"

अतः वे दुष्टात्माएँ उण मीनक माय ऊ निकळ उण सूअरों माय घुसगी। वे सूअर दौडिया एक खड़े टीले माथे सू झील माय कूदिया अर डूबणे मरिया। उण झुंड माय लगभग 2,000 सूअर हेता।

वटे उण सूअरों री देखभाळ करणे वाळा मीनक हेता। जकोही व्हीयों जद वे देखियो तो वे नगर माय नायगा। यीशु ने जकोही किदों वटे वे सगळाणे बतायो। उण नगर रा लोग निकलणे आया अर उण मीनक को देखियो जिणमें दुष्टात्माएँ हेती। वो चुपचाप ऊ, गाबा फ़ेरियोड़ो, अर एक आम मीनक रे ज्यू व्यवहार करतोड़ो बैठों हेतों।

वे लोग घणाही डरियोड़ा हेता अर वे यीशु ऊ चले जाणे रे वास्ते कियो। अतः यीशु नावड़ी माथे चढ़ गियो। वो मीनक जिणमें दुष्टात्माएँ हेती उणने यीशु रे साथे जाणे री अरदास किदी। " पण यीशु ने उणसु कियो, नी। म्हु चाहू कि थू घरे जायणे सगळा को बता कि परमेश्वर ने थारे वास्ते कई किदों। उणको बता कि किकर परमेश्वर ने थारे माथे दया किदी।"""

इणवास्ते वो मीनक गिवरो अर सगळाणे इण बारे माय बतायो जको यीशु ने उणरे वास्ते किदों। उणरी बात सुणणे वाळो हरेक जन चकित व्हियो।

यीशु झील रे दूजी पाड़े लौटियो। उणरे वटे पूगणा रे पचे, एक मोटी भीड़ उणरे आकती पाकती भेळी व्हि अर उणे दबाणे ळागी। उण भीड़ माय एक नारी हेती जको बारेह बरसो सू लोही बेहणे री तकलीफ सू पीड़ित हेती। उणने अपणों सगळो धन चिकित्सकों को दे दियो ताकि वे उणे हावळ कर सकें, पण उणरो रोग अर भी बिगड़ गियो।

उणने सुणियो कि यीशु ने केई बीमार लोगों को ठीक किदो अर उणने सोचियो, "म्हु निश्चित हूँ कि जदि म्हु खाली यीशु रे गाबाही को छू लूँ, तो म्हु भी ठीक व्हो जाऊँळी!" इणवास्ते वा यीशु रे लारे ऊ आई अर उणरे गाबा को छू लियो। ज्यू ही उणने उणको छुयो, लोही रो बेवणों रुकगियो।

हाथोहाथ ही, यीशु ने जाण लियो कि उणमें सू सामरथ निकळियो। इणवास्ते उणने लारे मुड़णे पूछियो, "म्हणे कुणने छुयो?" चेलों ने जबाब दियो, "अटे इतरे सारे लोगों ने थारे चारों मेर भीड़ लगायोडी व्हे, अर थाणे ठेळे व्हे। तो थाणे क्यूपूछियो कि म्हणे कुणने छुयो?"

वा नारी यीशु रे धके काँपतोड़ी अर घणी डरियोड़ी अपणे घोडा माथे बैठगी। तबे उसणे उणे बता दियो कि उसणे कई किदो, अर ओभी कि वा ठीक व्हेगी। यीशु ने उणसू कियो, "थारे विश्वास ने थणे चंगा किदो। शान्ति ऊ जा।"