31. यीशु पाणी माथे चाळे

पाँच हजार लोगों को भोजण कराणे रे पचे, यीशु ने अपणे चेलों सू नावड़ी माय जाणे रे वास्ते कियो। उणने उणको झील रे दूजी पाड़े चले जाणे रे वास्ते कियो जबकि वे थोड़े वेळा रे वास्ते वटीज ठेहरिया। अतः चेले गिवरा अर यीशु ने भीड़ को विदा करी कि वे अपणे घरे जावे। इणरे पचे, यीशु पराथणा करणे रे वास्ते एक परबत माथे गियो। वटे वे एकळा हेता, अर उणने मोड़ी रात ताई पराथणा किदी।

उण वेळा, चेले अपणी नावडी को खेतियोडा जावता, पण भायरो उणरे खिलाफ घणों जोर सू भेवतों। घणी रात व्हे जाणे माथे भी वे खाली झील रे बीच माय ही पुगिया।

उण वेळा यीशु ने पराथणा करणा ऊ निवड़िया अर अपणे चेलों रे कणे पाचा जाणों हरु कियो। वे नावड़ी रे धकिने जाणे रे वास्ते पाणी रे माथे हाळणे ळागा।

तबे चेलों ने उणे देखियो। वे घणा डरगिया क्यूके वे सोचियो कि वो कोई भूत व्हेळा। यीशु जाणतो कि वे डरगिया, इणवास्ते उणने उणको आवाज देयणे कियो, "डरो मती, ओ म्हु हूँ!"

तबे पतरस ने यीशु ऊ कियो, "हे परभु, जदि ओ थे हो तो मणे पाणी माथे चळायणे थाणे कणे आणे रो हुकम देवो।" यीशु ने पतरस ऊ कियो, "आव!"

अतः पतरस नाव सू उतरियो अर यीशु रे कणे जाणे रे वास्ते पाणी री सतेह माथे चाळणों हरु किदो। पण थोडोक धके जायणे, उणने खुदरी आँख्यों को यीशु ऊ फेर लियो अर ळेहरों को देखणों अर तेज भायरों को मेहसूस करणों हरु कर दियो।

तबे पतरस डर गियो अर पाणी माय डूबणे ळागो। वो हाको करियों, "हे परभु, मणे बचायळे!" यीशु ने उणी वेळा हाथ बढ़ायणे उणे पकड़ियो। तबे उणने पतरस ऊ कियो, "थाणों विश्वास घणों थोड़ौ है! थने हावळ राखणे रे वास्ते थू मारे माथे भरोसो क्यू नी किदो?"

तबे यीशु अर पतरस नावड़ी माथे चढ़गा, अर हाथोहाथ भायरों भेवणों रुक गियो। पाणी शान्त व्हेगियो। चेलों ने चकित होयणे यीशु के धके घोडा टेकिया। वे उणरी आराधणा किदी अर उणसू कियो, "सचमुच थे परमेश्वर रा बेटा हो।"