30. यीशु पाँच हजार लोगों णे भोजण करावे

यीशु ने अपणे परेरितों को परचार करणे अर लोगों को शिकसा देणे रे वास्ते घणाही नेरा-नेरा गाँवों माय भेजिया। जद वे वटे लौटिया जटे यीशु थो तो वे उणे बतायो कि वे कई किदो। तबे यीशु ने उणको झील रे दूजी पाड़े उणरे साथे एक सुणसाण जागा माथे जायणे थोड़ीक वेळा आराम करणे रे वास्ते निवतीया। अतः वे एक नावड़ी माथे चढ़गा अर झील रे दूजी पाड़े गिवरा।

पण वटे घणा ही एणा लोग हेता जको यीशु अर चेलों को नावड़ी माय जावतोड़ा देखिया। ए लोग उणसू धके झील रे दूजी पाड़े जाअणे रे वास्ते झील रे ढ़ावे-ढ़ावे माथे भागिया। अतः जद यीशु अर चेले पोचिया तो लोगों री एक मोटी भीड़ उणरी भाड़ जोवतोड़ा वटे पेहले ही हेता।

उण भीड़ माय लुगायों अर टाबरों री गिणती रे बिणाही 5,000 सू हला मीनक हेता। यीशु ने उण लोगों माथे घणों तरस खायो। यीशु रे वास्ते वे लोग बिणा चरवाहे री भेड़ों रे समाण हेता। इणवास्ते उणने उणको शिकसा दी अर उणरे बीच माय जको लोग बीमार हेता उणको चंगा कियो।

दिण रे अंत माय, चेलों ने यीशु ऊ कियो, "अबे मोड़ो व्हैगियों अर आकती पाकती माय कोई नगर नी हेतों। इण लोगों को विदा कर ताकि वे जायणे खाणे रे वास्ते की लेंले।"

पण यीशु ने चेलों ऊ कियो, "थे उणको खाणे रे वास्ते की दो!" वे जबाब दियो, "मो ऐणों किकर कर सका? माणे काणे खाली पाँच रोटी अर दो छोटी मछलियाँ व्है।"

यीशु ने अपणे चेलों सू कियो कि वे भीड़ रे लोगों को घास माथे पचा-पचा रे समूहों मयणे बैठणे रे वास्ते केवे।

तबे यीशु ने पाँच रोटी अर दो मछलियों को लेयणे सरग री ओर देखियो, अर उण भोजण रे वास्ते परमेश्वर रो धनवाद दियो।

पचे यीशु ने रोटी अर मछलियों को टुकड़ों माय तोडियो। उणने लोगों को देणे रे वास्ते अपणे चेलों को वे टुकड़े दीदा। चेले उण भोजण को बाँटते रिया, अर वो कदी खतम नी व्हीयों! वे सगळा लोग खायणे धापगा।

उणरे पचे, चेलों ने उण भोजण को भेलों किदो जिणे खायो नी गियो अर वो बारेह टोकरियों को भरणे रे वास्ते घणो हो! वो सैंग भोजण उण पाँच रोटी अर दो मछलियों सू आयो।