29. निरदई दास री बात

एक दिण, पतरस ने यीशु ऊ पूछियो, "हे स्वामी, मणे अपणे भई को कितरी बार क्षमा करणों चाहिजे जद वो मारे खिलाफ पाप करे? कई सात भळा ताई?" यीशु ने कियो, "सात भळा नी, पण सात रे सित्तर भळा!" इणरे द्वारा, यीशु रो मतलब व्है कि आपाणे रोजीणा क्षमा करणों चाहिजे। तबे यीशु ने आ बात भताई।

यीशु ने कियो, "परमेश्वर रो राजीय एक राजा रे समान व्है जको अपणे दास रो लेखो लेवणी चावे। उणरो एक दास 2,00,000 बरसो री मजूरी रे एक मोटों करज रो करजदार थो।"

पण वो दास अपणे करज को चुका नी पायो, इणवास्ते राजा ने कियो, "इणरो करज चुकाणे रे वास्ते इण मीनक को अर इणरे परिवार को दासों रे रूप माय बेच दो।"

उण दास ने राजा रे सामणे अपणे घोडो माथे गिरणे कियो, 'किरपया मारे साथे धीरज धरो, अर म्हु अपणे करज री पूरी रकम रो भुगताण कर दूँळा।' राजा ने दास माथे दया किदी, इणवास्ते उणने उणरे सगळे करज को क्षमा कर दियो अर उणे जाणे दियो।

पण जद वो दास राजा रे कणे सू बाहरे गियो, तो उणे उणरो एक साथी दास मिळियो जको उणरे चार मिना री मजूरी रो करजदार थो। उण दास ने अपणे साथी दास को पकड़ लियो अर कियो, 'जको थारे माथे मारो करज व्है मणे उणरो भुगताण कर!

उण दास ने घोडो माथे गिरणे कियो, 'किरपया मारे साथे धीरज धरो, अर म्हु अपणे करज री पूरी रकम रो भुगताण कर दूँळा।' पण इणरे बजाय, उण दास ने अपणे साथी दास को जेळखाणे माय डाळ दियो जद ताई कि वो उण करज रो भुगताण नी करे। " जकोई रियो उणे थोड़ाक दूजा दासों ने देखियो अर वे घणा परेशाण व्हिया। वे राजा रे कणे गिया अर उणे हेतों जकोई बतादियो।"""

राजा ने उण दास को बुलायणे कियो, 'हे दुष्ट दास! म्हु थारे करज को इणवास्ते क्षमा किदो क्यूके थू मारेसू विनती किदी। थाने भी वैणों ही करणों चाहिजे।' राजा इतरो क्रोधित थो कि उणने उण दुष्ट दास को जेलखाणे माय डाल दियो जद ताई कि वो अपणे सगळो करज रो पाचो भुगताण नी कर देवे।

तबे यीशु ने कियो, "मेरो सरग माय विराजमाण बाप थाणे मायसू हरेक रे साथे ओहि करेळा जदि थे अपणे भई को अपणे हीवड़े सू क्षमा नी करे।"