28. धनी मोटियार शासक

एक दिण, एक धनी मोटियार शासक ने यीशु रे कणे आयणे उणसू पूछियो, "हे उत्तम गरु, अणन्त जीवण पाणे रे वास्ते मणे कई करणों चाहिजे?" यीशु ने उणसू कियो, "थू मणे 'उत्तम' कया केवे? खाली एक ही उत्तम व्है अर वो परमेश्वर व्है। पण जदि थू अणन्त जीवण पावणी चावे तो परमेश्वर री व्यवस्था रो पालण कर।"

मणे कई कई आज्ञाओं रो पालण करणे री जरूरत व्है? उणने पूछियो। यीशु ने जबाब दियो, "हत्या नी करणों। व्यभिचार नी करणों। चोरी नी करणी। झूठ नी बोळणा। अपणे बाप अर मा रो आदर करणों, अर अपणे पड़ोसी सू अपणे समान परेम करणों।"

पण उण मोटियार पुरुष ने कयो, "म्हु अपणे बालपणे सू ही इण सगळा आज्ञाओं रो पाळन करतो आयो हूँ। मणे रोजीणा रे वास्ते जीवित रेवणे को अबे भी कई करणे री जरूरत व्है?" यीशु ने उण माथे दरसटी किदी अर उणसू परेम किदो।

यीशु ने जबाब दियो, "जदि थू सिद्ध होणों चावे तो जायणे अपणों सगळो बेच दे अर वो धन गरीबों माय बाँट दे, अर थणे सरग माय धन मिलेळा। तबे आयणे मारे लारे व्हेळे।"

जको यीशु ने kiyo जद उण मोटियार मीनक ने सुणियो तो वो घणों उदास व्हे गियो, क्यूके वो घणों धनी थो अर उणने अपणी सगळी सम्पत्ति को देणों नीचावतो। वो मुड़ परो यीशु रे कणे सू गिवरों।

तबे यीशु ने अपणे चेलों सू कियो, "परमेश्वर रे राजीय माय धनी लोगों रो घुसणों घणों टेडौ व्है! हाँ, एक धनी मीनक रे परमेश्वर रे राजीय माय घुसणे री तुळणा माय किणी ऊँट रो सूई रे नाके माय ऊ होणे निकल जाणों आसाण व्है।"

जको यीशु ने कियो जद चेलों ने सुणियो तो वे चकित हेता। वे कियो, "जदि ओ ऐअणों व्है तो परमेश्वर किणे बचावेळा?"

यीशु ने चेलों माथे दरसटी किदी अर कियो, "लोगों रे वास्ते खुद रो उद्धार करणों असम्भव व्है। पण परमेश्वर रे वास्ते की भी करणों असम्भव नी व्है।"

पतरस ने यीशु सू कियो, "मा चेले माणों सगळो छोड़ थारे लारे व्है लिया। तो म्हाणों ईनाम कई व्हेळा?"

यीशु ने जबाब दियो, "हरेक जन जिणने मारे कारण घर, भाई, बेहण, पिता, माता, बच्चे, या सम्पत्ति को छोडियो, वो उणसू 100 गुणा हळो पावेळा अर अणन्त जीवण को भी पावेळा। पण घणा जको पेहले व्है वे लारे व्हैळा, अर घणा जको लारे व्है वे पेहले व्हैळा।"