34. यीशु दूजी बातों री शिकसा देवे

यीशु ने परमेश्वर रे राजीय रे बारे माय दुजी घणीही बाता सुणाई। उदाहरण रे वास्ते, उणने कियो, "परमेश्वर रो राजीय एक राई रे बीज रे समाण व्है जिणे किणी ने अपणे खेत माय बो दियो। थे जाणों हो कि राई रो बीज सगळे बीजों मायऊ सबाऊ नानोक रेव्है।"

पण जद राई रो बीज बढ़ जावे तो वो बगीचे रे सगळे रुकड़ा मायऊ सबाऊ मोटों व्है जावे, इतरो मोटों कि पंछी आयणे उणरी डाळियों माथे आराम करे।

यीशु ने एक दुजी बात बताई, "परमेश्वर रो राजीय खमीर रे समाण व्है जिणे लेयणे एक नारी आटे रे पिंड माय मिलाय देवे तबे वो सगळे पिंड माय फैल जावे।"

सरग रो राजीय उण खजाणे रे समाण व्है जिणे कुणी खेत माय लुकायदियो। कुणी दूजा मीनक को वो खजाणों लादगो अर उणने उणे पाणे री घणों चाव किदों। इणवास्ते उणने उणे पाचो गाड़ दियो। वो आणन्द सू इतरो भर गियों कि उणने जायणे अपणों सगळो बेच दियो ताकि वो उण खेत को मोळ ळे सके जटे वो खजाना हेतों।

सरग रो राजीय एक घणों कीमती शुद्ध मोती रे समाण भी व्है। जद कोई मोतियों रो वैपारी उणे पा लेवे तो वो उणे खरीदणे रे वास्ते अपणों सगळोई बेच देवे।

वटे थोड़ाक लोग हेता जको सोचता कि परमेश्वर उणको इणवास्ते स्वीकार करेळा क्यूके वे भळा काम करिया। ये लोग ऐणे लोगों को नानोक मानता जको उण भले कामों को नी करता। इणवास्ते यीशु ने उणको आ बात बताईः "दो मीनक हेता अर दोनों ही पराथना करणे रे वास्ते मंदिर माय गिया। उणमें सू एक चुंगी लेने वाळो हेतों, अर दूजोड़ो एक धारमिक अगुवा हेतों।"

उण धारमिक अगुवे ने इण परकार सू पराथना किदी, 'हे परमेश्वर, थारो धन्यवाद हो कि म्हु दूजा लोगों रे समाण – जैणा कि डाकू, अन्यायी मीनक, व्यभिचारी, या अटे ताई कि अटे हाजिर उण चुंगी लेणे वाळे रे समाण एक पापी नी हूँ।'

उदाहरण रे वास्ते, म्हु हरेक सपताह माय दो भळा उपवास राखूहूँ, अर म्हु मुणे मिळणे वाळे धन अर सामाण रो दसवाँ हिस्सा थाणे देवहूँ।

पण वो चुंगी लेणे वाळो उण धारमिक अगुवे ऊ घणों आगो ऊबो हो। उणने ऊपर सरग री ओर आँखें भी नी उठाईं। इणरे बजाए, उणने अपणी मुट्ठी सू अपणी छाती पीटियों अर पराथना किदी, 'हे परमेश्वर, किरपा करके मारे माथे दया करो क्यूके म्हु एक पापी हूँ।'

पाचे यीशु कियो, "म्हु थाणु सच केवू हूँ, परमेश्वर ने उण चुंगी लेणे वाळे री पराथना को सुणियो अर उणे धरमी घोषित किदो। पण उणने उण धारमिक अगुवे री पराथना को पसंद नी किदो। परमेश्वर हरेक घमंडी रो माथों नीचो करेळा, पण वो हरेक उण जन को आदर देळा जको खुद को नरम करे।"