35. दयाळु पिता री बात

एक दिण, यीशु उण घणाई लोगों को शिकसा देवता जको उणने सुणणे रे वास्ते भेळा रिया। वे लोग चुंगी लेणे वाले अर साथेही दूजा लोग भी हेठा जको मूसा री व्यवस्था रो पाळण करणे रो परयास नी किदो।

थोड़ाक धारमिक अगुवों ने देखियों कि यीशु इण लोगों सू एक साथी रे समाण बात करे। इणवास्ते वे एक दूजा सू यो केवणों सरु कर दियो कि वो खोटो करे। यीशु ने उणको बातें करतोड़ो सुणियो, इणवास्ते उणने उणको आ बात बताई।

एक मीनक हेतो जिणरे दो टाबर हेता। छोटोड़ों बेटो ने अपणे बाप सू कियो, 'हे पिता, मणे अबार मारो हिस्सो जोइजे!' अतः पिता ने अपणे दोनों बेटो रे मायने अपणी सम्पत्ति रो बँटवारो कर दियो।

भेगो ही छोटोड़ों बेटो अपणों सगळो भेळो कर आगो देश को गिवरों अर पापी जीवण जीणे माय अपणे सगळे धन को बर्बाद कर दियो।

इणरे पचे, जटे छोटोड़ों बेटो हो उण देश माय एक भयंकर अकाल पडियो, अर उणरे कणे भोजण खरीदणे रे वास्ते धन नी हेतो। इण वास्ते उणे जो काम मिमिलियों वो सूअरों को चराणे को थो। वो इतरो दुःखी अर भूखो हो कि वो सूअरों रो भोजण खाणों चावतों।

आखिरकार, उण छोटेणे बेटे ने खुद सू कियो, 'म्हु कई करु हूँ? मारे बाप रे सगळा सेवकों रे कणे खाणे रे वास्ते बहुतायत सू व्है, पचे भी म्हु अटे भूखो मरु हूँ। म्हु अपणे बाप रे कणे पाचो जाऊँळा अर अपणे बाप रो एक सेवक बणणे रे वास्ते उणसू विणती करूँळा।'

अतः उण छोटेड़े बेटे ने पाचो अपणे बाप रे घर धकिने जाणों हरु किदो। जबकि वो अबार आगो ही हेतो, उणरे बाप ने उणे देखियों अर उण माथे तरस खादो। वो दौड़ने अपणे बेटे रे कणे गियो अर उणे गले लगायणे चूमियो।

उण बेटे ने कियो, 'हे पिता, म्हु परमेश्वर रे अर थारे खिलाफ पाप किदो। म्हु थारो बेटो केहवणेने रे लायक भी नी हूँ।'

पण बाप ने अपणे एक सेवक सू कियो, 'भेगो जायणे सबाऊ छोको गाबो लेयणे आओ अर मारे बेटे को पेहरावो! उणकी उंगली माय अंगूठी अर उणरे पगो माय जूतिया पेहरावो। पाचे सबाऊ बढ़िया बछडो मारो ताकि आपा खावां अर उत्सव मनावां, क्यूके मेरो बेटो मरगो हेतो, पण अबे वो जीवतो व्है! वो गमगो हेतो, पण अबे आपा उणे पा लियो व्है!'

इण वास्ते लोगों ने उत्सव मनाणों हरुकिदो। थोड़ीक वेळा पाचे, मोटोड़ों बेटो खेत माय काम करणे घरे आयो। वो संगीत अर नाच री आवाज को सुणियो अर अचम्भित व्हियों कि ओ कई व्हे रियो व्है।

जद मोटोड़ा बेटे को माळूम व्हियों कि वे इणवास्ते उत्सव मना रियाहेता क्यूके उणरो भाई घरे आ गियो हेतो, तो वो घणों क्रोधित व्हियों अर घर माय दाखिल नी व्हियों। उणरे बाप ने बाहरे आयणे उणरे उणरे साथे उत्सव मनाणे रो निवेदन किदो, पण उणने मना कर दियो।

उण मोटोड़े बेटे ने अपणे बाप सू कियो, 'इण सगळे बरसो माय म्हु थारे वास्ते निष्ठापूर्वक काम किदो! कदी भी थारी बात को नी टालियो, पण थू कदी मणे एक छोटीक बकरी भी नी दी ताकि म्हु अपणे साथियो रे साथे दावत कर सकूँ। पण थारे इण बेटे ने थारे धन को पापी कामो माय बर्बाद कर दियो। अर अबे जद वो आयो तो उणरे वास्ते उत्सव मनाणे को थे सबाऊ छोखो बछड़े को मार डाळियो!'

बाप ने जबाब दियो, 'हे म्हारा बेटा, थू रोजीणा मारे साथे व्हो, अर जकोई मारो व्है वो सगळो थारो व्है। पण आपाणे वास्ते उत्सव मनाणों सही व्है क्यूके थारो भाई मर गियो हेतो, पण अबे वो जीवतो व्है। वो खोईगो हेतो, पण अबे आपा उणे पा लियो व्है!'