36. रूपान्तरण

एक दिण, यीशु ने अपणे तीन चेलों, पतरस, याकूब, अर यूहन्ना को अपणे साथे लियो। (ओ यूहन्ना नाम रो चेळो वोहीज मीनक नी हेतो जको यीशु को बपतिस्मा दियो।) वे पराथना करणे रे वास्ते एक ऊँचे पहाड़ माथे गिया।

जद यीशु पराथना कर रियो हेतो तो उणरो चेहरो सूरज रे समाण उज्जवल व्हे गियो। उणरे गाबा उजियाले रे समाण धोळा व्हे गिया, जैणा धरती माथे कोई कर सके उणसु भी बढ़णे धोळो।

तबे मूसा अर एलिय्याह भविष्यद्वक्ता परकट व्हिया। ये मीनक इण धरती माथे इण वेळा सू सैकड़ों बरस पेहळा रिया करता। वे यीशु सू उणरी मरतू रे विषय माय बात किदी, क्यूके वो भेगो ही यरूशलेम माय मर जावेळा।

जद मूसा अर एलिय्याह यीशु सू बातें करता तबे पतरस ने यीशु ऊ कियो, "म्हाणे वास्ते अटे रेवणों भळो व्है। म्हा तीन मंडपों को बनायो, एक थाणे वास्ते, एक मूसा रे वास्ते, अर एक एलिय्याह रे वास्ते।" पण पतरस नी जाणतो कि वो कई केवे।

जद पतरस बात करतो, तो एक चमकदार बादळ नीचे आयणे उण माथे छायगो। पाचे वे बादळ मायू एक आवाज को आवतो सुणियो। वो कियो, "ओ मारो बेटो है जिणऊ म्हु परेम करू। म्हु उणसू राजी हूँ। उणरी सुणों।" वे तीनोंई चेळा डरगा अर जमी माथे लेटगा।

तबे यीशु ने उणको छुयो अर कयो, "डरो मती। उठ जाओ।" जद वे चारों मेर देखियो, तो जकोई वटे हेतो वो खाळी यीशु हेतो।

यीशु अर वे तीनोंई चेळा उण पहाड़ सू पाचा नीचे उतरिया। तबे यीशु ने उणसू कियो, "अबार जको अटे रियो उणरी चरचा किणी सू नी करणी। म्हु भेगो ही मर जाऊँळा अर पाचो जीवतो व्हे जाऊँळा। उणरे पचे, थे लोगों को बताई सकोळा।"