37. यीशु लाज़र को मृतकों माय ऊ जिलावे

लाज़र नाम रो एक मीनक हेतो। उणरी दो बेहनें हेती जिणरो नाम मरियम अर मार्था हेतो। वे सगळा यीशु रा घनिष्ठ साथी हेता। एक दिण, कुणी यीशु को बतायो कि लाज़र घणों बीमार हेतो। जद यीशु ओ सुणियो तो उणने कियो, "आ बीमारी लाज़र रे मरणे रे साथे खतम नी व्हेळा। इणरे बजाए, आ लोगों को परमेश्वर रो आदर करणे रे वास्ते परेरित करेळी।"

यीशु अपणे साथियो ऊ परेम करतो, पण जटे वो हेतो वटे उणने दो दिनों ताई बाट जोई। उण दो दिनों रे पचे, उणने अपणे चेलोंऊ कियो, "आओ, पाचा यहूदिया को हाळा।" चेलों ने जबाब दियो, "पण हे गरु, अबार थोड़ीक वेळा पेहळा वटे रा लोग थाणे मार डाळणा चावता!" यीशु कियो, "अपाणो साथी लाज़र हुईगो व्है, अर माणे उणे जगाणों व्है।"

यीशु रा चेलों ने जबाब दियो, "हे परभु, जदि लाज़र हुईगो, तो वो ठीक व्हे जावेळा।" तबे यीशु ने उणसू साफ रूप सू केदियो, "लाज़र मर गो व्है। म्हु आनन्दित हूँ कि म्हु वटे नी हेतो, ताकि थे मारे माथे भरोसो कर सको।"

जद यीशु लाज़र रे गाँव पोचियो तो लाज़र को मरियोड़ा पेहले ही चार दिन व्हेगिया। मार्था यीशु सू मिळणे रे वास्ते बाहरे आई अर कियो, "हे परभु, जदि थे अटे रेवता तो मारो भीरो नी मरतो। पण म्हु विश्वास करु कि जकोई भी थे परमेश्वर सू माँगो वो थाणे देळा।"

यीशु ने जबाब दियो, "पुनरुत्थान अर जीवन म्हु हूँ। जकोई मारे माथे भरोसो करे जदि वो मर भी जावे तौभी जीवेळा। जकोई मारे माथे भरोसो करे वो कदी नी मरेळा। कई थू इण माथे भरोसो करे?" मार्था जबाब दियो, "हे परभु, म्हु भरोसो करुहूँ कि थे परमेश्वर रा बेटा मसीह व्हो।"

तबे मरियम आई। उणने यीशु रे पगामाय पड़ने कियो, "हे परभु, जदि थे अटे रेवता तो मारो भीरो नी मरतो।" यीशु ने उणसे पूछियो, "थे लाज़र को कटे राखियो?" वे उणे बतायो, "कब्र माय। आ अर देख ले।" तबे यीशु रोणे ळागो।

वा कब्र एक गुफा हेती जिणरे द्वारा माथे एक भाटो लुढ़कायो गियो। जद यीशु कब्र माथे पुगियों तो उणने उणसे कियो, "भाटो हटाय दो।" पण मार्था कियो, "उणे मरियोड़ा चार दिण व्हे गिया। उणमाय बास आती व्हेला।"

यीशु ने जबाब दियो, "कई म्हु थाणे नी कियो कि जदि थे मारे माथे भरोसो करो तो परमेश्वर रे सामरथ को देखोळा?" इणवास्ते वे भाटो हटा दियो।

तबे यीशु ऊपर सरग री ओर देखणे कियो, "हे पिता, मारी सुण लेणे रे वास्ते म्हु थारो धनवाद करु। म्हु जाणु कि थे रोजीणा मारी सुणों, पण म्हु ओ अटे ऊबोड़ा इण सगळा लोगों री मदद करणे रे वास्ते कियो ताकि ए भरोसो करें कि थे मणे भेजियो।" तबे यीशु आवाज लगाई, "हे लाज़र, बाहरे निकळ आव!"

अतः लाज़र बाहरे निकल आयो! वो अबार भी कफन माय लिपटियोडो हेतो। यीशु ने उणसू कियो, "इण कफन को निकाळणे माय उणरी मदद करो अर उणे आज़ाद करो।" इण चमत्कार रे कारण घणाई यहूदियों ने यीशु माथे भरोसो किदो।

पण यहूदियों रे धारमिक अगुवे यीशु ऊ जळणे ळागा, इण वास्ते वे योजणा बणाणे रे वास्ते एक साथे भेळा व्हिया कि किकर यीशु अर लाज़र को मार डाळा जाय।