38. यीशु को पकड़वायो जाणो

हरेक बरस, यहूदी लोग फसह रो पर्व मनावता। यो इण बारे माय एक उत्सव थो कि केई शताब्दियों पेहले परमेश्वर ने उणरे पूर्वजों को मिस्र रे दासत्व सू छुड़ायो। ळगभग तीन बरस रे पचे यीशु ने सार्वजनिक रूप सू परचार करणों अर शिकसा देणों हरु किदों। यीशु ने अपणे चेलों को बतायो कि वो उणरे साथे यरूशलेम माय फसह रे पर्व को मनाणों चावे, अर ओ भी कि वो वटे मार डाळियो जावेळा।

यीशु रे चेलों माय एक यहूदा नाम रो मीनक हेतों। यहूदा परेरितों रे धन री थैली राखणे रो परभारी हेतो, पण केई भळा वो उण थैली मायऊ पैसे निकाळ ळेवतों। यीशु अर चेलों रे यरूशलेम माय पुगणे रे पचे यहूदा यहूदी अगुवों रे कणे गियों। उणने धन रे बदळे माय यीशु को उणके हाथ पकड़वाणे रो परसताव राखियों। वो जानतो थो कि यहूदी अगुवे सवीकर नी करे कि यीशु ही मसीह थो। वे जाणता कि वे उणे मार डालणों चावे।

महायाजक रे केवणा माथे यहूदी अगुवों ने यीशु को उणके हाथों माय पकड़वाणे रे वास्ते यहूदा को तीस चाँदी रा सिक्का दिया। ओ उणी परकार सू व्हीयों जैणों कि भविष्यद्वक्ता ने कियो कि व्हेळा। यहूदा माण गिया अर धन लेयणे गिवरा। वो यीशु को गिरफ्तार करणे माय उणरी मदद करणे रे वास्ते किसी अवसर री खोज करणे ळागा।

यरूशलेम माय, यीशु ने अपणे चेलों रे साथे फसह रो पर्व मनायो। फसह रे भोज रे दौराण, यीशु ने रोटी लेयणे तोड़ी। उणने कियो, "इणे लो अर खाओ। ओ मारो शरीर व्है जको म्हु थाणे वास्ते देऊ। इणे मारी याद माय करणा।" इण परकार सू, यीशु ने कियो कि वो उणरे वास्ते मर जावेळा, अरथात उणरे वास्ते वो खुदरे शरीर को बलि चढ़ावेळा।

पाचे यीशु ने एक दाखरस रो प्याळो लिदो अर कियो, "इणे पी लो। आ नवी वाचा रो मारो लोई व्है जको म्हु उंडेलूँळा ताकि परमेश्वर थाणे पापों को क्षमा करेळा। हरेक भळा इणे पितोडी वेळा मारी याद माय इणे करो जको म्हु अबार करु।"

तबे यीशु ने अपणे चेलों ऊ कियो, "थाणे मायऊ एक जणों म्हणे पकड़वावेळा।" चेळा चौंक गिया, अर पूछणे लागा कि कुण ऐडो काम करेळा। यीशु ने कियो, "मारो पकड़वाणे वाळो मीनक वो है जिणे म्हु आ रोटी रो टुकडो देवुहूँ।" तबे उणने वा रोटी यहूदा को दीदी।

उण रोटी को लेणे रे पाचे, यहूदा माय शैताण समा गियो। यहूदा निकळ कर यीशु को गिरफ्तार करणे रे वास्ते यहूदी अगुवों री मदद करणे को गिवरों। आ रात री वेळा हेती।

भोजण रे पचे, यीशु अर उणरे चेले जैतून पर्वत को गिवरा। यीशु ने कियो, "थे सगळा आज रात मणे छोड़ दोळा। यो लिखियोड़ो व्है, 'म्हु चरवाहे को मारूँळा अर सगळी भेड़ें तितर-बितर व्हे जावेळा।'"

पतरस ने जबाब दियो, "भले ही बाकी रा सगळा थाणे छोड़ देंवे, म्हु नी छोड़ूँळा!" तबे यीशु ने पतरस सू कियो, "शैताण थाणे सगळा को ळे लेणा चावे व्है, पण हे पतरस, म्हु थारे वास्ते पराथना किदी कि थू विश्वास सू चुक नी जावे। पाचे भी, आज री रात, मुर्गे रे बाँग देणे सू पेहले थू तीन भळा इणकार करेळा कि थू म्हणे जाणे भी कोणी।"

पतरस ने तबे यीशु सू कियो, "भळे ही म्हु मर भी जाऊँ, म्हु कदी भी थारो इणकार नी करूँळा!" बाकी रे सगळा चेलों ने भी योही कियो।

तबे यीशु अपणे चेलों रे साथे गतसमनी नाम री जागा माथे गियो। यीशु ने अपणे चेलों सू पराथणा करणे रे वास्ते कियो ताकि शैताण उणकी परीकसा नी करे। तबे यीशु खुद पराथणा करणे रे वास्ते चला गियो।

यीशु ने तीण भळा पराथणा किदी, "हे म्हारा पिता, जदि सम्भव व्हे तो किरपा करके ओ दुःख रो प्याळो पीणे रे वास्ते मणे मती दो। पण जदि लोगों रे पाप समा किये जाणे रे वास्ते कोई भेर मारग नी व्है, तो थारी ही इच्छा पूरी व्हो।" यीशु घणों व्याकुल हेतो अर उणरो पसीणों लोही री बूँदों रे समाण हेतों। उणे सामर्थ देणे रे वास्ते परमेश्वर ने एक सरगदूत को भेजियो।

हरेक भळा पराथणा रे पाचे, यीशु अपणे चेलों रे कणे पाचो आयो, पण वे सोई गिया। जद यीशु तीजी भळा लौटियो तो यीशु ने कियो, "जाग जाओ! मणे पकड़वाणे वाळा अटे व्है।"

यहूदी अगुवों, सैनिकों, अर एक मोटी भीड़ रे साथे यहूदा आयो। वे तलवारें अर लाठियाँ लियोड़ी हेती। यहूदा ने यीशु रे कणे आयणे उणसू कियो, "हे गरु, नमस्कार," अर उणे चूम लियो। उणने गिरफ्तार किये जाणे वाले मीनक को यहूदी अगुवों माथे परकट करणे रे वास्ते ऐणों किदो। तबे यीशु ने कियो, "हे यहूदा, कई थू एक चुम्बन सू मणे पकड़वा रियो व्है?"

जद वे सैनिक यीशु को पकड़ रिया हेता, तो पतरस ने अपणी तलवार निकाळी अर महायाजक रे एक सेवक रो कान काट दियो। यीशु ने कियो, "तलवार को आगी कर! म्हु अपणे पिता सू मेरा बचाव करणे रे वास्ते सरगदूतों री एक सेणा रे वास्ते विणती कर सकू। पण म्हणे मारे पिता री बात माणणी व्है।" तबे यीशु ने उण मीनक रे कान को ठीक कर दियो। तबे सगळा चेळा भागगा।