39. यीशु माथे मुकद्दमो चाले

अबे आ आधी रात री वेळा हेती। वे सैणिक यीशु को महायाजक रे घरे ले आया, क्यूके वो यीशु सू सवाळ करणों चावतों। पतरस दूर सू उणरो पीछो करे। जद सैणिक यीशु को घर माय ले गिया, तो पतरस बाहरे रुक कर खुदको आग सू गरम करणे लागो।

घर रे भीतर, यहूदी अगुवों ने यीशु माथे मुकद्दमो चलायो। वे उणरे खिलाफ झूठी बातों को बोळणे रे वास्ते घणाही खोटा गवाहों को लेयणे आये। हालाँकि, उणरी बातें एक दूजे सू सेहमत नी हेती, इणवास्ते यहूदी अगुवे यहओ साबित नी कर पाया कि वो किणी बात रो दोषी हेतो। यीशु ने की नी कियो।

अंत माय, महायाजक ने सीधो यीशु री ओर देखणे कियो, "म्हाणे बता कि कई थू ही जीवितो परमेश्वर रो बेटो मसीह व्है?"

यीशु ने कियो, "म्हु हूँ, अर थे मणे परमेश्वर रे साथे बैठोडो अर सरग सू आतोड़ा भी देखोळा।" महायाजक ने अपणे गाबा फाड़ लिया क्यूके जको यीशु ने कियो वो उण बात माथे घणों क्रोधित व्हीयों। वो दूजा अगुवों माथे चिल्लायो, "म्हाणे ओ बताणे रे वास्ते किणी भेर गवाह री आवश्यकता नी व्है कि इण मीनक ने कई किदों व्है! थे खुद ही उणे ओ केवतोड़ों सुण लियो व्है कि वो परमेश्वर रो बेटो व्है। उणरे बारे माय थारो कई निरणय व्है?"

सगळा यहूदी अगुवों ने महायाजक को जबाब दियो, "वो मरणे रे योग्य व्है!" तबे वे यीशु री आँखियों माथे पाटी बाँध दी, उण माथे थूकियो, उणे मारियो, अर उणरो मजाक उड़ायो।

अर पतरस, जद वो घर रे बाहरे बाट जो रियो थो। तबे एक दासी री छोरी ने उणे देखियो। उणने उणसू कियो, "थू भी यीशु रे साथे हेतो!" पतरस ने मना कर दियो। पाचे, किणी दूजी छोरी ने इणी बात को कियो, अर पतरस ने पाचे भेर मना कर दियो। अंत माय, थोड़ाक लोगों ने कियो, "म्हा जाणा कि थू यीशु रे साथे हेतो क्यूके थे दोई गलील से व्हो।"

तबे पतरस ने कियो, "जदि म्हु इण मीनक को जाणु तो परमेश्वर मणे शराप देदे!" हाथो हाथ ही पतरस रे इण तरेह शपथ खाणे रे पाचे, एक मुर्गे ने बाँग दीदी। यीशु ने लारे मुड़ परो पतरस को देखियो।

पतरस वटे सू चळो गियो अर फूट-फूट कर रोयणे ळागो। उणी वेळा, यीशु को पकड़वाणे वाळे यहूदा ने देखियो कि यहूदी अगुवों ने यीशु को मृत्युदंड दियो। यहूदा घणों दुःखी व्हे गियो अर जायणे खुद को मार डाळियो।

अबे उण देश रो राजीयपाल पिलातुस हेतो। वो रोम रे वास्ते काम किया करतो। यहूदी अगुवे यीशु को उणरे कणे लेयणे आया। वे चावता कि पिलातुस उणे मृत्युदंड दे अर उणे मार डाले। तबे पिलातुस ने यीशु सू पूछियो, "कई थू यहूदियों रो राजो व्है?"

यीशु ने जबाब दियो, "थे साच ही कियो व्है। पण मारो राजीय अटे धरती रो नी व्है। जदि व्हेतो तो मारा दास मारे वास्ते युद्ध करता। म्हु धरती माथे परमेश्वर रे बारे माय साच बताणे रे वास्ते आयो। हरेक जन जको साच सू परेम करे वो मारी सुणे व्है।" पिलातुस ने कियो, "तो साच कई है?"

यीशु रे साथे बात करणे रे पचे, पिलातुस ने बाहरे भीड़ रे कणे जायणे कियो, "म्हु ऐणों कोई कारण नी पायो कि ओ मीनक मार डाले जाणे रे योग्य व्हो।" पण यहूदी अगुवों अर भीड़ ने चिल्लायणे कियो, "उणे क्रूस माथे चढ़ाई दो!" पिलातुस ने जबाब दियो, "वो की भी गळत करणे रो दोषी नी व्है।" पण वे भळे भी ऊँची आवाज माय चिल्लावणे ळागा। तबे पिलातुस ने तीजी भळा कियो, "वो दोषी नी व्है!"

पिलातुस डर गियो कि वो भीड़ दंगो हरु कर देळा, इणवास्ते वो अपणे सैणिकों द्वारा यीशु को क्रूस माथे चढ़ाने रे वास्ते माण गियो। रोमी सैणिकों ने यीशु को कोड़े लगाया, अर उणको राजसी गाबा फेराया, अर उणरे माथा माथे काँटों सू बणियोडो मुकुट राखियों। तबे वे ओ केयणे उणरो मजाक उड़ावणे ळागा, "देखो, यहूदियों रो राजो!"